Þingmaður á rangri leið Guðmundur Haukur Jakobsson skrifar 4. ágúst 2023 11:01 Þann 2. ágúst sl. birtist á visir.is grein sem Njáll Trausti Friðbertsson, þingmaður skrifar undir. Greinin, sem ber undarlegt heiti innan gæsalappa, fjallar í stuttu máli um að þingmaðurinn telji það afar mikilvægt að þjóðvegurinn verði styttur. Sami þingmaður fékk birta grein sem hann skrifar líka undir í Vikublaðinu þann 18. apríl sl. þar sem hann, sem fyrsti flutningsmaður þingsályktunartillögu sem lögð var fram á Alþingi, vildi ráðast í endurnýjun vegarins yfir Kjöl og það í einkaframkvæmd. Þær hugmyndir eru útaf fyrir sig ágætar, með upphaf og endi í núverandi mynd. Gera verður ráð fyrir því að flugvöllum landsins sé borgið um sinn fyrst háttvirtur þingmaður hefur ákveðið að snúa sér að öðrum jafn aðkallandi verkefnum. Að sinni verður það látið liggja á milli hluta að þingmaðurinn var þarna í fyrsta og eina skiptið á hans þingmannsferli fyrsti flutningsmaður tillögu á Alþingi. Hefur þó ekkert spurst til framkvæmda við endurnýjun Kjalvegar. Hitt málið sem þingmaðurinn er upptekinn af þessa dagana er að stytta hringveginn. Hugmyndir þingmannsins, sem reyndar eru fjarri því að vera hans í grunninn, eru að ráðist verði í framkvæmd svokallaðrar „Húnavallaleiðar“. Í þeirri framkvæmd felst að hringvegurinn muni ekki liggja í gegnum Blönduós heldur í gegnum blómlegar sveitir ofan byggðarlagsins og tengjast svo núverandi þjóðvegi í Langadal aftur um það bil um miðjan dalinn. Í áðurnefndri grein þingmannsins á visir.is er hvergi vikið að hagsmunum sveitarfélaganna, íbúa eða fyrirtækja heldur látið við það sitja að vitna til skýrslu Vegagerðarinnar frá árinu 2011 og til þess vísað að „arðsemin“ sé svo mikil að það hljóti að liggja í augum uppi að farið verði í þessa framkvæmd strax. Ekki verður hér gert lítið úr því að umferðaröryggi og styttri ferðatími skipta máli en umrædd framkvæmd myndi stytta leiðina á milli Reykjavíkur og Akureyrar um 14 kílómetra. Ef miðað er við að ekið sé á löglegum hraða er þetta stytting um heilar 9 mínútur sem auðvitað geta skipt alla þá sem aka umrædda leið oft á dag miklu máli. Þingmaðurinn, sem þó er þingmaður Norðurlands, lítur algjörlega framhjá því að með umræddum hugmyndum um að færa veglínu hringvegarins fjær byggðarlögunum yrði fótunum kippt undan einni mikilvægustu atvinnugrein héraðsins. Ferðaþjónusta hefur verið í mikilli sókn víða á svæðinu undanfarin ár og mörg áhugaverð verkefni í bígerð. Að einhverju leyti treysta þeir aðilar sem að ferðaþjónustu standa á umferð ferðamanna í gegnum héraðið líkt og Egilsstaðir, Selfoss, Hveragerði og fleiri bæjarfélög sem byggst hafa upp í kringum ferðaþjónustu og umferð ferðamanna um bæjarhlaðið. Af einhverjum ástæðum telur þingmaðurinn að það sé “forgangsmál að koma Húnavallaleið í nýja samgönguáætlun”, svo vitnað sé beint í niðurlag greinar hans. Væntanlega telur þingmaðurinn þá að einbreiðar brýr og hættulegir fjallvegir víða um land séu ekki jafn mikið “forgangsmál”? Þann 15. júní 2022 samþykkti Alþingi þingsályktunartillögu innviðaráðherra um um stefnumótandi byggðaáætlun fyrir árin 2022-2036 auk aðgerðaráætlunar vegna áranna 2022-2026. Í fyrsta kafla nefndrar þingsályktunartillögu er fjallað um framtíðarsýn og meginmarkmið en þar segir m.a. að það sé eitt af meginmarkmiðum tillögunnar að byggðir og sveitarfélög landsins verði sjálfbær. Þá segir þar ennfremur að stefnt skuli að því að í öllum landshlutum verði [...] „blómlegar byggðir og öflugir byggðakjarnar þar sem stuðlað verði að bættum lífskjörum landsmanna og búsetufrelsi með sem jöfnustu aðgengi að grunnþjónustu, húsnæði og fjölbreyttum atvinnutækifærum“. Umhverfis-og samgöngunefnd Alþingis fjallaði um málið í alls sex skipti á tímabilinu frá 19. maí til 13. júní 2022 en Njáll Trausti á sæti í nefndinni. Ekki verður séð af fundargerðum nefndarinnar að þingmaðurinn hafi nokkru sinni hreyft andmælum við tillögunni né verið sérstaklega mótfallinn þeim markmiðum sem að stefnt var að og rakin hafa verið hér að ofan. Það vekur því óneitanlega furðu að þingmaðurinn skuli nú, rétt um ári seinna, tala gegn markmiðum tillögunnar og leitast um leið við að draga máttinn úr þeim fjölmörgu aðilum sem lagt hafa mikið undir við uppbyggingu ferðaþjónustu á svæðinu. Það hlýtur að verða að gera þá kröfu að þingmaðurinn útskýri hvað honum gengur til. Hann hefur í öllu falli ekki haft samband við heimamenn til þess að ræða sínar hugmyndir. Höfundur er forseti sveitarstjórnar og oddviti Sjálfstæðisflokksins í Húnabyggð. Viltu birta grein á Vísi? Sendu okkur póst. Senda grein Húnabyggð Sjálfstæðisflokkurinn Samgöngur Vegagerð Mest lesið Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun Daði Már týnir sjálfum sér Heiðrún Lind Marteinsdóttir Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson Skoðun Traust í húfi Eyjólfur Ármannsson Skoðun Alvarleg staða í umhverfi fréttamiðla Rósa Guðbjartsdóttir Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun Æfingin skapar meistarann! Sigurjón Már Fox Gunnarsson Skoðun Verðmætasköpun án virðingar Berglind Harpa Svavarsdóttir Skoðun Ég á þetta ég má þetta Arnar Atlason Skoðun Skoðun Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar Skoðun Alvarleg staða í umhverfi fréttamiðla Rósa Guðbjartsdóttir skrifar Skoðun Stéttarkerfi Halldóra Lillý Jóhannsdóttir skrifar Skoðun Stöðvum Hamas. Einungis þannig getum við stöðvað hryllinginn á Gaza BIrgir Finnsson skrifar Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar Skoðun Æfingin skapar meistarann! Sigurjón Már Fox Gunnarsson skrifar Skoðun 140 sinnum líklegra að verða fyrir eldingu Sigurður G. Guðjónsson skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Traust í húfi Eyjólfur Ármannsson skrifar Skoðun Verðmætasköpun án virðingar Berglind Harpa Svavarsdóttir skrifar Skoðun Daði Már týnir sjálfum sér Heiðrún Lind Marteinsdóttir skrifar Skoðun Samhljómur við náttúruna og sjálfbæra þróun Anna María Ágústsdóttir skrifar Skoðun Aðgerðir gegn mansali í forgangi Þorbjörg S. Gunnlaugsdóttir skrifar Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar Skoðun Framtíðin fær húsnæði Ingunn Gunnarsdóttir skrifar Skoðun Börnin sem deyja á Gaza Elín Pjetursdóttir skrifar Skoðun Brýr, sýkingar og börn Jón Pétur Zimsen skrifar Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar Skoðun Hvað er lýðskóli eiginlega? Margrét Gauja Magnúsdóttir skrifar Skoðun Búum til pláss fyrir framtíðina Birna Þórarinsdóttir skrifar Skoðun Hættuleg ofnotkun svefnlyfja á Íslandi Drífa Sigfúsdóttir skrifar Skoðun Kveikjum neistann um allt land Kolbrún Áslaugar Baldursdóttir skrifar Skoðun Ætlar Ísland að fara sömu leið og Evrópa í útlendingamálum? Kári Allansson skrifar Skoðun Samtökin 78 verðlauna sögufölsun Böðvar Björnsson skrifar Skoðun Afstaða – á vaktinni í 20 ár Arndís Vilhjálmsdóttir,Guðbjörg Sveinsdóttir skrifar Skoðun Menntun sem mannréttindi – ekki forréttindi París Anna Bergmann,Sigurður Kári Harðarson skrifar Skoðun Varað við embætti sérstaks saksóknara Gestur Jónsson skrifar Skoðun Út af sporinu en ekki týnd að eilífu María Helena Mazul skrifar Skoðun Meira að segja formaður Viðreisnar Hjörtur J. Guðmundsson skrifar Sjá meira
Þann 2. ágúst sl. birtist á visir.is grein sem Njáll Trausti Friðbertsson, þingmaður skrifar undir. Greinin, sem ber undarlegt heiti innan gæsalappa, fjallar í stuttu máli um að þingmaðurinn telji það afar mikilvægt að þjóðvegurinn verði styttur. Sami þingmaður fékk birta grein sem hann skrifar líka undir í Vikublaðinu þann 18. apríl sl. þar sem hann, sem fyrsti flutningsmaður þingsályktunartillögu sem lögð var fram á Alþingi, vildi ráðast í endurnýjun vegarins yfir Kjöl og það í einkaframkvæmd. Þær hugmyndir eru útaf fyrir sig ágætar, með upphaf og endi í núverandi mynd. Gera verður ráð fyrir því að flugvöllum landsins sé borgið um sinn fyrst háttvirtur þingmaður hefur ákveðið að snúa sér að öðrum jafn aðkallandi verkefnum. Að sinni verður það látið liggja á milli hluta að þingmaðurinn var þarna í fyrsta og eina skiptið á hans þingmannsferli fyrsti flutningsmaður tillögu á Alþingi. Hefur þó ekkert spurst til framkvæmda við endurnýjun Kjalvegar. Hitt málið sem þingmaðurinn er upptekinn af þessa dagana er að stytta hringveginn. Hugmyndir þingmannsins, sem reyndar eru fjarri því að vera hans í grunninn, eru að ráðist verði í framkvæmd svokallaðrar „Húnavallaleiðar“. Í þeirri framkvæmd felst að hringvegurinn muni ekki liggja í gegnum Blönduós heldur í gegnum blómlegar sveitir ofan byggðarlagsins og tengjast svo núverandi þjóðvegi í Langadal aftur um það bil um miðjan dalinn. Í áðurnefndri grein þingmannsins á visir.is er hvergi vikið að hagsmunum sveitarfélaganna, íbúa eða fyrirtækja heldur látið við það sitja að vitna til skýrslu Vegagerðarinnar frá árinu 2011 og til þess vísað að „arðsemin“ sé svo mikil að það hljóti að liggja í augum uppi að farið verði í þessa framkvæmd strax. Ekki verður hér gert lítið úr því að umferðaröryggi og styttri ferðatími skipta máli en umrædd framkvæmd myndi stytta leiðina á milli Reykjavíkur og Akureyrar um 14 kílómetra. Ef miðað er við að ekið sé á löglegum hraða er þetta stytting um heilar 9 mínútur sem auðvitað geta skipt alla þá sem aka umrædda leið oft á dag miklu máli. Þingmaðurinn, sem þó er þingmaður Norðurlands, lítur algjörlega framhjá því að með umræddum hugmyndum um að færa veglínu hringvegarins fjær byggðarlögunum yrði fótunum kippt undan einni mikilvægustu atvinnugrein héraðsins. Ferðaþjónusta hefur verið í mikilli sókn víða á svæðinu undanfarin ár og mörg áhugaverð verkefni í bígerð. Að einhverju leyti treysta þeir aðilar sem að ferðaþjónustu standa á umferð ferðamanna í gegnum héraðið líkt og Egilsstaðir, Selfoss, Hveragerði og fleiri bæjarfélög sem byggst hafa upp í kringum ferðaþjónustu og umferð ferðamanna um bæjarhlaðið. Af einhverjum ástæðum telur þingmaðurinn að það sé “forgangsmál að koma Húnavallaleið í nýja samgönguáætlun”, svo vitnað sé beint í niðurlag greinar hans. Væntanlega telur þingmaðurinn þá að einbreiðar brýr og hættulegir fjallvegir víða um land séu ekki jafn mikið “forgangsmál”? Þann 15. júní 2022 samþykkti Alþingi þingsályktunartillögu innviðaráðherra um um stefnumótandi byggðaáætlun fyrir árin 2022-2036 auk aðgerðaráætlunar vegna áranna 2022-2026. Í fyrsta kafla nefndrar þingsályktunartillögu er fjallað um framtíðarsýn og meginmarkmið en þar segir m.a. að það sé eitt af meginmarkmiðum tillögunnar að byggðir og sveitarfélög landsins verði sjálfbær. Þá segir þar ennfremur að stefnt skuli að því að í öllum landshlutum verði [...] „blómlegar byggðir og öflugir byggðakjarnar þar sem stuðlað verði að bættum lífskjörum landsmanna og búsetufrelsi með sem jöfnustu aðgengi að grunnþjónustu, húsnæði og fjölbreyttum atvinnutækifærum“. Umhverfis-og samgöngunefnd Alþingis fjallaði um málið í alls sex skipti á tímabilinu frá 19. maí til 13. júní 2022 en Njáll Trausti á sæti í nefndinni. Ekki verður séð af fundargerðum nefndarinnar að þingmaðurinn hafi nokkru sinni hreyft andmælum við tillögunni né verið sérstaklega mótfallinn þeim markmiðum sem að stefnt var að og rakin hafa verið hér að ofan. Það vekur því óneitanlega furðu að þingmaðurinn skuli nú, rétt um ári seinna, tala gegn markmiðum tillögunnar og leitast um leið við að draga máttinn úr þeim fjölmörgu aðilum sem lagt hafa mikið undir við uppbyggingu ferðaþjónustu á svæðinu. Það hlýtur að verða að gera þá kröfu að þingmaðurinn útskýri hvað honum gengur til. Hann hefur í öllu falli ekki haft samband við heimamenn til þess að ræða sínar hugmyndir. Höfundur er forseti sveitarstjórnar og oddviti Sjálfstæðisflokksins í Húnabyggð.
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun
Skoðun Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir skrifar
Skoðun Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir skrifar
Skoðun Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Enginn á verðinum – um ábyrgð, framtíðarsýn og mikilvægi forvirkrar stjórnsýslu Guðjón Heiðar Pálsson skrifar
Skoðun Konum í afplánun fjölgar: Með flókin áföll á bakinu Tinna Eyberg Örlygsdóttir,Sigríður Ella Jónsdóttir skrifar
Skoðun Menntun sem mannréttindi – ekki forréttindi París Anna Bergmann,Sigurður Kári Harðarson skrifar
Mikilvæg gagnrýni eða tilraun til valdayfirtöku í Sósíalistaflokknum? Ása Lind Finnbogadóttir Skoðun
Matvælaverð hefur nær þrefaldast frá stofnun Viðskiptaráðs! Sigríður Ingibjörg Ingadóttir Skoðun
Dagur líffræðilegrar fjölbreytni 2025 Rannveig Magnúsdóttir,Ole Sandberg,Ragnhildur Guðmundsdóttir,Rebecca Thompson,Skúli Skúlason,Sæunn Júlía Sigurjónsdóttir Skoðun