Innlent

Allt um verk­fall kvenna og kvára á morgun

Lovísa Arnardóttir skrifar
Mynd tekin á kvennafrídeginum árið 2018. 
Mynd tekin á kvennafrídeginum árið 2018.  Vísir/Vilhelm

Á morgun, þriðjudaginn 24. október, er kvennaverkfall. Skipulögð dagskrá fer fram um land allt. Búast má við því að verkfallið hafi veruleg áhrif á samfélagið allt. 

Heilsdagsverkfall kvenna og kvára hefst á miðnætti í kvöld. Verkfallið stendur að þessu sinni í heilan sólarhring. Að verkfallinu standa hátt í 40 samtök. Áhersla er í ár lögð á að kynbundnu og kynferðislegu ofbeldi verði útrýmt og að störf kvenna og kvára verði metin að verðleikum.

Búast má við því að verkfallið hafi veruleg áhrif á samfélagið allt, sem dæmi hefur verið gefið út að sundlaugar, skólar og leikskólar verði óstarfhæfir. Fjölmörg fyrirtæki hafa gefið út að ekki verður dregið af launum kvára og kvenna taki þau þátt.

Skipulögð dagskrá fer fram þann 24. október, um land allt. Á Akureyri, Neskaupstað, Egilsstöðum, Dalvík, Höfn, Húsavík, Blönduós, Sauðárkrók, Patreksfirði, Hvammstanga, Ísafirði, Raufarhöfn, Reykjavík, Stykkishólmi, Suðurnesjum, Vestmannaeyjum, Vík og Drangsnesi.

Götulokanir í miðborginni vegna kvennaverkfallsins.Mynd/Reykjavíkurborg

Konur og kvár í nærliggjandi sveitarfélögum við Reykjavík eru hvött til að sækja baráttufundinn á Arnarhóli. Rútuferðir hafa verið skipulagðar meðal annars frá Selfossi, Hafnarfirði og Reykjanesbæ.

Baráttufundur hefst á Arnarhóli klukkan 14 á morgun en vegna verkfallsins verða nokkuð víðtækar vegalokanir í miðborg Reykjavíkur. Sumar taka gildi í kvöld klukkan 18 á meðan aðrar taka gildi í fyrramálið.

Aldís Amah Hamilton, til vinstri, og Ólafía Hrönn Jónsdóttir eru kynnar á baráttufundi á Arnarhóli á morgun.

Búist er við miklum fjölda á baráttufundinn en kynnar fundarins verða þær Ólafía Hrönn og Aldís Amah Hamilton

Tónlist: Sóðaskapur (pönk hljómsveit skipuð þremur ungum konum), Ragga Gísladóttir og Una Torfadóttir (leiðir fjöldasöng, Áfram stelpur).

Ræðufólk:

• Urður Bartels - ungt stálp úr MH

• Guðbjörg Pálsdóttir - formaður félags hjúkrunarfræðinga

• Alice Olivia Clarke - rekur fyrirtækið Tíra reflective accessories

Annað: Hópatriði, Jafnréttisparadísin - fjölbreyttur hópur kvenna og kvára fjallar um jafnréttisparadísina Ísland

Nánar er hægt að fræðast um daginn á vefnum kvennafri.is en þar er hægt að finna svör við algengum spurningum, upplýsingar um sögu verkfallsins, upplýsingar um skiltagerð í dag, mánudag, og svo viðburði á morgun, þriðjudag, en ýmislegt er í boði. 

Farið verður í morgunhressingargöngur, haldnir baráttufundir, boðið í skiltagerð, danspartý, fyrirlestra og kvennakaffi, sunginn fjöldasöngur og margt fleira frá morgni til kvölds.

Sem dæmi geta konur og kvár byrjað morgundaginn með morgunhressingargöngu í kringum tjörnina í Reykjavík fyrramálið klukkan 9. Farið eftir það í samstöðukaffi og svo á fræðslufund. Eftir það er hægt að fara í samstöðuhristing í Bíó Paradís og svo upphitun á Hallveigarstöðum þar sem boðið verður upp á kaffi og kleinur. Eftir það hefst baráttufundur en honum lýkur klukkan 15. 

Dagskránni er ekki lokið þá. Hægt er að fara í baráttugleði á Lost Hostel í boði Feminískra fjármála og svo í Útgáfuhóf myndabókarinnar ÉG ÞORI! ÉG GET! ÉG VIL í Pennanum Austurstræti. 

Yfirlit yfir helstu viðburði.

Upplýsingar um götulokanir.

Kvennaverkfall Jafnréttismál

Tengdar fréttir

Þarf að sjá um börnin og getur því ekki þjónað til borðs

Tónlistarmaðurinn Jón Ólafsson getur ekki þjónað til borðs á morgun á veitingastaðnum Önnu Jónu því hann þarf að hugsa um börnin sín. Hann hefur því afboðað þátttöku sína og segir hugmyndina ekki eins frábæra og hann ætlaði fyrst. 

At­vinnu­rek­endur verði að upp­lýsa konur af er­lendum upp­runa

Kvennaverkfallið fer fram á morgun og hafa allar konur og kvár verið hvött til þess að leggja niður bæði launuð og ólaunuð störf og mæta á baráttufundi. Fjölmargir vinnustaðir hafa tilkynnt að þeir styðji sína starfsmenn og hafa undirbúið skerta starfsemi á morgun, svo sem flugfélögin, heilsugæslan og sundlaugar.

Allar sundlaugarnar í Reykjavík lokaðar nema ein

Sundlaugarnar í Reykjavík verða lokaðar á morgun vegna kvennaverkfallsins. Þetta staðfestir Eva Bergþóra Guðbergsdóttir samskiptastjóri Reykjavíkurborgar í samtali við Vísi.

Biðja starfs­fólk að láta yfir­menn vita

Icelandair og Play styðja starfsfólk sem hyggst leggja niður störf vegna kvenna- og kváraverkfalls á þriðjudag. Isavia sem meðal annars rekur Keflavíkurflugvöll gerir slíkt hið sama. Fólk er beðið um að láta yfirmann vita ef það ætlar að taka þátt. Vonir eru bundnar við að ekki verði tafir á flugsamgöngum.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið