Félag Donna dæmt en hann kveður: „Erum nokkuð fúlir yfir þessu“ Sindri Sverrisson skrifar 9. febrúar 2024 07:30 Kristján Örn Kristjánsson, Donni, vonaðist eftir að spila meira á EM í janúar en kom lítið við sögu. VÍSIR/VILHELM Kristján Örn Kristjánsson, Donni, hefur ekki æft handbolta frá því á EM vegna meiðsla í öxl. Félag hans PAUC í Frakklandi stendur frammi fyrir því að verða dæmt niður um deild en það kemur ekki að sök fyrir Donna sem rær á ný mið í sumar. Donni er núna staddur á Íslandi og bíður þess að komast í aðgerð á vinstri öxlinni, skotöxlinni, hjá landsliðslækninum Örnólfi Valdimarssyni. Öxlin er þó ekki það eina sem angrar þennan 26 ára landsliðsmann í augnablikinu. Á dögunum var nefnilega greint frá því að fjögur stig hefðu verið tekin af félaginu PAUC, sem Donni spilar með í frönsku 1. deildinni, auk þess sem liðið verður að óbreyttu fellt um deild í sumar. Þetta er vegna brota á fjárhagsreglum deildarinnar en refsingin verður tekin til endurskoðunar 31. maí. Hundleiðinlegt að missa stig út af mistökum stjórnar „Ég hef nú ekki miklar áhyggjur af þessu. Þetta er síðasta tímabilið mitt hjá PAUC og það er ljóst að ég verð ekki lengur hérna. En auðvitað er hundleiðinlegt að það séu tekin af okkur fjögur stig, út af einhverjum mistökum hjá stjórninni sem hafa ekkert með liðið að gera,“ segir Donni í samtali við Vísi, en stjórnendur PAUC virðast ekki hafa staðið skil á upplýsingum um fjárhagsstöðu félagsins. „Við liðsfélagarnir erum nokkuð fúlir yfir þessu, búnir að berjast hart fyrir þessum stigum, og það er súrt að missa fjögur stig út af því að menn náðu ekki að skrifa undir einhverja pappíra. En það að liðið fari niður um deild mun ekki hafa áhrif á mig, svo ég hef ekki hugsað út í það. Það er framtíðarvandamál fyrir aðra menn,“ segir Donni. Alltaf fengið laun sín greidd Aðspurður hvort að hann hafi fundið á eigin skinni fyrir fjárhagserfiðleikum PAUC svarar skyttan öfluga: „Við leikmennirnir höfum alltaf fengið okkar laun. Það er kannski önnur saga af öðrum meðlimum klúbbsins, eins og yngri leikmönnum og starfsfólki. Þar hefur maður heyrt að menn fái ekki alltaf greitt á réttum tíma. En við leikmennirnir höfum ekki yfir neinu að kvarta.“ Boð frá Þýskalandi og Danmörku Donni er eins og fyrr segir í leit að nýju félagi og ætti að vera búinn að ná sér vel af axlarmeiðslunum í vor. „Ég er að skoða í kringum mig og er með nokkur boð frá bæði Þýskalandi og Danmörku. Ég er að skoða það en það er ekkert öruggt og ég er ekki búinn að velja mér neinn stað. Ég var að vona að það dytti eitthvað inn á EM, en spilaði svo bara fimm mínútur svo það voru engar klippur þar til að senda á önnur félög. En ég er ekkert að stressa mig á þessu. Ég veit að hægri skyttur eru nokkuð verðmætar þessa dagana,“ segir Donni og kveðst jafnvel tilbúinn að bíða fram á mitt sumar með ákvörðun. Donni fékk nánast ekkert að spila á EM í janúar, nema nokkrar mínútur í sigrinum gegn Króatíu.VÍSIR/VILHELM Glímt við meiðsli í öxl frá síðasta sumri Eins og fyrr segir hefur Donni ekki æft handbolta síðan á EM, vegna meiðsla í vinstri öxl, sem hafa plagað hann í allan vetur. „Ég er búinn að vera að díla við öxlina síðan síðasta sumar. Fann fyrir miklum verkjum en spilaði í gegnum það í byrjun tímabils. Eftir landsliðsverkefnið í lok október lét ég gott heita í bili, og fannst þetta of mikill verkur til að spila meira. Þá fékk ég loksins að fara í myndatöku og það kom í ljós að ég þyrfti að fara í aðgerð,“ segir Donni. „Það er ekki bráðnauðsynlegt fyrir mig að fara í aðgerð en ef ég vil að mér líði ekki illa í öxlinni þá þarf ég að fara í hana. Ég ákvað því að koma mér í gegnum EM og fara svo í aðgerð,“ segir Donni sem hugðist spila á EM, fara svo í aðgerð og vera vonandi klár fyrir Ólympíuleikana í sumar, en eins og alþjóð veit eru þeir núna úr sögunni. Hann segir meiðslin ekki hafa háð sér á EM, en hann fékk þó sáralítið að spila á mótinu. „Mér leið bara vel og ég var hundrað prósent á þessu móti. Það var líka markmiðið þegar ég fékk fréttirnar um meiðslin.“ Landslið karla í handbolta Franski handboltinn Mest lesið Uppgjörið: Valur - Afturelding 27-29 | Mosfellingar í úrslit Handbolti Óbein yfirlýsing frá DeAndre Kane Körfubolti United lyfti sér upp að hlið Newcastle Enski boltinn McIlroy sækir um skilnað nokkrum dögum fyrir PGA-meistaramótið Golf Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Kjósa um hvort notkun VAR verði hætt Fótbolti Jói Kalli hættir hjá landsliðinu og fer til Danmerkur Fótbolti Illa orðað samningsákvæði varð KA að falli Íslenski boltinn Rúnar Ingi skiptir um stól í Njarðvík Körfubolti Skaut á Taylor Swift og sagði konum að halda sig í eldhúsinu Sport Fleiri fréttir Uppgjörið: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Sjá meira
Donni er núna staddur á Íslandi og bíður þess að komast í aðgerð á vinstri öxlinni, skotöxlinni, hjá landsliðslækninum Örnólfi Valdimarssyni. Öxlin er þó ekki það eina sem angrar þennan 26 ára landsliðsmann í augnablikinu. Á dögunum var nefnilega greint frá því að fjögur stig hefðu verið tekin af félaginu PAUC, sem Donni spilar með í frönsku 1. deildinni, auk þess sem liðið verður að óbreyttu fellt um deild í sumar. Þetta er vegna brota á fjárhagsreglum deildarinnar en refsingin verður tekin til endurskoðunar 31. maí. Hundleiðinlegt að missa stig út af mistökum stjórnar „Ég hef nú ekki miklar áhyggjur af þessu. Þetta er síðasta tímabilið mitt hjá PAUC og það er ljóst að ég verð ekki lengur hérna. En auðvitað er hundleiðinlegt að það séu tekin af okkur fjögur stig, út af einhverjum mistökum hjá stjórninni sem hafa ekkert með liðið að gera,“ segir Donni í samtali við Vísi, en stjórnendur PAUC virðast ekki hafa staðið skil á upplýsingum um fjárhagsstöðu félagsins. „Við liðsfélagarnir erum nokkuð fúlir yfir þessu, búnir að berjast hart fyrir þessum stigum, og það er súrt að missa fjögur stig út af því að menn náðu ekki að skrifa undir einhverja pappíra. En það að liðið fari niður um deild mun ekki hafa áhrif á mig, svo ég hef ekki hugsað út í það. Það er framtíðarvandamál fyrir aðra menn,“ segir Donni. Alltaf fengið laun sín greidd Aðspurður hvort að hann hafi fundið á eigin skinni fyrir fjárhagserfiðleikum PAUC svarar skyttan öfluga: „Við leikmennirnir höfum alltaf fengið okkar laun. Það er kannski önnur saga af öðrum meðlimum klúbbsins, eins og yngri leikmönnum og starfsfólki. Þar hefur maður heyrt að menn fái ekki alltaf greitt á réttum tíma. En við leikmennirnir höfum ekki yfir neinu að kvarta.“ Boð frá Þýskalandi og Danmörku Donni er eins og fyrr segir í leit að nýju félagi og ætti að vera búinn að ná sér vel af axlarmeiðslunum í vor. „Ég er að skoða í kringum mig og er með nokkur boð frá bæði Þýskalandi og Danmörku. Ég er að skoða það en það er ekkert öruggt og ég er ekki búinn að velja mér neinn stað. Ég var að vona að það dytti eitthvað inn á EM, en spilaði svo bara fimm mínútur svo það voru engar klippur þar til að senda á önnur félög. En ég er ekkert að stressa mig á þessu. Ég veit að hægri skyttur eru nokkuð verðmætar þessa dagana,“ segir Donni og kveðst jafnvel tilbúinn að bíða fram á mitt sumar með ákvörðun. Donni fékk nánast ekkert að spila á EM í janúar, nema nokkrar mínútur í sigrinum gegn Króatíu.VÍSIR/VILHELM Glímt við meiðsli í öxl frá síðasta sumri Eins og fyrr segir hefur Donni ekki æft handbolta síðan á EM, vegna meiðsla í vinstri öxl, sem hafa plagað hann í allan vetur. „Ég er búinn að vera að díla við öxlina síðan síðasta sumar. Fann fyrir miklum verkjum en spilaði í gegnum það í byrjun tímabils. Eftir landsliðsverkefnið í lok október lét ég gott heita í bili, og fannst þetta of mikill verkur til að spila meira. Þá fékk ég loksins að fara í myndatöku og það kom í ljós að ég þyrfti að fara í aðgerð,“ segir Donni. „Það er ekki bráðnauðsynlegt fyrir mig að fara í aðgerð en ef ég vil að mér líði ekki illa í öxlinni þá þarf ég að fara í hana. Ég ákvað því að koma mér í gegnum EM og fara svo í aðgerð,“ segir Donni sem hugðist spila á EM, fara svo í aðgerð og vera vonandi klár fyrir Ólympíuleikana í sumar, en eins og alþjóð veit eru þeir núna úr sögunni. Hann segir meiðslin ekki hafa háð sér á EM, en hann fékk þó sáralítið að spila á mótinu. „Mér leið bara vel og ég var hundrað prósent á þessu móti. Það var líka markmiðið þegar ég fékk fréttirnar um meiðslin.“
Landslið karla í handbolta Franski handboltinn Mest lesið Uppgjörið: Valur - Afturelding 27-29 | Mosfellingar í úrslit Handbolti Óbein yfirlýsing frá DeAndre Kane Körfubolti United lyfti sér upp að hlið Newcastle Enski boltinn McIlroy sækir um skilnað nokkrum dögum fyrir PGA-meistaramótið Golf Albert gáttaður á Lárusi Orra: „Hvað meinarðu? Hvað er í gangi hérna?“ Íslenski boltinn Kjósa um hvort notkun VAR verði hætt Fótbolti Jói Kalli hættir hjá landsliðinu og fer til Danmerkur Fótbolti Illa orðað samningsákvæði varð KA að falli Íslenski boltinn Rúnar Ingi skiptir um stól í Njarðvík Körfubolti Skaut á Taylor Swift og sagði konum að halda sig í eldhúsinu Sport Fleiri fréttir Uppgjörið: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Einar Bragi verður einn af strákunum okkar í kvöld „Það er stórmót í húfi“ Sjá meira