Viðskipti innlent

Play hefur flug til „heim­kynna jóla­sveinsins“

Atli Ísleifsson skrifar
Um 65 þúsund manns búa í Rovaniemi.
Um 65 þúsund manns búa í Rovaniemi. Visit Rovaniemi

Flugfélagið Play hefur sett í sölu flug til þorpsins Rovaniemi í norðurhluta Finnlands.

Frá þessu segir í tilkynningu frá félaginu þar sem segir að þetta rómaða þorp sé þekkt fyrir að vera heimkynni jólasveinsins. Rovaniemi er höfuðstaður Lapplands.

„Flogið verður 7. desember frá Keflavíkurflugvelli til Rovaniemi-flugvallar en heimferðin er degi síðar. Íslendingum býðst því einstakt tækifæri til að heimsækja þessa finnsku töfraveröld.

Hægt er að hitta jólasveininn og eiginkonu hans í jólasveinaþorpinu Santapark alla daga ársins, en um 600 þúsund manns leggja leið sína þangað á ári hverju.

Rovaniemi er líflegt háskólaþorp en þar búa 65 þúsund manns og um það bil 12 þúsund hreindýr eru á svæðinu.

Þar er hægt að fara í norðurljósaskoðunarferð á hundasleða eða sofa undir stjörnunum í glerkúluhúsi. Hvað svo sem verður fyrir valinu er ljóst að ef ætlunin er að koma sér í jólaskap með góðum fyrirvara í ár, þá mun ferð til Rovaniemi engan svíkja,“ segir í tilkynningunni. 

Play Fréttir af flugi Keflavíkurflugvöllur Finnland


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið