Innlent

Neyðarsendir fór í gang við flutninga

Samúel Karl Ólason skrifar
Áhöfn þyrlu Landhelgisgæslunnar var kölluð út í mestum forgangi.
Áhöfn þyrlu Landhelgisgæslunnar var kölluð út í mestum forgangi. Vísir/Vilhelm

Starfsmenn Landhelgisgæslunnar, björgunarsveitarmenn og lögregluþjónar voru með mikinn viðbúnað í dag þegar neyðarboð barst frá eins hreyfils flugvél í Fljótavík. Þyrlusveit Landhelgisgæslunnar var kölluð út og Samhæfingarstöðin í Skógarhlíð virkjuð.

Fljótt kom þó í ljós neyðarsendirinn hafði farið í gang fyrir slysni þegar verið var að færa flugvélina.

Neðarboðið barst fyrst klukkan 14:39. Þá hafði flugvélinni verið flogið frá Reykjavík til Fljótavíkur á Hornströndum og hafði flugmaður hennar staðfest komuna til Fljótavíkur um hádegisbilið. Þegar sendirinn fór í gang náðist þó ekki samband við flugmanninn og var því gripið til áðurnefnds viðbúnaðar.

Samkvæmt tilkynningu frá Landhelgisgæslunni var þyrlusveitin kölluð út á mesta forgangi og björgunarsveitir á vegum Slysavarnafélagsins Landsbjargar og Lögreglan á Vestfjörðum.

Klukkan korter yfir þrjú náðist þó í flugmanninn sem sagði að neyðarsendirinn hafi farið í gang fyrir mistök. Voru því öll útköll afboðuð.

Landhelgisgæslan Björgunarsveitir Fréttir af flugi Ísafjarðarbær
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið