Nýr leikur liður í því að bjarga íslenskunni Eiður Þór Árnason skrifar 11. ágúst 2023 16:53 Vilhjálmur Þorsteinsson, stjórnarformaður og stofnandi Miðeindar, telur leikinn höfða til breiðs hóps fólks. Vísir/Miðeind Nýr orðaleikur gerir fólki kleift að leika sér með íslenskuna og styðja um leið við þróun íslenskrar máltækni. Explo byggir á grunni Netskraflsins sem hefur notið vinsælda á Íslandi en nú stendur til að fara í útrás og bjóða upp á sambærilegan leik á öðrum tungumálum. Leikurinn er þróaður af sprotafyrirtækinu Miðeind sem lýsir honum sem nútímalegri útgáfu af sígildum krossgátuorðaleikjum á borð við skrafl þar sem stöfum er raðað saman til að mynda orð. Miðeind hefur á síðustu árum unnið að þróun fjölmargra máltæknilausna á borð við raddþjóninn Emblu, málrýniþjónustuna Yfirlestur, sjálfvirkar tungumálaþýðingar og gervigreind sem getur flokkað og unnið íslenskan texta. Til stendur að nota tekjur af nýja leiknum í áframhaldandi þróun á máltækni og gervigreind. Netskraflið hefur notið mikilla vinsælda.Miðeind Explo hefur verið í þróun í um tvö ár og kom út í prufuútgáfu fyrr í sumar. Fullþroskuð útgáfa lítur nú dagsins ljós og er aðgengileg bæði í Apple App Store og Google Play Store fyrir Android- og iOS-tæki á borð við síma frá Samsung og Apple. Frá árinu 2015 hefur Miðeind gefið út Netskraflið sem á bilinu átta til tíu þúsund manns spila að jafnaði í hverjum mánuði, að sögn fyrirtækisins. „Okkur datt það í hug hreinlega að prófa að búa til app-útgáfu af Netskraflinu og prófa að fara með það ekki bara á íslenskan markað heldur alþjóðlegan markað,“ segir Vilhjálmur Þorsteinsson, stjórnarformaður og stofnandi Miðeindar, í samtali við Vísi. Hægt er að keppa við fjóra mismunandi þjarka. Miðeind Uppfærðu enska stafapokann Explo verður í fyrstu hægt að spila á íslensku, ensku og pólsku en til stendur að bæta við fleiri tungumálum í náinni framtíð. Explo er einn af fáum orðaleikjum sem hægt er að spila á íslensku í snjalltækjum en mikið úrval er af svipuðum leikjum á ensku og öðrum tungumálum. Vilhjálmur telur framlag þeirra búa yfir vissri sérstöðu sem muni höfða til skrafláhugafólks um heim allan. Til að mynda hafi verið útbúinn nýr stafapoki fyrir ensku sem talinn er vera betur í samræmi við nútímamál og gera leikinn skemmtilegri. „Þessi stafapoki sem fólk þekkir úr ensku skrafli var búinn til af Alfred Butts einhvern tímann í kringum 1940 eða fyrir það. Hann er ekki alveg nægilega réttur fyrir tungumálið þannig að við settum þetta allt í tölvuhermi og reiknuðum út besta mögulega enska skraflpokann. Það er ákveðin nýjung í því fólgin sem við vonum að enskumælandi skraflarar taki vel,“ segir Vilhjálmur en Miðeind hafði áður endurnýjað íslenska stafapokann með svipuðum hætti fyrir Netskraflið. Bæði er hægt að spila leikinn á eigin hraða eða með tímatakmörkunum.Miðeind Vilhjálmur segir það einnig vera sérstöðu að notendur Explo geti spilað leikinn frítt án þess að þurfa að þola auglýsingar. „Það eru engar dettandi fjarsjóðskistur eða springandi demantar, þetta er bara fallegt og einfalt útlit sem truflar þig ekki, og leyfir einbeitingu.“ Þá sé í boði að gerast áskrifandi til að fá vissa viðbótarmöguleika. „Þá getur maður haft fleiri viðureignir í gangi samtímis, notað svokallaðan keppnisham í appinu og svo getur maður líka fengið svona yfirlit í lok hverrar viðureignar þar sem maður getur skoðað allt sem gerðist í viðureigninni og hvað ég hefði getað gert í þeirri stöðu og hvort maður hefði getað lagt eitthvað betra niður,“ segir Vilhjálmur og bendir á að um sé að ræða virkni sem notendur Netskraflsins kannist nú þegar margir við. Vinsældir orðaleikja að aukast Í Explo er ýmist í boði að spila leiki einn, með eða án klukku, við andstæðinga eða við þjarka. Þá safna notendur ELO-stigum líkt og í skák eða Netskraflinu sem gefa til kynna hversu sterkur spilarar þeir eru. Hægt er að spila við fjóra mismunandi þjarka sem fara frá því að vera nokkuð auðveldir í að vera „svínslega erfiður,“ að sögn Vilhjálms. Nokkrar vendingar hafa orðið í heimi orðaleikja á síðustu árum en vefleikurinn Wordle sló rækilega í gegn árið 2021 og var síður keyptur af bandaríska stórblaðinu The New York Times. „Ég held að það komi nánast fólki á óvart hvað þetta er sterkur markaður og einhvern veginn lætur ekki á sjá og er jafnvel frekar vaxandi heldur en hitt. Vinsældir Wordle komu mörgum á óvart en þetta virðist bara vera tegund af afþreyingu sem er líka heilaleikfimi sem mörgum líkar,“ segir Vilhjálmur. Markhópur leikjanna hafi lengi verið aðeins eldri samanborið við aðra símaleiki en Wordle hafi sýnt að yngra fólk hafi ekki síður áhuga á slíkri afþreyingu. Engar auglýsingar eru í nýja leiknum. Miðeind Hjálpa til við að bjarga íslenskunni Lengst af hefur Miðeind fengið megnið af tekjum sínum frá íslenska ríkinu í gegnum máltækniáætlun sem er ætlað að fjármagna þróun á íslenskri máltækni. Síðasta árið hefur fyrirtækið í auknum mæli sótt fjármagn til fyrirtækja sem vilja nota tækni Miðeindar í sinni þjónustu. „Við erum til dæmis með stórt samvinnuverkefni við Íslandsbanka og önnur smærri verkefni sem verið er að vinna með fyrirtækjum og svo erum við jafnframt að undirbúa það að geta veitt almenningi þjónustu,“ segir Vilhjálmur. Á teikniborðinu sé til að mynda ný málrýniþjónusta sem les yfir málfar og stafsetningu en Miðeind hefur lengi boðið upp á slíkt með Yfirlestri. Margrætt hefur verið um þá ógn sem íslensku máli stafi af örri tækniframþróun sem geri fólki kleift að stýra tölvum og tækjum með töluðu máli og skrifuðum fyrirmælum. Hafa stjórnvöld og fræðimenn lagt áherslu á að fjárfest verði í máltækni til að bjarga örmálinu og tryggja að íslenska verði áfram nothæf á öllum sviðum lífsins til framtíðar. Vilhjálmur segir óhætt að fullyrða að með því að spila Explo og gerast áskrifandi sé fólk að leggja þeirri baráttu lið. „Okkur finnst þetta vera skemmtileg leið til að hafa gaman, æfa heilann og styðja gott málefni í leiðinni. Það er svona heildarhugsunin á bak við þetta.“ Tækni Íslensk tunga Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Röntgen Domus og Orkuhúsið fá ekki að sameinast Viðskipti innlent Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Leikurinn er þróaður af sprotafyrirtækinu Miðeind sem lýsir honum sem nútímalegri útgáfu af sígildum krossgátuorðaleikjum á borð við skrafl þar sem stöfum er raðað saman til að mynda orð. Miðeind hefur á síðustu árum unnið að þróun fjölmargra máltæknilausna á borð við raddþjóninn Emblu, málrýniþjónustuna Yfirlestur, sjálfvirkar tungumálaþýðingar og gervigreind sem getur flokkað og unnið íslenskan texta. Til stendur að nota tekjur af nýja leiknum í áframhaldandi þróun á máltækni og gervigreind. Netskraflið hefur notið mikilla vinsælda.Miðeind Explo hefur verið í þróun í um tvö ár og kom út í prufuútgáfu fyrr í sumar. Fullþroskuð útgáfa lítur nú dagsins ljós og er aðgengileg bæði í Apple App Store og Google Play Store fyrir Android- og iOS-tæki á borð við síma frá Samsung og Apple. Frá árinu 2015 hefur Miðeind gefið út Netskraflið sem á bilinu átta til tíu þúsund manns spila að jafnaði í hverjum mánuði, að sögn fyrirtækisins. „Okkur datt það í hug hreinlega að prófa að búa til app-útgáfu af Netskraflinu og prófa að fara með það ekki bara á íslenskan markað heldur alþjóðlegan markað,“ segir Vilhjálmur Þorsteinsson, stjórnarformaður og stofnandi Miðeindar, í samtali við Vísi. Hægt er að keppa við fjóra mismunandi þjarka. Miðeind Uppfærðu enska stafapokann Explo verður í fyrstu hægt að spila á íslensku, ensku og pólsku en til stendur að bæta við fleiri tungumálum í náinni framtíð. Explo er einn af fáum orðaleikjum sem hægt er að spila á íslensku í snjalltækjum en mikið úrval er af svipuðum leikjum á ensku og öðrum tungumálum. Vilhjálmur telur framlag þeirra búa yfir vissri sérstöðu sem muni höfða til skrafláhugafólks um heim allan. Til að mynda hafi verið útbúinn nýr stafapoki fyrir ensku sem talinn er vera betur í samræmi við nútímamál og gera leikinn skemmtilegri. „Þessi stafapoki sem fólk þekkir úr ensku skrafli var búinn til af Alfred Butts einhvern tímann í kringum 1940 eða fyrir það. Hann er ekki alveg nægilega réttur fyrir tungumálið þannig að við settum þetta allt í tölvuhermi og reiknuðum út besta mögulega enska skraflpokann. Það er ákveðin nýjung í því fólgin sem við vonum að enskumælandi skraflarar taki vel,“ segir Vilhjálmur en Miðeind hafði áður endurnýjað íslenska stafapokann með svipuðum hætti fyrir Netskraflið. Bæði er hægt að spila leikinn á eigin hraða eða með tímatakmörkunum.Miðeind Vilhjálmur segir það einnig vera sérstöðu að notendur Explo geti spilað leikinn frítt án þess að þurfa að þola auglýsingar. „Það eru engar dettandi fjarsjóðskistur eða springandi demantar, þetta er bara fallegt og einfalt útlit sem truflar þig ekki, og leyfir einbeitingu.“ Þá sé í boði að gerast áskrifandi til að fá vissa viðbótarmöguleika. „Þá getur maður haft fleiri viðureignir í gangi samtímis, notað svokallaðan keppnisham í appinu og svo getur maður líka fengið svona yfirlit í lok hverrar viðureignar þar sem maður getur skoðað allt sem gerðist í viðureigninni og hvað ég hefði getað gert í þeirri stöðu og hvort maður hefði getað lagt eitthvað betra niður,“ segir Vilhjálmur og bendir á að um sé að ræða virkni sem notendur Netskraflsins kannist nú þegar margir við. Vinsældir orðaleikja að aukast Í Explo er ýmist í boði að spila leiki einn, með eða án klukku, við andstæðinga eða við þjarka. Þá safna notendur ELO-stigum líkt og í skák eða Netskraflinu sem gefa til kynna hversu sterkur spilarar þeir eru. Hægt er að spila við fjóra mismunandi þjarka sem fara frá því að vera nokkuð auðveldir í að vera „svínslega erfiður,“ að sögn Vilhjálms. Nokkrar vendingar hafa orðið í heimi orðaleikja á síðustu árum en vefleikurinn Wordle sló rækilega í gegn árið 2021 og var síður keyptur af bandaríska stórblaðinu The New York Times. „Ég held að það komi nánast fólki á óvart hvað þetta er sterkur markaður og einhvern veginn lætur ekki á sjá og er jafnvel frekar vaxandi heldur en hitt. Vinsældir Wordle komu mörgum á óvart en þetta virðist bara vera tegund af afþreyingu sem er líka heilaleikfimi sem mörgum líkar,“ segir Vilhjálmur. Markhópur leikjanna hafi lengi verið aðeins eldri samanborið við aðra símaleiki en Wordle hafi sýnt að yngra fólk hafi ekki síður áhuga á slíkri afþreyingu. Engar auglýsingar eru í nýja leiknum. Miðeind Hjálpa til við að bjarga íslenskunni Lengst af hefur Miðeind fengið megnið af tekjum sínum frá íslenska ríkinu í gegnum máltækniáætlun sem er ætlað að fjármagna þróun á íslenskri máltækni. Síðasta árið hefur fyrirtækið í auknum mæli sótt fjármagn til fyrirtækja sem vilja nota tækni Miðeindar í sinni þjónustu. „Við erum til dæmis með stórt samvinnuverkefni við Íslandsbanka og önnur smærri verkefni sem verið er að vinna með fyrirtækjum og svo erum við jafnframt að undirbúa það að geta veitt almenningi þjónustu,“ segir Vilhjálmur. Á teikniborðinu sé til að mynda ný málrýniþjónusta sem les yfir málfar og stafsetningu en Miðeind hefur lengi boðið upp á slíkt með Yfirlestri. Margrætt hefur verið um þá ógn sem íslensku máli stafi af örri tækniframþróun sem geri fólki kleift að stýra tölvum og tækjum með töluðu máli og skrifuðum fyrirmælum. Hafa stjórnvöld og fræðimenn lagt áherslu á að fjárfest verði í máltækni til að bjarga örmálinu og tryggja að íslenska verði áfram nothæf á öllum sviðum lífsins til framtíðar. Vilhjálmur segir óhætt að fullyrða að með því að spila Explo og gerast áskrifandi sé fólk að leggja þeirri baráttu lið. „Okkur finnst þetta vera skemmtileg leið til að hafa gaman, æfa heilann og styðja gott málefni í leiðinni. Það er svona heildarhugsunin á bak við þetta.“
Tækni Íslensk tunga Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Matvöruverslun og íbúðir steinsnar frá Keflavíkurflugvelli Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Mun bjóða upp á sömu flugáætlun og Bláfugl áður Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Þarf að greiða kortareikninginn og meira til í málskostnað Neytendur Viljinn tekinn til gjaldþrotaskipta Viðskipti innlent Krónísk óstundvísi: Skýringar og góð ráð Atvinnulíf Röntgen Domus og Orkuhúsið fá ekki að sameinast Viðskipti innlent Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira