Viðskipti innlent

Út­gerðar­fé­lag Akur­eyringa rennur inn í dóttur­fé­lag Sam­herja

Árni Sæberg skrifar
Þorsteinn Már Baldvinsson er forstjóri Samherja.
Þorsteinn Már Baldvinsson er forstjóri Samherja. Vísir/Vilhelm

Ákveðið hefur verið að Útgerðarfélag Akureyringa ehf. sameinist Samherja Íslandi ehf., sem fyrir rekur fiskvinnslu á Dalvík og gerir út þrjú ísfiskskip, frystitogara og tvö uppsjávarskip. Móðurfélag þessara tveggja félaga er Samherji hf..

Í tilkynningu þess efnis segir að ákveðið hafi verið að einfalda rekstur dótturfélaga Samherja hf. í veiðum og vinnslu, með því að sameina rekstur þeirra á einni kennitölu. Útgerðarfélag Akureyringa hafi verið rekið sem sérstakt félag innan Samherja um langt árabil.

Útgerðarfélag Akureyringa verði áfram til

Þá er haft eftir Þorsteini Má Baldurssyni, forstjóra Samherja, að samruninn sé fyrst og fremst til hagræðingar.

„Útgerðarfélag Akureyringa verður að sjálfsögðu áfram til, þótt félagið sameinist systurfélaginu Samherja Íslandi ehf. Landvinnslan á Akureyri mun áfram heita landvinnsla Útgerðarfélags Akureyringa. Skipin, Kaldbakur og Harðbakur verða áfram skip Útgerðarfélags Akureyringa. Eftir sameiningu dótturfélaganna verður margvísleg umsýsla einfaldari og skilvirkari, sem er eins og fyrr segir helsta ástæða þessara breytinga,“ er haft eftir honum.

Sjávarútvegur Akureyri


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið