Múla­kaffi opnar dyrnar í Sjá­landi

„Við erum afar stolt af því að bæta Sjálandi við í framboð okkar á veislu- og veitingaþjónustu. Sjáland er einn glæsilegasti veislu- og viðburðastaður landsins á magnaðri staðsetningu við sjávarsíðuna,“ segir Guðríður María Jóhannesdóttir, framkvæmdastjóri Múlakaffis í tilkynningu.

Ófá brúðkaup, afmælisveislur og árshátíðir hafa farið fram í Sjálandi undanfarin ár. Þar eru tveir sal­ir, ann­ar sem hent­ar stærri viðburðum og svo minni sal­ur sem pass­ar fyr­ir minni boð. Yfir­kokk­ur Múlakaff­is, Eyþór Rún­ars­son, hef­ur um­sjón með mat­seðli og áhersl­um Sjá­lands í mat og drykk.

„Við erum nú þegar far­in að taka við bók­un­um fyr­ir sum­arið, sím­inn hef­ur varla stoppað síðan að það spurðist út að Sjá­land yrði opnað aft­ur. Enda er hús­næðið sér­hannað fyr­ir veisl­ur og viðburði af öll­um gerðum,“ seg­ir Guðríður í tilkynningu.

Líkamsræktarkeðjan World Class keypti húsnæðið í Sjálandi fyrir rúmlega 700 milljónir króna í janúar. Töluverðar framkvæmdir verða á svæðinu áður en opnað verður eftir að minnsta kosti tvö ár.