„Computer says no“ hjá Play vegna ónýts farangurs Hólmfríður Gísladóttir skrifar 3. janúar 2024 14:00 Taskan var illa brotin þegar hún birtist á færibandinu. Kristján Pétursson „Mér finnast þau bara alveg ömurleg,“ segir Kristján Sævald Pétursson um viðbrögð Play en hann varð fyrir því á dögunum að taskan hans eyðilagðist í flugi með flugfélaginu. Kristján setti sig í samband við fréttastofu í morgun, þegar hann las frétt Vísis um raunir Sverris Jörstad Sverrissonar, sem einnig varð fyrir farangurstjóni rétt fyrir árslok 2023. Kristján var farþegi í jómfrúarflugi Play til Fuerteventura, einnar af Kanaríeyjunum, 20. desember síðasliðinn en þegar á áfangastað var komið fékk hann töskuna úr frakt illa brotna. Hann sá þann kost einan í stöðunni að kaupa nýja tösku. Flogið var heim 27. desember og þegar heim var komið setti Kristján sig í samband við Play. Sagði hann frá óförum síðum og óskaði eftir því að Play endurgreiddi honum nýju töskuna, um 16 þúsund krónur. Hann fékk eftirfarandi svar frá Play: „Meginreglan er sú að farþegar tilkynni tjón sitt sem allra fyrst eftir lendingu. Ábyrgð flyst frá flugrekanda yfir á farþegann við móttöku á farangri. Ef, af einhverjum ástæðum, farþegi sér ekki tjónið strax við móttöku á flugvellinum, þá hafa farþegar að hámarki 7 daga frá móttöku farangurs við lendingu til að tilkynna tjón sitt skv. Montreal Samningnum sem flugfélög vinna eftir og hefur verið innleiddur á Íslandi. Þar sem meira en 7 dagar eru liðnir frá því að þú lentir, þá getum við því miður ekki tekið kröfu þína til afgreiðslu.“ Reyndi hvað hann gat til að tilkynna tjónið Þetta þótti Kristjáni nokkuð súrt enda hafði hann ekki eingöngu látið fylgja myndir af gömlu töskunni og kvittunina fyrir þeirri nýju, heldur einnig tjónaskýrslu sem honum var bent á að fylla út á flugvellinum. Og þar með er ekki öll sagan sögð, því eins og Kristján útskýrði í framhaldspósti til Play reyndi hann hvað hann gat að fylla út tilkynningu til Play á flugvellinum en hlekkurinn á heimasíðu Play var óvirkur og er raunar enn þegar þetta er skrifað. Þá reyndi hann einnig að fylla út þjónustubeiðni en þar var ekki hægt að velja áfangastaðinn Fuerteventura. Lét hann skjáskot fylgja seinni póstinum þessu til staðfestingar. Skjáskot af heimasíðu Play. Hlekkurinn er enn óvirkur. Kristján bíður enn svara og segist ekki munu sætta sig við þessi málalok. „Þetta eru ekkert miklir fjármunir, ný taska kostaði mig bara 16 þúsund kall, en manni finnst bara sanngjarnt að þeir bregðist við fyrst þeir mölvuðu töskuna,“ segir hann. Hann bendir einnig á að hann hafi ekki verið í aðstöðu til að vera í miklum netsamskiptum erlendis í miðju jólafríi, sem hann hafi þó þurft að gera hlé á til að ferðast nokkurn spöl og útvega sér nýja tösku. „Ég reyndi allt sem ég gat á flugvellinum. Þetta var þeirra heimasíða sem virkaði ekki og ég er með sannanir fyrir því hvernig þetta var bara allt í ólagi hjá þeim. Svo er enginn sveigjanleiki hjá þeim... það voru jól og áramót og hvað átti ég að gera í fríinu ekki með tölvu?“ Hann hyggist hiklaust leita réttar síns. Play Neytendur Ferðalög Fréttir af flugi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vonast til að koma dánarbúinu í góðar hendur Neytendur Skelltu líka í lás á Exit og í Nýju vínbúðinni Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Endurgjöf: Það sem þú átt ekki að gera Atvinnulíf Sækjast eftir fangelsisdómi yfir rafmyntakóngi Viðskipti erlent Mikill samdráttur á hagnaði Tesla Viðskipti erlent Tryggðu sér 300 milljóna króna fjármögnun Viðskipti innlent Töpuðu þremur milljörðum á fyrsta ársfjórðungi Viðskipti innlent Fleiri fréttir Vonast til að koma dánarbúinu í góðar hendur Helmingur Íslendinga sáttur við falsanir og eftirlíkingar Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Kakóverð aldrei hærra og verðhækkanir á súkkulaði rétt að byrja Hvað er opið um páskana? Páskaeggin frá Nóa Síríus vinsælust Stjörnugrís sektaður fyrir íslenskan fána Súkkulaði frá Nóa hækkar mest á meðan Freyja lækkar Bónus, Extra og Heimkaup oftast með lægsta verðið á páskaeggjum Fyrirtæki sem skili milljarða hagnaði leiki nú lausum hala Fólk sæki bætur sjálft til að sleppa við „blóðuga“ þóknun Gapandi yfir gjörbreyttu frumvarpi og varar við því Breytingarnar séu stórhættulegar og á kostnað launafólks Dældu skemmdri díselolíu á bíla sína Vara eindregið við frumvarpi sem leiði til verðbólgu Undrast að það séu hreinlega ekki óeirðir á Íslandi Mál tengd Base Parking á borði Neytendasamtakanna í hverjum mánuði Landsbankinn lækkar vexti Heyrðu fyrst frá blaðamanni um dómsmálið og að þau hefðu tapað því Gerði ekki gott mót og dæmdur til að veita afslátt Hefja uppbyggingu náttúrubaða við upphaf Gullna hringsins Sjá meira
Kristján setti sig í samband við fréttastofu í morgun, þegar hann las frétt Vísis um raunir Sverris Jörstad Sverrissonar, sem einnig varð fyrir farangurstjóni rétt fyrir árslok 2023. Kristján var farþegi í jómfrúarflugi Play til Fuerteventura, einnar af Kanaríeyjunum, 20. desember síðasliðinn en þegar á áfangastað var komið fékk hann töskuna úr frakt illa brotna. Hann sá þann kost einan í stöðunni að kaupa nýja tösku. Flogið var heim 27. desember og þegar heim var komið setti Kristján sig í samband við Play. Sagði hann frá óförum síðum og óskaði eftir því að Play endurgreiddi honum nýju töskuna, um 16 þúsund krónur. Hann fékk eftirfarandi svar frá Play: „Meginreglan er sú að farþegar tilkynni tjón sitt sem allra fyrst eftir lendingu. Ábyrgð flyst frá flugrekanda yfir á farþegann við móttöku á farangri. Ef, af einhverjum ástæðum, farþegi sér ekki tjónið strax við móttöku á flugvellinum, þá hafa farþegar að hámarki 7 daga frá móttöku farangurs við lendingu til að tilkynna tjón sitt skv. Montreal Samningnum sem flugfélög vinna eftir og hefur verið innleiddur á Íslandi. Þar sem meira en 7 dagar eru liðnir frá því að þú lentir, þá getum við því miður ekki tekið kröfu þína til afgreiðslu.“ Reyndi hvað hann gat til að tilkynna tjónið Þetta þótti Kristjáni nokkuð súrt enda hafði hann ekki eingöngu látið fylgja myndir af gömlu töskunni og kvittunina fyrir þeirri nýju, heldur einnig tjónaskýrslu sem honum var bent á að fylla út á flugvellinum. Og þar með er ekki öll sagan sögð, því eins og Kristján útskýrði í framhaldspósti til Play reyndi hann hvað hann gat að fylla út tilkynningu til Play á flugvellinum en hlekkurinn á heimasíðu Play var óvirkur og er raunar enn þegar þetta er skrifað. Þá reyndi hann einnig að fylla út þjónustubeiðni en þar var ekki hægt að velja áfangastaðinn Fuerteventura. Lét hann skjáskot fylgja seinni póstinum þessu til staðfestingar. Skjáskot af heimasíðu Play. Hlekkurinn er enn óvirkur. Kristján bíður enn svara og segist ekki munu sætta sig við þessi málalok. „Þetta eru ekkert miklir fjármunir, ný taska kostaði mig bara 16 þúsund kall, en manni finnst bara sanngjarnt að þeir bregðist við fyrst þeir mölvuðu töskuna,“ segir hann. Hann bendir einnig á að hann hafi ekki verið í aðstöðu til að vera í miklum netsamskiptum erlendis í miðju jólafríi, sem hann hafi þó þurft að gera hlé á til að ferðast nokkurn spöl og útvega sér nýja tösku. „Ég reyndi allt sem ég gat á flugvellinum. Þetta var þeirra heimasíða sem virkaði ekki og ég er með sannanir fyrir því hvernig þetta var bara allt í ólagi hjá þeim. Svo er enginn sveigjanleiki hjá þeim... það voru jól og áramót og hvað átti ég að gera í fríinu ekki með tölvu?“ Hann hyggist hiklaust leita réttar síns.
Play Neytendur Ferðalög Fréttir af flugi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vonast til að koma dánarbúinu í góðar hendur Neytendur Skelltu líka í lás á Exit og í Nýju vínbúðinni Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Sagðir vilja frekar loka TikTok en selja Viðskipti erlent Eitruð vinnustaðamenning algeng og margfaldar líkur á kulnun Atvinnulíf Endurgjöf: Það sem þú átt ekki að gera Atvinnulíf Sækjast eftir fangelsisdómi yfir rafmyntakóngi Viðskipti erlent Mikill samdráttur á hagnaði Tesla Viðskipti erlent Tryggðu sér 300 milljóna króna fjármögnun Viðskipti innlent Töpuðu þremur milljörðum á fyrsta ársfjórðungi Viðskipti innlent Fleiri fréttir Vonast til að koma dánarbúinu í góðar hendur Helmingur Íslendinga sáttur við falsanir og eftirlíkingar Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Kakóverð aldrei hærra og verðhækkanir á súkkulaði rétt að byrja Hvað er opið um páskana? Páskaeggin frá Nóa Síríus vinsælust Stjörnugrís sektaður fyrir íslenskan fána Súkkulaði frá Nóa hækkar mest á meðan Freyja lækkar Bónus, Extra og Heimkaup oftast með lægsta verðið á páskaeggjum Fyrirtæki sem skili milljarða hagnaði leiki nú lausum hala Fólk sæki bætur sjálft til að sleppa við „blóðuga“ þóknun Gapandi yfir gjörbreyttu frumvarpi og varar við því Breytingarnar séu stórhættulegar og á kostnað launafólks Dældu skemmdri díselolíu á bíla sína Vara eindregið við frumvarpi sem leiði til verðbólgu Undrast að það séu hreinlega ekki óeirðir á Íslandi Mál tengd Base Parking á borði Neytendasamtakanna í hverjum mánuði Landsbankinn lækkar vexti Heyrðu fyrst frá blaðamanni um dómsmálið og að þau hefðu tapað því Gerði ekki gott mót og dæmdur til að veita afslátt Hefja uppbyggingu náttúrubaða við upphaf Gullna hringsins Sjá meira