Viðskipti innlent

Play í hluta­fjár­aukningu og á aðalmarkað

Oddur Ævar Gunnarsson skrifar
Birgir Jónsson, forstjóri Play.
Birgir Jónsson, forstjóri Play. Vísir/Vilhelm

Forsvarsmenn Play hafa hafið undirbúning á hlutafjáraukningu fyrir félagið. Ráðgert er að sækja allt að þrjá til fjóra milljarða króna í nýtt hlutafé. Þá stefnir félagið á að flytja sig yfir á aðalmarkað Kauphallarinnar á fyrri helmingi ársins. Gengi félagsins í Kauphöllinni var sextán prósentum lægra en í gær þegar markaðir opnuðu í dag. 

Þetta er meðal þess sem fram kemur í afkomutilkynningu sem félagið birti eftir lokun markaða í gær. Þar segir að félagið hafi vaxið hratt síðan það hóf flug í fyrsta sinn í júní 2021.

„Á vaxtaskeiði sínu hefur félagið glímt við ítrekuð ytri áföll, nú síðast eldgos á Reykjanesi í morgun. Það er mat félagsins að skynsamlegt sé að styrkja lausafjárstöðuna enn frekar, með hlutafjáraukningu, þannig að félagið sé í stakk búið til að grípa vaxtatækifæri og mæta ófyrirséðum atburðum.“

Fram kemur að félagið hafi ráðið þrjá ráðgjafa vegna hlutafjáraukningarinnar, Arctica Finance hf. sem umsjónaraðila og Fossa fjárfestingarbanka hf. og Greenhill (Mizuho) sem söluaðila. Segir að ráðgjafar félagsins muni á næstu vikum hefja samtal við fjárfesta og muni útfærsla á fyrirkomulagi hlutafjáraukningarinnar meðal annars taka mið af þeim samtölum.

„Árið 2024 verður fyrsta árið í rekstri PLAY þar sem ekki verður bætt við nýjum flugvélum og að öllu óbreyttu myndi félagið ekki þurfa aukið fjármagn fyrir 2024,“ segir Birgir Jónsson, forstjóri Play.

„Atburðir undafarna vikna hafa sýnt okkur að staða flugfélaga getur breyst hratt og er það mat félagsins að styrkja þurfi lausafjárstöðuna.“

Fréttir af flugi Play Kauphöllin


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið