Innlent

Vilja flytja heilt rað­hús úr Grinda­vík í Garðinn

Árni Sæberg skrifar
Raðhúsið er í Grindavík, allavega í bili.
Raðhúsið er í Grindavík, allavega í bili. Vísir/Arnar

Verktakafyrirtækið Kimar ehf. hefur óskað eftir lóð í Garði fyrir nýtt fimm íbúða einingaraðhús, sem yrði flutt af grunni úr Grindavík á nýja lóð.

Í fundargerð framkvæmda- og skipulagsráðs Suðurnesjabæjar frá 20. mars síðastliðnum segir að ráðið geti ekki orðið við ósk Kima. Víkurfréttir vekja athygli á málinu.

Lóðir í öðrum áfanga Teiga- og Klapparhverfis, þar sem Kimar vilja koma húsinu fyrir, verði ekki byggingahæfar fyrr en á vormánuðum. 

Núgildandi úthlutunarreglur um lóðir í Suðurnesjabæ geri ráð fyrir því að almennt séu allar lóðir auglýstar til umsókna sem eru til úthlutunar. Ráðið geti því ekki orðið við þeirri ósk að ráðstafa sérstaklega lóðum til almennra byggingaraðila nema Suðurnesjabær felli úr gildi eða breyti núverandi reglum um úthlutun lóða.

Grindavík Eldgos og jarðhræringar Eldgos á Reykjanesskaga Suðurnesjabær
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið