Sidekick kaupir þýskt fyrirtæki Atli Ísleifsson skrifar 11. október 2023 08:32 Tryggvi Þorgeirsson, forstjóri og annar stofnenda Sidekick, greindi frá kaupunumá HLTH ráðstefnunni í Las Vegas í gærkvöldi. Aðsend Íslenska heilbrigðistæknifyrirtækið Sidekick Health hefur gengið frá kaupum á þýska fyrirtækinu aidhere GmbH. Frá þessu segir í tilkynningu og eru kaupin sögð styrkja enn frekar vöruframboð Sidekick Health og renna þriðju grunnstoðinni undir rekstur fyrirtækisins. Fram kemur að Tryggvi Þorgeirsson, forstjóri og annar stofnenda Sidekick, hafi greint frá kaupunum í gærkvöldi á HLTH-ráðstefnunni í Las Vegas sem sé ein stærsta árlega ráðstefnan innan heilbrigðisgeirans. „Sidekick Health þróar heilbrigðismeðferðir til að bæta heilsu fólks með ýmsa langvinna sjúkdóma. Meðal viðskiptavina félagsins er stærsta sjúkratryggingafélag Bandaríkjanna, sem er með um 48 milljónir skjólstæðinga. Eins á Sidekick í samstarfi við alþjóðleg lyfjafyrirtæki sem miðar að því að samþætta lausnir Sidekick við hefðbundnar lyfjameðferðir. Rannsóknir hafa sýnt fram á margvíslegan ávinning af vörum og þjónustu fyrirtækisins, svo sem í bættri heilsu notenda og betri nýtingu auðlinda í heilbrigðiskerfinu. Lyfseðilsskyldar stafrænar lausnir Með kaupunum á aidhere munu lyfseðilsskyldar stafrænar meðferðir bætast við þær tvær tekjustoðir sem Sidekick byggir nú þegar á, þ.e. þjónustu við tryggingafélög annars vegar og samstarf við lyfjafyrirtæki hins vegar. Zanadio, heilbrigðistæknilausn aidhere, verður ný stoð í vöruframboði Sidekick Health, en zanadio er stærsta lyfseðilsskylda heilbrigðistæknilausnin á heimsvísu. Þýskir læknar geta skrifað upp á notkun lausnarinnar fyrir sjúklinga að ákveðnum skilyrðum uppfylltum og er hún þá greidd af sjúkratryggingum. Í Þýskalandi var nýverið sett skýr löggjöf um lyfseðilsskyldar stafrænar heilbrigðislausnir og sæta þær opinberu eftirliti. Nú þegar hafa yfir 10.000 þýskir læknar ávísað ríflega 57.000 meðferðum með zanadio lausninni í Þýskalandi. Starfsfólk aidhere mun mynda sérstaka deild fyrir lyfseðilsskyldar lausnir innan Sidekick samstæðunnar og telur sameinað félag um 280 starfsmenn,“ segit í tilkynningunni. Haft er eftir Tryggva að það hafi verið hluti af kjarnastefnu Sidekick að fara inn á markaðinn fyrir lyfseðilsskyldar stafrænar heilbrigðislausnir. Félagið hafi kynnst aidhere og einstöku teymi fyrirtækisins og séð fram á augljós samlegðaráhrif. „Með kaupunum erum við að styrkja stöðu okkar sem traustur samstarfsaðili alþjóðlegra tryggingafélaga og lyfjafyrirtækja, en það sem skiptir okkur mestu máli er að nú getum enn betur hjálpað fólki sem á við langvinnan heilbrigðisvanda að etja,” segir Tryggvi. Um Sidekick Health Um Sidekick Health segir að það sé frumkvöðlafyrirtæki á sviði stafrænnar heilbrigðisþjónustu, stofnað af tveimur læknum sem hafi viljað leggja sitt af mörkum til að bæta heilsu fólks um allan heim á aðgengilegan og hagkvæman hátt. „Sidekick býður upp á einstaklega breitt úrval stafrænna heilsulausna sem styðja við meðferðir sjúkdóma á borð við krabbamein, hjarta- og æðasjúkdóma, efnaskiptasjúkdóma og bólgusjúkdóma. Lausnirnar virkja og styrkja fólk til að gera jákvæðar breytingar á lífsstíl og bæta heilsufar sitt og lífsgæði, auk þess að bjóða upp á fjartengingu og fjarvöktun sjúklinga. Sidekick vinnur með sjúkratryggingafélögum, þar á meðal Elevance Health sem er stærsta sjúkratryggingafélag Bandaríkjanna, og lyfjafyrirtækjum á borð við Eli Lilly og Pfizer til að bæta heilsu sjúklinga og nýta betur auðlindir í heilbrigðiskerfinu. Notkun lausna Sidekick Health hefur bætt stuðning við sjúklinga sem hefur skilað um 40% fækkun á komum á bráðamóttöku hjá fólki með krabbamein, 60% fækkun í spítalainnlögnum í tengslum við krabbameinslyfjameðferðir og 25% bætingu einkenna hjá fólki með sjúkdóma eins og ristilbólgu. Auk þess að bæta líðan sjúklinga hefur notkun lausnanna leitt til árlegs sparnaðar upp á hundruð þúsunda króna fyrir fólk með ýmsa alvarlega sjúkdóma, meðal annars með því að styðja betur við fólk utan spítala og með því að gera heilbrigðisstarfsfólki kleift að grípa fyrr inn í ef ástand þeirra versnar og áður en í óefni er komið. Helstu fjárfestar í Sidekick Health eru Novator Partners, Asabys Partners, Frumtak Ventures og Wellington Partners. Sidekick er með skrifstofur í Boston, Berlín, Kópavogi og Stokkhólmi.“ Kaup og sala fyrirtækja Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Krökkunum finnst hálf hallærislegt að mamman kunni Friends þættina utan að Atvinnulíf Röntgen Domus og Orkuhúsið fá ekki að sameinast Viðskipti innlent Mun bjóða upp á sömu flugáætlun og Bláfugl áður Viðskipti innlent Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent „Ég var skíthrædd að senda þessa tölvupósta“ Atvinnulíf Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira
Frá þessu segir í tilkynningu og eru kaupin sögð styrkja enn frekar vöruframboð Sidekick Health og renna þriðju grunnstoðinni undir rekstur fyrirtækisins. Fram kemur að Tryggvi Þorgeirsson, forstjóri og annar stofnenda Sidekick, hafi greint frá kaupunum í gærkvöldi á HLTH-ráðstefnunni í Las Vegas sem sé ein stærsta árlega ráðstefnan innan heilbrigðisgeirans. „Sidekick Health þróar heilbrigðismeðferðir til að bæta heilsu fólks með ýmsa langvinna sjúkdóma. Meðal viðskiptavina félagsins er stærsta sjúkratryggingafélag Bandaríkjanna, sem er með um 48 milljónir skjólstæðinga. Eins á Sidekick í samstarfi við alþjóðleg lyfjafyrirtæki sem miðar að því að samþætta lausnir Sidekick við hefðbundnar lyfjameðferðir. Rannsóknir hafa sýnt fram á margvíslegan ávinning af vörum og þjónustu fyrirtækisins, svo sem í bættri heilsu notenda og betri nýtingu auðlinda í heilbrigðiskerfinu. Lyfseðilsskyldar stafrænar lausnir Með kaupunum á aidhere munu lyfseðilsskyldar stafrænar meðferðir bætast við þær tvær tekjustoðir sem Sidekick byggir nú þegar á, þ.e. þjónustu við tryggingafélög annars vegar og samstarf við lyfjafyrirtæki hins vegar. Zanadio, heilbrigðistæknilausn aidhere, verður ný stoð í vöruframboði Sidekick Health, en zanadio er stærsta lyfseðilsskylda heilbrigðistæknilausnin á heimsvísu. Þýskir læknar geta skrifað upp á notkun lausnarinnar fyrir sjúklinga að ákveðnum skilyrðum uppfylltum og er hún þá greidd af sjúkratryggingum. Í Þýskalandi var nýverið sett skýr löggjöf um lyfseðilsskyldar stafrænar heilbrigðislausnir og sæta þær opinberu eftirliti. Nú þegar hafa yfir 10.000 þýskir læknar ávísað ríflega 57.000 meðferðum með zanadio lausninni í Þýskalandi. Starfsfólk aidhere mun mynda sérstaka deild fyrir lyfseðilsskyldar lausnir innan Sidekick samstæðunnar og telur sameinað félag um 280 starfsmenn,“ segit í tilkynningunni. Haft er eftir Tryggva að það hafi verið hluti af kjarnastefnu Sidekick að fara inn á markaðinn fyrir lyfseðilsskyldar stafrænar heilbrigðislausnir. Félagið hafi kynnst aidhere og einstöku teymi fyrirtækisins og séð fram á augljós samlegðaráhrif. „Með kaupunum erum við að styrkja stöðu okkar sem traustur samstarfsaðili alþjóðlegra tryggingafélaga og lyfjafyrirtækja, en það sem skiptir okkur mestu máli er að nú getum enn betur hjálpað fólki sem á við langvinnan heilbrigðisvanda að etja,” segir Tryggvi. Um Sidekick Health Um Sidekick Health segir að það sé frumkvöðlafyrirtæki á sviði stafrænnar heilbrigðisþjónustu, stofnað af tveimur læknum sem hafi viljað leggja sitt af mörkum til að bæta heilsu fólks um allan heim á aðgengilegan og hagkvæman hátt. „Sidekick býður upp á einstaklega breitt úrval stafrænna heilsulausna sem styðja við meðferðir sjúkdóma á borð við krabbamein, hjarta- og æðasjúkdóma, efnaskiptasjúkdóma og bólgusjúkdóma. Lausnirnar virkja og styrkja fólk til að gera jákvæðar breytingar á lífsstíl og bæta heilsufar sitt og lífsgæði, auk þess að bjóða upp á fjartengingu og fjarvöktun sjúklinga. Sidekick vinnur með sjúkratryggingafélögum, þar á meðal Elevance Health sem er stærsta sjúkratryggingafélag Bandaríkjanna, og lyfjafyrirtækjum á borð við Eli Lilly og Pfizer til að bæta heilsu sjúklinga og nýta betur auðlindir í heilbrigðiskerfinu. Notkun lausna Sidekick Health hefur bætt stuðning við sjúklinga sem hefur skilað um 40% fækkun á komum á bráðamóttöku hjá fólki með krabbamein, 60% fækkun í spítalainnlögnum í tengslum við krabbameinslyfjameðferðir og 25% bætingu einkenna hjá fólki með sjúkdóma eins og ristilbólgu. Auk þess að bæta líðan sjúklinga hefur notkun lausnanna leitt til árlegs sparnaðar upp á hundruð þúsunda króna fyrir fólk með ýmsa alvarlega sjúkdóma, meðal annars með því að styðja betur við fólk utan spítala og með því að gera heilbrigðisstarfsfólki kleift að grípa fyrr inn í ef ástand þeirra versnar og áður en í óefni er komið. Helstu fjárfestar í Sidekick Health eru Novator Partners, Asabys Partners, Frumtak Ventures og Wellington Partners. Sidekick er með skrifstofur í Boston, Berlín, Kópavogi og Stokkhólmi.“
Kaup og sala fyrirtækja Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Krökkunum finnst hálf hallærislegt að mamman kunni Friends þættina utan að Atvinnulíf Röntgen Domus og Orkuhúsið fá ekki að sameinast Viðskipti innlent Mun bjóða upp á sömu flugáætlun og Bláfugl áður Viðskipti innlent Viljinn tekinn til gjaldþrotaskipta Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Neytendur kunna að meta Landlaxinn og Landbleikjuna Samstarf Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent „Ég var skíthrædd að senda þessa tölvupósta“ Atvinnulíf Fleiri fréttir Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Sjá meira