Viðbrögðin við Íslandsbankasáttinni úr öllu hófi Oddur Ævar Gunnarsson skrifar 6. september 2023 13:55 Marinó Örn Tryggvason, fyrrverandi forstjóri Kviku banka. Vísir/Vilhelm Marinó Örn Tryggvason, sem lét nýlega af störfum sem forstjóri Kviku banka, segir að sér þyki samfélagið hafa farið ósanngjörnum höndum um stjórnendur Íslandsbanka í kjölfar þess að sátt Fjármálaeftirlitsins við bankann var opinberuð. Viðbrögðin hafi verið úr öllu hófi. Þetta kemur fram í hlaðvarpsþættinum Chess after Dark þar sem Marínó var gestur en Viðskiptablaðið greindi fyrst frá. Marínó segir harkalega umræðu um stjórnendur Íslandsbanka ekki hafa haft úrslitaáhrif á ákvörðun sína um að stíga til hliðar en hún hafi hins vegar haft áhrif. Farið harkalega um stjórnendur og starfsmenn „Mér sjálfum fannst farið mjög harkalega um stjórnendur og starfsmenn Íslandsbanka. Ég hugsaði um kollega minn fyrrverandi, hana Birnu [Einarsdóttur], þar sem mér fannst farið mjög harkalega með hana fyrir að mínu mati litlar sakir hjá henni,“ segir Marinó. Kvika átti í samrunaviðræðum við Íslandsbanka en sleit þeim nokkrum dögum eftir að sáttin var gerð opinber. Marinó segir ákvörðunina eftir á að hyggja hafa verið hárrétt og verið byggð á mati bankans á viðbrögðum samfélagsins, sem hafi verið harðari en stjórnendur Kviku áttu von á. „Mér finnst samfélagið hafa farið mjög ósanngjörnum höndum um stjórnendur Íslandsbanka, mér finnst menn hafa gengið alltof langt í því. Þarna voru jú brotalamir og Íslandsbanki hefur viðurkennt það. En mér finnst viðbrögðin úr öllu hófi við tilefnið.“ Stjórnendur Kviku hafa áður sagst vera opnir fyrir því að taka upp sameiningarviðræður að nýju við Íslandsbanka í framtíðinni. Marinó segir það geta verið spennandi. „Það hefði verið hægt að búa til öflugasta og stærsta fjármálafyrirtæki landsins sem hefði getað gert ótrúlega hluti. Aftur á móti tel ég líka að framtíðin sé mjög björt hjá Kviku óháð samrunanum, það eru mikil tækifæri þar líka.“ Umræðan á lágu plani Þá minnist Marinó á framgöngu ákveðinna stéttarfélaga vegna Íslandsbankamálsins og segir að sér þyki ótrúlega langt gengið að kalla eftir uppsögnum á starfsfólki Íslandsbanka. Nýlega furðaði Ragnar Þór Ingólfsson, formaður VR, sig á því í samtali við fréttastofu að ekki hefði verið gengið lengra í uppsögnum í Íslandsbanka. Þar væru enn starfsmenn sem hefðu verið þáttakendur í sölu bankans á hlut ríkisins. „Manni finnst umræðan um þetta vera því miður á alltof lágu plani,“ segir Marinó. „Það er voðalega slæmt ef umræða í samfélagi um mál sem skipta miklu máli er alltof grunn.“ Kom á óvart hvað fjársektirnar voru háar Marinó segir að sér hafi komið á óvart hvað sektargreiðslur á Íslandsbanka í sáttinni við Fjármálaeftirlitið hafa verið háar. Hann hafi búist við því að sátt yrði gerð við bankann í málinu. „Það kom mér samt á óvart, bæði hvað fjárhæðirnar voru háar og mér fannst sáttin harkalega orðuð,“ segir Marinó. Hann veltir því upp hvort að sú breyting hafi orðið á að stjórnvöld fari nú fram á mun hærri sektar-og sáttagreiðslur en áður. Fjármálakerfið sé lítið á Íslandi en í stórum dráttum með sama regluverk og eru við lýði í löndum Evrópu þar sem séu miklu stærri fjármálafyrirtæki. Það sé flókið að fylgja öllum lögum og reglum, þó Marinó taki fram að hann sé ekki að gera lítið úr því þegar lög og reglur séu brotnar. Mikilvægt sé að hafa í huga í Íslandsbankamálinu hverjir hafi verið raunverulegir brotaþolar. „Stór hluti af þessum brotum hjá Íslandsbanka voru gegn lögum eða reglum um fjárfestavernd sem er ætlað að vernda viðskiptavini fjármálafyrirtækisins og í þessu tilfelli þá kaupendurna. Ég hef allavega ekki heyrt neins staðar að þeir sem keyptu séu að kvarta.“ Kvika banki Íslenskir bankar Íslandsbanki Salan á Íslandsbanka Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Base parking gjaldþrota Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fyrsta flugi Icelandair til Pittsburgh fagnað Viðskipti Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira
Þetta kemur fram í hlaðvarpsþættinum Chess after Dark þar sem Marínó var gestur en Viðskiptablaðið greindi fyrst frá. Marínó segir harkalega umræðu um stjórnendur Íslandsbanka ekki hafa haft úrslitaáhrif á ákvörðun sína um að stíga til hliðar en hún hafi hins vegar haft áhrif. Farið harkalega um stjórnendur og starfsmenn „Mér sjálfum fannst farið mjög harkalega um stjórnendur og starfsmenn Íslandsbanka. Ég hugsaði um kollega minn fyrrverandi, hana Birnu [Einarsdóttur], þar sem mér fannst farið mjög harkalega með hana fyrir að mínu mati litlar sakir hjá henni,“ segir Marinó. Kvika átti í samrunaviðræðum við Íslandsbanka en sleit þeim nokkrum dögum eftir að sáttin var gerð opinber. Marinó segir ákvörðunina eftir á að hyggja hafa verið hárrétt og verið byggð á mati bankans á viðbrögðum samfélagsins, sem hafi verið harðari en stjórnendur Kviku áttu von á. „Mér finnst samfélagið hafa farið mjög ósanngjörnum höndum um stjórnendur Íslandsbanka, mér finnst menn hafa gengið alltof langt í því. Þarna voru jú brotalamir og Íslandsbanki hefur viðurkennt það. En mér finnst viðbrögðin úr öllu hófi við tilefnið.“ Stjórnendur Kviku hafa áður sagst vera opnir fyrir því að taka upp sameiningarviðræður að nýju við Íslandsbanka í framtíðinni. Marinó segir það geta verið spennandi. „Það hefði verið hægt að búa til öflugasta og stærsta fjármálafyrirtæki landsins sem hefði getað gert ótrúlega hluti. Aftur á móti tel ég líka að framtíðin sé mjög björt hjá Kviku óháð samrunanum, það eru mikil tækifæri þar líka.“ Umræðan á lágu plani Þá minnist Marinó á framgöngu ákveðinna stéttarfélaga vegna Íslandsbankamálsins og segir að sér þyki ótrúlega langt gengið að kalla eftir uppsögnum á starfsfólki Íslandsbanka. Nýlega furðaði Ragnar Þór Ingólfsson, formaður VR, sig á því í samtali við fréttastofu að ekki hefði verið gengið lengra í uppsögnum í Íslandsbanka. Þar væru enn starfsmenn sem hefðu verið þáttakendur í sölu bankans á hlut ríkisins. „Manni finnst umræðan um þetta vera því miður á alltof lágu plani,“ segir Marinó. „Það er voðalega slæmt ef umræða í samfélagi um mál sem skipta miklu máli er alltof grunn.“ Kom á óvart hvað fjársektirnar voru háar Marinó segir að sér hafi komið á óvart hvað sektargreiðslur á Íslandsbanka í sáttinni við Fjármálaeftirlitið hafa verið háar. Hann hafi búist við því að sátt yrði gerð við bankann í málinu. „Það kom mér samt á óvart, bæði hvað fjárhæðirnar voru háar og mér fannst sáttin harkalega orðuð,“ segir Marinó. Hann veltir því upp hvort að sú breyting hafi orðið á að stjórnvöld fari nú fram á mun hærri sektar-og sáttagreiðslur en áður. Fjármálakerfið sé lítið á Íslandi en í stórum dráttum með sama regluverk og eru við lýði í löndum Evrópu þar sem séu miklu stærri fjármálafyrirtæki. Það sé flókið að fylgja öllum lögum og reglum, þó Marinó taki fram að hann sé ekki að gera lítið úr því þegar lög og reglur séu brotnar. Mikilvægt sé að hafa í huga í Íslandsbankamálinu hverjir hafi verið raunverulegir brotaþolar. „Stór hluti af þessum brotum hjá Íslandsbanka voru gegn lögum eða reglum um fjárfestavernd sem er ætlað að vernda viðskiptavini fjármálafyrirtækisins og í þessu tilfelli þá kaupendurna. Ég hef allavega ekki heyrt neins staðar að þeir sem keyptu séu að kvarta.“
Kvika banki Íslenskir bankar Íslandsbanki Salan á Íslandsbanka Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Base parking gjaldþrota Viðskipti innlent Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fyrsta flugi Icelandair til Pittsburgh fagnað Viðskipti Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira