Erlent

Hafa fundið lík strákanna sem hurfu

Oddur Ævar Gunnarsson skrifar
Jevon Hirst, Harvey Owen, Wilf Henderson og Hugo Morris hurfu um helgina.
Jevon Hirst, Harvey Owen, Wilf Henderson og Hugo Morris hurfu um helgina.

Lögreglan í Wales hefur fundið lík fjögurra táninga sem leitað hafði verið að í norðurhluta landsins síðan á sunnudaginn.

Sky fréttastofan greinir frá því að líkin hafi fundist í bíl þeirra af gerðinni Ford Fiesta. Bílnum hafði hvolt og fannst hálfur ofan í vatni í Nantmor skógi nálægt þorpinu Beddgelert.

Unglingarnir hétu Jevon Hirst, Harvey Owen, Wilf Henderson og Hugo Morris. Lögregla segir að ekki líti út fyrir annað en að um slys hafi verið að ræða.

Sky fréttastofan segir í umfjöllun sinni að strákarnir hafi verið í útilegu nálægt Eryri í norðurhluta Wales. Þeir áttu að koma heim á sunnudag og létu fjölskyldur þeirra þá lögreglu vita. Mikil leit stóð yfir að strákunum síðustu tvo daga.

Wales Bretland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið