Óháður samanburður á fasteignalánum

Félag fasteignasala 18. janúar 2024 09:18

Inni á fasteignavef visir.is geta einstaklingar í fasteignahugleiðingum nú með einföldum hætti í gegnum lánareiknivél Aurbjargar séð óháðan samanburð húsnæðislána og fundið út hvar hagstæðasta lánið er að finna. Mynd/Vilhelm.

Í vikunni skrifuðu Félag fasteignasala og Aurbjörg undir samning sem gerir öllum notendum fasteignavefs Félags fasteignasala sem er inni á visir.is mögulegt að leita gjaldfrjálst eftir hvar hagstæðustu húsnæðislánin eru að finna.

Inni á hverri eign á fasteignavef visir.is geta einstaklingar í fasteignahugleiðingum nú með einföldum hætti í gegnum lánareiknivél Aurbjargar séð óháðan samanburð húsnæðislána og fundið út hvar hagstæðasta lánið er að finna.

Monika Hjálmtýsdóttir, formaður Félag fasteignasala, segir að með þessu sé einstakur möguleiki fyrir kaupendur fasteigna að kanna með skýrum og greinargóðum hætti þá lánamöguleika og lánskjör sem boðið er upp á hvort sem fólk leitar eftir óverðtryggðum, verðtryggðum, föstum eða breytilegum vöxtum.

Ásdís Arna Gottskálksdóttir, framkvæmdastjóri Aurbjargar, segir einkar ánægjulegt að geta boðið notendum fasteignavefsins að nota lánreikni Aurbjargar til að bera saman húsnæðislán frá öllum helstu lánveitendum og séð mánaðarlegar greiðslur og heildargreiðslu láns út frá forsendum hvers og eins.

Fasteignamarkaður

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.