Krefja Grindvíkinga ekki um afborganir í bili Árni Sæberg skrifar 14. nóvember 2023 12:26 Íslensku viðskiptabankarnir þrír sýna Grindvíkingum samhug. Stóru viðskiptabankarnir þrír bjóða Grindvíkingum allir upp á frystingu húsnæðislána vegna þeirrar stöðu sem uppi er í bænum. Fryst húsnæðislán safna þó vöxtum og verðbótum. Á vef Landsbankans sagði í tilkynningu í gær að margir viðskiptavinir bankans séu með íbúðarlán. Það sé einfalt og fljótlegt að fresta afborgunum en hafa þurfi samband við bankann og óska eftir því. Atburðirnir gætu valdið því að margir einstaklingar verði fyrir tekjufalli og áhrifin séu sömuleiðis mikil á fyrirtæki í bæjarfélaginu. Bankinn sé með ýmis úrræði í boði, bæði fyrir einstaklinga og fyrirtæki. Í svari Landsbankans við fyrirspurn Vísis um aðgerðir viðskiptabankanna þriggja segir að óvissan sé auðvitað gríðarleg og erfitt að setja sig í spor Grindvíkinga. Fyrstu skrefin í viðbrögðum séu að bjóða viðskiptavinum í Grindavík sem eru með íbúðalán að frysta lánin í allt að sex mánuði. Starfsmenn munu allir halda áfram störfum í lokun Landsbankinn er eini bankinn sem heldur úti útibúi í Grindavík. Það er eðli málsins samkvæmt lokað eins og önnur fyrirtæki í bænum. Í svari bankans segir að starfsfólk bankans í Grindavík hafi, eins og aðrir íbúar bæjarins, fengið húsaskjól í öðrum bæjarfélögum og muni allt halda áfram störfum fyrir bankann, ýmist í öðrum útibúum eða í fjarvinnu. Hugur allra hjá Grindvíkingum Í svari Arion banka segir að hugur allra í bankanum sé hjá íbúum Grindavíkur. Það sé erfitt að setja sig í spor þeirra sem hafa þurft að yfirgefa heimili sín við þessar aðstæður. „Við viljum leggja okkar af mörkum til að létta á þeim áhyggjum sem hvíla á íbúum Grindavíkur. Við höfum því boðið viðskiptavinum okkar úr Grindavík þriggja mánaða greiðslufrest á íbúðalánum sínum hjá Arion. Um hefðbundna frystingu er að ræða þar sem vextir og verðbætur leggjast á höfuðstól. Enginn kostnaður fylgir frystingunni.“ Þá hafi Vörður, dótturfélag Arion, haft samband við sína viðskiptavini í Grindavík og tilkynnt þeim að félagið mun fella niður iðgjöld af tryggingum þeirra í desember. Byrja á að koma viðskiptavinum í greiðsluskjól Í svari Íslandsbanka við fyrirspurninni segir að bankinn fylgist vel með stöðu mála og hafi metið áhættu út frá ólíkum sviðsmyndum. Bankinn hafi haft samband við viðskiptavini og muni aðstoða viðskiptavini í þessum erfiðu aðstæðum, einstaklinga og fyrirtæki. Grindvíkingar fái forgangsþjónustu til að hafa samband og fá ráðleggingar og upplýsingar um úrræði. Bankinn muni veita þann sveigjanleika sem þarf og frysta lán einstaklinga sem þess óska. Í fyrsta fasa aðgerða bankans megi gera ráð fyrir því að lögð verði áhersla á að koma viðskiptavinum í greiðsluskjól, það er frysta greiðslur af lánum á meðan óvissan varir og þar til mál skýrast frekar. Íslendingar búi sem betur fer vel að samtryggingakerfi Íbúar Grindavíkur hafa sumir haft orð á því að skrýtið sé að greiða af lánum húsa sinna sem eru eftir atvikum ónýt. Í svari Íslandsbanka við spurningu þess efnis segir að bankinn sýni öllum þeim sem búa við óvissu um afdrif eigna sinna og afkomu mikinn samhug og muni gera sitt til þess að auðvelda viðskiptavinum að takast á við þá stöðu. „Íslendingar búa sem betur fer vel að samtryggingarkerfi sem er sérsniðið að því að takast á við atburði af þessum toga og mikilvægt að leyfa því kerfi að taka á málum eins og því er ætlað.“ Íslenskir bankar Grindavík Eldgos og jarðhræringar Eldgos á Reykjanesskaga Arion banki Landsbankinn Kvika banki Mest lesið Hátt í þrjátíu sagt upp hjá Play Viðskipti innlent Svona verður hægt að horfa á enska boltann í vetur Neytendur Gengið rétti lítillega úr kútnum en hefur aldrei verið lægra Viðskipti innlent HBO Max streymisveitan komin til Íslands Viðskipti innlent Róðurinn þungur en hefur ekki áhyggjur af Play Viðskipti innlent Alþjóðlegt bílafyrirtæki kaupir Öskju og systurfélög Viðskipti innlent Gengi Play í frjálsu falli Viðskipti innlent Tæpur milljarður í höfundarréttartekjur Viðskipti innlent Erlendir farþegar á bak við 81 prósent tekna Icelandair Viðskipti innlent Búast við tveggja milljarða tapi Viðskipti innlent Fleiri fréttir Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Vaka stýrir Collab Hagnaður Arion flaug fram úr væntingum Fjárfestar í sjávarútvegi fari að líta annað Hvenær er skynsamlegt að taka út viðbótalífeyrissparnað? Stígur til hliðar vegna „ólíkrar sýnar“ á breytingar Davíð nýr framkvæmdastjóri áfangastaða hjá Arctic Adventures Seldi íbúðina og keypti Bitcoin í staðinn Íbúðum í byggingu fækkar Selja Lagarfoss með tæplega hálfs milljarðs tapi Ójafnrétti að konur þurfi að ganga á veikindarétt vegna barneigna Fyrirtæki í vopnaframleiðslu eru á rauðum lista Völdu Noreg fram yfir Ísland þrátt fyrir að besta lausnin væri hér Eiginkona stjórnarmanns keypti óvart í bankanum Raunverð íbúða hefur þrefaldast frá aldamótum Atli Óskar ráðinn rekstrarstjóri framleiðslu Sjá meira
Á vef Landsbankans sagði í tilkynningu í gær að margir viðskiptavinir bankans séu með íbúðarlán. Það sé einfalt og fljótlegt að fresta afborgunum en hafa þurfi samband við bankann og óska eftir því. Atburðirnir gætu valdið því að margir einstaklingar verði fyrir tekjufalli og áhrifin séu sömuleiðis mikil á fyrirtæki í bæjarfélaginu. Bankinn sé með ýmis úrræði í boði, bæði fyrir einstaklinga og fyrirtæki. Í svari Landsbankans við fyrirspurn Vísis um aðgerðir viðskiptabankanna þriggja segir að óvissan sé auðvitað gríðarleg og erfitt að setja sig í spor Grindvíkinga. Fyrstu skrefin í viðbrögðum séu að bjóða viðskiptavinum í Grindavík sem eru með íbúðalán að frysta lánin í allt að sex mánuði. Starfsmenn munu allir halda áfram störfum í lokun Landsbankinn er eini bankinn sem heldur úti útibúi í Grindavík. Það er eðli málsins samkvæmt lokað eins og önnur fyrirtæki í bænum. Í svari bankans segir að starfsfólk bankans í Grindavík hafi, eins og aðrir íbúar bæjarins, fengið húsaskjól í öðrum bæjarfélögum og muni allt halda áfram störfum fyrir bankann, ýmist í öðrum útibúum eða í fjarvinnu. Hugur allra hjá Grindvíkingum Í svari Arion banka segir að hugur allra í bankanum sé hjá íbúum Grindavíkur. Það sé erfitt að setja sig í spor þeirra sem hafa þurft að yfirgefa heimili sín við þessar aðstæður. „Við viljum leggja okkar af mörkum til að létta á þeim áhyggjum sem hvíla á íbúum Grindavíkur. Við höfum því boðið viðskiptavinum okkar úr Grindavík þriggja mánaða greiðslufrest á íbúðalánum sínum hjá Arion. Um hefðbundna frystingu er að ræða þar sem vextir og verðbætur leggjast á höfuðstól. Enginn kostnaður fylgir frystingunni.“ Þá hafi Vörður, dótturfélag Arion, haft samband við sína viðskiptavini í Grindavík og tilkynnt þeim að félagið mun fella niður iðgjöld af tryggingum þeirra í desember. Byrja á að koma viðskiptavinum í greiðsluskjól Í svari Íslandsbanka við fyrirspurninni segir að bankinn fylgist vel með stöðu mála og hafi metið áhættu út frá ólíkum sviðsmyndum. Bankinn hafi haft samband við viðskiptavini og muni aðstoða viðskiptavini í þessum erfiðu aðstæðum, einstaklinga og fyrirtæki. Grindvíkingar fái forgangsþjónustu til að hafa samband og fá ráðleggingar og upplýsingar um úrræði. Bankinn muni veita þann sveigjanleika sem þarf og frysta lán einstaklinga sem þess óska. Í fyrsta fasa aðgerða bankans megi gera ráð fyrir því að lögð verði áhersla á að koma viðskiptavinum í greiðsluskjól, það er frysta greiðslur af lánum á meðan óvissan varir og þar til mál skýrast frekar. Íslendingar búi sem betur fer vel að samtryggingakerfi Íbúar Grindavíkur hafa sumir haft orð á því að skrýtið sé að greiða af lánum húsa sinna sem eru eftir atvikum ónýt. Í svari Íslandsbanka við spurningu þess efnis segir að bankinn sýni öllum þeim sem búa við óvissu um afdrif eigna sinna og afkomu mikinn samhug og muni gera sitt til þess að auðvelda viðskiptavinum að takast á við þá stöðu. „Íslendingar búa sem betur fer vel að samtryggingarkerfi sem er sérsniðið að því að takast á við atburði af þessum toga og mikilvægt að leyfa því kerfi að taka á málum eins og því er ætlað.“
Íslenskir bankar Grindavík Eldgos og jarðhræringar Eldgos á Reykjanesskaga Arion banki Landsbankinn Kvika banki Mest lesið Hátt í þrjátíu sagt upp hjá Play Viðskipti innlent Svona verður hægt að horfa á enska boltann í vetur Neytendur Gengið rétti lítillega úr kútnum en hefur aldrei verið lægra Viðskipti innlent HBO Max streymisveitan komin til Íslands Viðskipti innlent Róðurinn þungur en hefur ekki áhyggjur af Play Viðskipti innlent Alþjóðlegt bílafyrirtæki kaupir Öskju og systurfélög Viðskipti innlent Gengi Play í frjálsu falli Viðskipti innlent Tæpur milljarður í höfundarréttartekjur Viðskipti innlent Erlendir farþegar á bak við 81 prósent tekna Icelandair Viðskipti innlent Búast við tveggja milljarða tapi Viðskipti innlent Fleiri fréttir Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Vaka stýrir Collab Hagnaður Arion flaug fram úr væntingum Fjárfestar í sjávarútvegi fari að líta annað Hvenær er skynsamlegt að taka út viðbótalífeyrissparnað? Stígur til hliðar vegna „ólíkrar sýnar“ á breytingar Davíð nýr framkvæmdastjóri áfangastaða hjá Arctic Adventures Seldi íbúðina og keypti Bitcoin í staðinn Íbúðum í byggingu fækkar Selja Lagarfoss með tæplega hálfs milljarðs tapi Ójafnrétti að konur þurfi að ganga á veikindarétt vegna barneigna Fyrirtæki í vopnaframleiðslu eru á rauðum lista Völdu Noreg fram yfir Ísland þrátt fyrir að besta lausnin væri hér Eiginkona stjórnarmanns keypti óvart í bankanum Raunverð íbúða hefur þrefaldast frá aldamótum Atli Óskar ráðinn rekstrarstjóri framleiðslu Sjá meira
Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun