Viðskipti innlent

Toppur verður að Bonaqua

Máni Snær Þorláksson skrifar
Toppur breytist í Bonaqua
Toppur breytist í Bonaqua Aðsend

Vörumerkið Toppur mun brátt heyra sögunni til. Nafnabreyting verður á vörunni í sumar og mun drykkurinn framvegis kallast Bonaqua. Engin breyting verður þó á bragði eða þeim bragðtegundum sem í boði eru.

Fram kemur í tilkynningu frá Coca-Cola Europacific Partners á Íslandi, sem framleiðir Topp, að nafnabreytingin sé liður í stefnu The Coca-Cola Company um að leggja áherslu á „færri en sterkari vörumerki á alþjóðavísu.“

Anna Regína Björnsdóttir, forstjóri CCEP á Íslandi, útskýrir að sem alþjóðlegt fyrirtæki vilji The Coca-Cola Company styðja betur við sín helstu vörumerki. Bonaqua sé eitt af stærstu vörumerkjum fyrirtækisins á heimsvísu og fæst á þrjátíu markaðssvæðum.

„Breytingin er mjög spennandi því við munum fá aðgang að mun öflugri vöruþróun og vönduðu markaðsefni sem mun koma neytendum okkar til góða,“ er haft eftir Önnu Regínu í tilkynningunni.

Anna Regína segir að bragðið muni halda sér.Aðsend

„Gamla góða bragðið mun þó halda sér sem og þær bragðtegundir sem í boði eru, en íslenskir neytendur mega því búast við fleiri nýjungum, líkt og nágrannaþjóðir okkar eiga að venjast, sem er frábært fyrir langtímavöxt vörumerkisins.“

Þetta er ekki í fyrsta skipti sem íslenskum vörumerkjum er slaufað á kostnað alþjóðlegra vörumerkja hjá fyrirtækinu. Árið 2019 færðist ávaxtasafavörumerkið Trópí alfarið yfir í hið alþjóðlega Minute Maid.

Drykkir Íslensk tunga Auglýsinga- og markaðsmál


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið