Viðskipti erlent

Hafa selt yfir fjöru­tíu milljón PS5 tölvur

Máni Snær Þorláksson skrifar
Sony hefur selt rúmar fjörutíu milljón Playstation 5 leikjatölvur.
Sony hefur selt rúmar fjörutíu milljón Playstation 5 leikjatölvur. EPA/RUNGROJ YONGRIT

Sony tilkynnti í dag að fyrirtækið væri búið að selja yfir fjörutíu milljón Playstation 5 leikjatölvur. Fyrirtækið hóf sölu á leikjatölvunum í nóvember árið 2020 og gekk framleiðslan frekar brösuglega fyrst um sinn. Nú sé þó framleiðslan komin á strik og hægt að sinna eftirspurninni.

Jim Ryan, framkvæmdastjóri Sony, greinir frá þessum tímamótum í tilkynningu sem birt var á heimasíðu Sony. Þar segir Ryan að þegar Sony hóf sölu á leikjatölvunum árið 2020 hafi heimurinn verið á skrýtnum og öðruvísi stað en þegar tölvan var kynnt í nóvember árið 2019.

„Þrátt fyrir fordæmislausar áskoranir sem fylgdu Covid, unnu teymin okkar og samstarfsaðilar hörðum höndum við að koma Playstation 5 út á réttum tíma,“ segir Ryan. Áskoranirnar hafi haldið áfram eftir það og það hafi tekið fleiri mánuði að koma öllu í rétt horf.

„Í fleiri mánuði en ég vil muna eftir héldum við áfram að þakka fólki fyrir þolinmæðina á meðan við unnum úr þessum vandamálum.“

Núna sé fyrirtækið komið með almennilegar birgðir af leikjatölvunni. „Við erum að sjá að það er loksins hægt að svara eftirspurninni,“ segir Ryan.

Sony Leikjavísir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið