Viðskipti erlent

Gekk erfið­lega að svara fyrir meint okur og sagði upp störfum

Hólmfríður Gísladóttir skrifar
Banducci var ósáttur við spurningar blaðamannsins og stóð upp á einum tímapunkti áður en hann samþykkti að ljúka viðtalinu.
Banducci var ósáttur við spurningar blaðamannsins og stóð upp á einum tímapunkti áður en hann samþykkti að ljúka viðtalinu. ABC

Yfirmaður verslunarkeðjunnar Woolworths í Ástralíu hefur sagt af sér eftir erfitt viðtal þar sem hann var yfirheyrður um verðlagningu og meint okur. Gekk hann út, augljóslega ósáttur við spurningar blaðamanns, en samþykkti svo að klára viðtalið.

Woolworths er stærsta verslanakeðja Ástralíu og hefur, ásamt helsta keppinaut sínum Coles, um 65 prósent markaðshlutdeild á matvöruverslanamarkaðnum. Fyrirtækin hafa bæði verið sökuð um okur og hafa stjórnendur Woolworths verið kallaðir fyrir ýmsar þingnefndir vegna málsins.

Fyrirtækið sætir einnig rannsókn af hálfu samkeppnisyfirvalda.

Á mánudaginn birti Australian Broadcasting Corporation þátt um rannsókn miðilsins á viðskiptaháttum Woolworths og Coles en auk þess að hafa verið sökuð um okur hafa fyrirtækin einnig verið ásökuð um óheiðarleika gagnvart bændum og birgjum.

Blaðamaðurinn Angus Grigg ræddi við innanbúðamenn, sérfræðinga og yfirmenn beggja verslanarisanna en sagði viðbrögð Brad Banducci, æðsta yfirmanns Woolworths, hafa verið furðuleg. Ónægja hans með spurningar um samkeppnismál sýndi að fyrirtækin væru ekki vön því að þurfa að svara spurningum.

Hinn 59 ára Banducci hefur starfað hjá Woolworths í þrettán ár, þar af átta við stjórnvölin. Í tilkynningu til áströlsku kauphallarinnar sagði að hann myndi láta af störfum í september. Þá var haft eftir stjórnarformanninum Scott Perkins að sagan myndi sýna að Banducci hefði verði einn af bestu leiðtogum fyrirtækisins.

Ástralía


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið