Viðskipti innlent

Líf­eyris­sjóðir fái eignir Heimstaden á 15 milljarða af­slætti

Árni Sæberg skrifar
Drjúgur hluti íbúða Heimstaden er á Ásbrú í Reykjanesbæ.
Drjúgur hluti íbúða Heimstaden er á Ásbrú í Reykjanesbæ. Vísir/Arnar

Sjóður í eigu nokkurra lífeyrissjóða í stýringu Stefnis er sagður munu greiða 61 milljarð króna fyrir allt hlutafé í leigufélaginu Heimstaden. Fasteignamat eigna Heimstaden er tæpir 76 milljarðar króna.

Þetta hefur Mbl.is eftir heimildum. Í frétt mbl segir að bókfært virði eignanna sé 74 milljarðar króna og Heimstaden hafi gefið út í október síðastliðnum að bókfært virði væri 75 milljarðar.

Tilkynnt var um kaup sjóðsins á öllu hlutafé í Heimstaden ehf. af Fredensborg AS þann 12. október síðastliðinn. 

Þá sagði að kaupin væri meðal annars háð áreiðanleikakönnun og samþykki lífeyrissjóðanna. Í vikunni sem leið var svo tilkynnt um að gengið hefði verið frá kaupunum. Þau eru þó með fyrirvara um samþykki Samkeppnisyfirlitsins.

Kaup og sala fyrirtækja Fasteignamarkaður Lífeyrissjóðir


Mest lesið


Fleiri fréttir

Sjá meira


×

Mest lesið