Innlent

Ó­vissu­stigi af­lýst á Aust­fjörðum

Atli Ísleifsson skrifar
Úr Seyðisfirði.
Úr Seyðisfirði. Vísir/Vilhelm

Óvissustigi vegna snjóflóðahættu hefur nú verið aflýst á Austfjörðum. Hættustigi vegna ofanflóðahættu á Seyðisfirði var aflýst í gær.

Frá þessu segir í tilkynningu frá lögreglustjóranum á Austurlandi. Veðurstofa lýsti yfir óvissustigi 1. janúar síðastliðinn á Austfjörðum vegna hættu á snjóflóðum, en sama dag var hættustigi lýst yfir á Seyðisfirði.

Hættustigi á Seyðisfirði var svo aflýst í gær og var á sama tíma rýmingum í bænum aflétt og lokunum Hafnargötu sömuleiðis. Óvissustigi á Austfjörðum hefur nú einnig verið aflýst.

Áður hafði verið tilkynnt um vot flekaflóð og spýjur í grennd við Eskifjörð, Norðfjörð, í Oddsskarði og Fagradal.

Múlaþing Fjarðabyggð Almannavarnir

Tengdar fréttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið