Ekki nóg að byggja sér virki til að komast hjá netárásum Lovísa Arnardóttir skrifar 24. janúar 2024 22:57 Anton segir að rauntímavöktun sé í raun það eina sem virki í dag. Aðsend Forstjóri netörygiss hjá Syndis, Anton Egilsson, segir enn marga of veika fyrir netárásum. Rússneskur hakkarahópur skilji reglulega eftir sig fótspor á Íslandi. Hópurinn gerði stóra árás í Svíþjóð um helgina á opinbera aðila. Anton segir slíka árás geta átt sér stað á Íslandi. Um helgina átti sér stað stór netárás í Svíþjóð. Í sænskum miðlum segir að um 120 sveitarfélög hafi orðið fyrir áhrifum vegna árásinnar og tugir þúsunda ríkisstarfsmanna. Launakerfi margra sveitarfélaga lágu niðri eftir árásina og tölvukerfi þeirra sömuleiðis. Árásin er nú til rannsóknar hjá sænsku lögreglunni en rússneski hakkarahópurinn Akira er grunaður um árásina. Á vef SVT var um helgina haft eftir sérfræðingi fréttastofunnar í öryggismálum að um væri að ræða eina alvarlegustu árás sem hafi verið gerð í Svíþjóð. „Þetta er sennilega ein stærsta netárás sem hefur verið gerð í Svíþjóð. Það er ráðist á risastóran þjónustuaðila undir formerkjum ransomware en þannig er það yfirleitt í dag. Það eru þá hótanir um gagnaleka eða beðið um greiðslu til að fá aðgang að kerfum sínum aftur,“ segir Anton Egilsson, forstjóri netöryggis Syndis. Hann segir áhrif árásarinnar víðtæk en það hafi sem dæmi verið erfitt að afgreiða lyf. Á sænskum miðlum segir að rétt svo hafi tekist að reikna laun og því séu þau greidd á réttum tíma. „Þetta er það alvarleg árás að það á eftir að taka þau daga og vikur að endurbyggja að fullu.“ „Þetta er sami hópur og við höfum verið að sjá fingraför eftir víða á Íslandi og höfum hent þeim út víða,“ segir Anton. „Þetta sýnir að þau eru búin að kortleggja, ekki bara Ísland, heldur öll Norðurlöndin og hvaða áhættustig við erum komin á.“ Anton segir misjafnt hvernig fólks bregst við en margir neyðist til þess að borga til að halda kerfum sínum. Sumir ákveði að gera það ekki og þurfi þá að endurbyggja kerfin. Það breyti því þá ekki að gögnin séu komin í hendur óprúttinna aðila sem geti selt þau á dark-netið. „Þau eru bara auglýst þar og hægt að kaupa þau. Þú getur ímyndað þér hvað það getur gert fyrir einhvern sem er að byggja upp aðrar árásir að fá tölvupóstföng, hlutverk og stöðu allra sem vinna til dæmis hjá sænska ríkinu. Þá ertu kominn í góða stöðu að byggja upp þitt árásarmynstur eða aðferðir.“ Erum við enn illa undirbúin fyrir svona árásir? „Já, margir eru mjög illa undirbúnir,“ segir Anton og að samskonar árás gæti vel átt sér stað á Íslandi. Spurður hvað helst vanti upp á segir hann rauntímavöktun. „Þetta getur gerst mjög hratt þegar þeir ákveða að láta til skarar skríða. Þó svo það sé kannski vel fylgst með sums staðar á daginn þá er ekki verið að fylgjast með á nóttunni eða kvöldin. Við sjáum að það tekur svona hópa ekki nema fimm til sex klukkutína eftir að þeir komast inn þar til þeir eru farnir að skemma kerfin. Þá er alveg nóg að komast inn bara „eftir vinnu“. Daginn eftir er þá allt farið.“ Hann segir hópinn þegar hafa valdið skaða á Íslandi því um sé að ræða sama hóp g réðst á tölvukerfi Brimborgar í haust. Þar mættu starfsmenn til vinnu í lok ágúst og sáu skilaboð úr prenturum um að hópurinn hefði tekið yfir kerfi þeirra og krafðist peninga. Brimborg endaði á því að greiða þeim ekki og endurbyggði allt sitt umhverfi. Þótt svo að fyrirtækið hafi ekki greitt var tjónið verulegt. Fylgjast mjög vel með hópnum Anton segir áhugavert að í Svíþjóð var ráðist á risastóran þjónustuaðila. „Þó þú sért mjög stór þá er það þannig að ef þú tekur ekki öryggi alvarlega þá bjargar það þér ekki.“ Hann segir að hjá Syndis sé mjög vel fylgst með þessum hópi. „Þegar við erum farin að sjá svona mörg fingraför eftir hópinn hér á Íslandi hjá þeim fyrirtækjum sem við erum að vakta, þá höfum við mjög miklar áhyggjur af þeim sem ekki er verið að vakta. Við höfum verið kölluð á vettvang þar sem við höfum bjargað hlutunum á „basically“ síðustu stundu. Þá höfum við séð skýr merki eftir þau.“ Anton segir að öryggisumhverfi hafi í raun breyst mjög mikið síðustu ár. „Aðferðarfræðin okkar í dag er í raun og veru sú að það er ekki nóg að byggja sér virki og halda að enginn komist inn. Þú verður að gera ráð fyrir því að einhver komist inn. Við þurfum bara að stoppa hann um leið og það gerist. Um það snýst þetta í dag.“ Netglæpir Netöryggi Svíþjóð Tölvuárásir Tengdar fréttir Hröð handtök hafi líklega bjargað gögnunum Fjármálastjóri Pennans Eymundssonar segir hröð handtök hafa orðið til þess að ekki sé útlit fyrir að tölvuþrjótar hafi náð að stela upplýsingum um viðskiptavini verslunarinnar. 8. nóvember 2023 17:25 Brimborg láti viðskiptavini og starfsmenn vita af öryggisbresti Persónuvernd hefur sagt bílaumboðinu Brimborg að láta starfsmenn og viðskiptavini fyrirtækisins vita af því að netárás kunni að hafa ógna öryggi persónuupplýsinga þeirra. Tölvuþrjótar læstu aðgangi að gögnum Brimborgar og kröfðust lausnargjalds. 31. ágúst 2023 15:31 Mest lesið „Ég held að þú þurfir ný gleraugu“ Viðskipti innlent Ráðuneytið ógilti lóðaúthlutun fyrir milljarða Viðskipti innlent Vaxtalækkunarferlið heldur áfram Viðskipti innlent „Sporttöppum“ aftur komið fyrir Neytendur Jakob Valgeir lét Guðbjart bróður sinn fara Viðskipti innlent Aka um Ísland í allt sumar og mynda vegakerfið í þrívídd Viðskipti innlent Ráðinn markaðsstjóri Bónuss Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Stjórnarandstaðan í vasa hagsmunaaðila Viðskipti innlent Úthluta eftirstandandi hlutum í Íslandsbanka Viðskipti innlent Fleiri fréttir Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Sjá meira
Um helgina átti sér stað stór netárás í Svíþjóð. Í sænskum miðlum segir að um 120 sveitarfélög hafi orðið fyrir áhrifum vegna árásinnar og tugir þúsunda ríkisstarfsmanna. Launakerfi margra sveitarfélaga lágu niðri eftir árásina og tölvukerfi þeirra sömuleiðis. Árásin er nú til rannsóknar hjá sænsku lögreglunni en rússneski hakkarahópurinn Akira er grunaður um árásina. Á vef SVT var um helgina haft eftir sérfræðingi fréttastofunnar í öryggismálum að um væri að ræða eina alvarlegustu árás sem hafi verið gerð í Svíþjóð. „Þetta er sennilega ein stærsta netárás sem hefur verið gerð í Svíþjóð. Það er ráðist á risastóran þjónustuaðila undir formerkjum ransomware en þannig er það yfirleitt í dag. Það eru þá hótanir um gagnaleka eða beðið um greiðslu til að fá aðgang að kerfum sínum aftur,“ segir Anton Egilsson, forstjóri netöryggis Syndis. Hann segir áhrif árásarinnar víðtæk en það hafi sem dæmi verið erfitt að afgreiða lyf. Á sænskum miðlum segir að rétt svo hafi tekist að reikna laun og því séu þau greidd á réttum tíma. „Þetta er það alvarleg árás að það á eftir að taka þau daga og vikur að endurbyggja að fullu.“ „Þetta er sami hópur og við höfum verið að sjá fingraför eftir víða á Íslandi og höfum hent þeim út víða,“ segir Anton. „Þetta sýnir að þau eru búin að kortleggja, ekki bara Ísland, heldur öll Norðurlöndin og hvaða áhættustig við erum komin á.“ Anton segir misjafnt hvernig fólks bregst við en margir neyðist til þess að borga til að halda kerfum sínum. Sumir ákveði að gera það ekki og þurfi þá að endurbyggja kerfin. Það breyti því þá ekki að gögnin séu komin í hendur óprúttinna aðila sem geti selt þau á dark-netið. „Þau eru bara auglýst þar og hægt að kaupa þau. Þú getur ímyndað þér hvað það getur gert fyrir einhvern sem er að byggja upp aðrar árásir að fá tölvupóstföng, hlutverk og stöðu allra sem vinna til dæmis hjá sænska ríkinu. Þá ertu kominn í góða stöðu að byggja upp þitt árásarmynstur eða aðferðir.“ Erum við enn illa undirbúin fyrir svona árásir? „Já, margir eru mjög illa undirbúnir,“ segir Anton og að samskonar árás gæti vel átt sér stað á Íslandi. Spurður hvað helst vanti upp á segir hann rauntímavöktun. „Þetta getur gerst mjög hratt þegar þeir ákveða að láta til skarar skríða. Þó svo það sé kannski vel fylgst með sums staðar á daginn þá er ekki verið að fylgjast með á nóttunni eða kvöldin. Við sjáum að það tekur svona hópa ekki nema fimm til sex klukkutína eftir að þeir komast inn þar til þeir eru farnir að skemma kerfin. Þá er alveg nóg að komast inn bara „eftir vinnu“. Daginn eftir er þá allt farið.“ Hann segir hópinn þegar hafa valdið skaða á Íslandi því um sé að ræða sama hóp g réðst á tölvukerfi Brimborgar í haust. Þar mættu starfsmenn til vinnu í lok ágúst og sáu skilaboð úr prenturum um að hópurinn hefði tekið yfir kerfi þeirra og krafðist peninga. Brimborg endaði á því að greiða þeim ekki og endurbyggði allt sitt umhverfi. Þótt svo að fyrirtækið hafi ekki greitt var tjónið verulegt. Fylgjast mjög vel með hópnum Anton segir áhugavert að í Svíþjóð var ráðist á risastóran þjónustuaðila. „Þó þú sért mjög stór þá er það þannig að ef þú tekur ekki öryggi alvarlega þá bjargar það þér ekki.“ Hann segir að hjá Syndis sé mjög vel fylgst með þessum hópi. „Þegar við erum farin að sjá svona mörg fingraför eftir hópinn hér á Íslandi hjá þeim fyrirtækjum sem við erum að vakta, þá höfum við mjög miklar áhyggjur af þeim sem ekki er verið að vakta. Við höfum verið kölluð á vettvang þar sem við höfum bjargað hlutunum á „basically“ síðustu stundu. Þá höfum við séð skýr merki eftir þau.“ Anton segir að öryggisumhverfi hafi í raun breyst mjög mikið síðustu ár. „Aðferðarfræðin okkar í dag er í raun og veru sú að það er ekki nóg að byggja sér virki og halda að enginn komist inn. Þú verður að gera ráð fyrir því að einhver komist inn. Við þurfum bara að stoppa hann um leið og það gerist. Um það snýst þetta í dag.“
Netglæpir Netöryggi Svíþjóð Tölvuárásir Tengdar fréttir Hröð handtök hafi líklega bjargað gögnunum Fjármálastjóri Pennans Eymundssonar segir hröð handtök hafa orðið til þess að ekki sé útlit fyrir að tölvuþrjótar hafi náð að stela upplýsingum um viðskiptavini verslunarinnar. 8. nóvember 2023 17:25 Brimborg láti viðskiptavini og starfsmenn vita af öryggisbresti Persónuvernd hefur sagt bílaumboðinu Brimborg að láta starfsmenn og viðskiptavini fyrirtækisins vita af því að netárás kunni að hafa ógna öryggi persónuupplýsinga þeirra. Tölvuþrjótar læstu aðgangi að gögnum Brimborgar og kröfðust lausnargjalds. 31. ágúst 2023 15:31 Mest lesið „Ég held að þú þurfir ný gleraugu“ Viðskipti innlent Ráðuneytið ógilti lóðaúthlutun fyrir milljarða Viðskipti innlent Vaxtalækkunarferlið heldur áfram Viðskipti innlent „Sporttöppum“ aftur komið fyrir Neytendur Jakob Valgeir lét Guðbjart bróður sinn fara Viðskipti innlent Aka um Ísland í allt sumar og mynda vegakerfið í þrívídd Viðskipti innlent Ráðinn markaðsstjóri Bónuss Viðskipti innlent Bein útsending: Rökstyðja ákvörðun sína um lækkun vaxta Viðskipti innlent Stjórnarandstaðan í vasa hagsmunaaðila Viðskipti innlent Úthluta eftirstandandi hlutum í Íslandsbanka Viðskipti innlent Fleiri fréttir Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Sjá meira
Hröð handtök hafi líklega bjargað gögnunum Fjármálastjóri Pennans Eymundssonar segir hröð handtök hafa orðið til þess að ekki sé útlit fyrir að tölvuþrjótar hafi náð að stela upplýsingum um viðskiptavini verslunarinnar. 8. nóvember 2023 17:25
Brimborg láti viðskiptavini og starfsmenn vita af öryggisbresti Persónuvernd hefur sagt bílaumboðinu Brimborg að láta starfsmenn og viðskiptavini fyrirtækisins vita af því að netárás kunni að hafa ógna öryggi persónuupplýsinga þeirra. Tölvuþrjótar læstu aðgangi að gögnum Brimborgar og kröfðust lausnargjalds. 31. ágúst 2023 15:31