Innlent

Tvær flug­vélar rákust saman í há­loftunum

Vésteinn Örn Pétursson skrifar
Vélunum var lent á Keflavíkurflugvelli.
Vélunum var lent á Keflavíkurflugvelli. Vísir/Vilhelm

Tvær einkaflugvélar rákust saman á flugi við Vestmannaeyjar í gær. Flugmaður og farþegi voru í annarri vélinni en aðeins flugmaður í hinni.

Frá þessu er greint á vef Víkurfrétta. Þar kemur fram að báðar vélar hafi verið flughæfar eftir að hafa rekist saman á flugi, og þeim hafi verið lent á Keflavíkurflugvelli. Flugvélarnar séu báðar af gerðinni Kingair B200 og skráðar erlendis. Til hafi staðið að fljúga þeim ferjuflugi til Norður-Ameríku. 

Þá greina Víkurfréttir frá því að Rannsóknarnefnd samgönguslysa sé með atvikið til rannsóknar. Fyrst um sinn hafi flugmenn flugvélanna þó ekki tilkynnt um atvikið. Það hafi ekki verið gert fyrr en þjónustuaðilar á Keflavíkurflugvelli tóku eftir skemmdum sem hlutust af árekstrinum.

Þá hafi lögregla verið kölluð til, sem og fulltrúar rannsóknarnefndarinnar. 

Fréttir af flugi Keflavíkurflugvöllur Samgönguslys
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið