Viðskipti innlent

Minnsta verð­bólga í rúm tvö ár

Kjartan Kjartansson skrifar
Flugfargjöld til útlanda hækkuðu um rúm ellefu prósent frá mars til apríl.
Flugfargjöld til útlanda hækkuðu um rúm ellefu prósent frá mars til apríl. Vísir/Vilhelm

Vísitala neysluverðs hækkaði um 0,55 prósent á milli mars og apríl. Verðbólga undanfarinna tólf mánaða mælist nú sex prósent og heldur áfram að hjaðna.

Kostnaður vegna búsetu í eigin húsnæði hækkaði um 1,7 prósent á tímabilinu samkvæmt nýjustu tölum Hagstofu Íslands. Áhrif hans á vísitöluna nam 0,32 prósentum. Flugfargjöld til útlanda hækkuðu um 11,3 prósent sem hafði 0,2 prósent áhrif á vísitöluna. 

Þegar húsnæðisliðurinn er felldur út úr vísitölunni nam verðbólga 0,3 prósent á milli mánaða. Síðastliðið ár hefur vísitala neysluverð án húsnæðis hækkað um 3,9 prósent.

Þegar mest lét mældist verðbólga á ársgrundvelli 10,2 prósent í febrúar í fyrra. Síðan þá hefur hún hjaðnað nokkuð. Verðbólga hefur ekki mælst minni frá því í janúar 2022.

Skýring Seðlabankans á hvað verðbólga er:

Verðbólga er skilgreind sem viðvarandi hækkun almenns verðlags og er mæld sem tólf mánaða breyting vísitölu neysluverðs. Sú vísitala mælir meðalverð á vörum og þjónustu sem heimili á Íslandi kaupa í hverjum mánuði. Verðbólga felur í sér að verðgildi og kaupmáttur peninga minnkar, þ.e.a.s. minna magn vöru og þjónustu fæst fyrir hverja krónu.

Efnahagsmál Verðlag Fjármál heimilisins


Mest lesið


Fleiri fréttir

Sjá meira


×

Mest lesið