Full­komin næring fyrir garðinn

Um er að ræða öflugan áburð í fljótandi formi sem fólk einfaldlega tengir við garðslöngu og úðar yfir garðinn, bæði einfalt og snyrtilegt segir Guðmundur Karl Eiríksson, sölustjóri hjá Eco-Garden. „Það er mikilvægt að huga að því að næra jarðveginn rétt, sérstaklega eftir mikla rigninga- og kuldatíð. Til að koma í veg fyrir langtíma næringarskort plantnanna er mikilvægt að úða fljótandi áburðinum á grasflötina og byggja þar upp sterkt rótarkerfi sem mun birtast í enn fallegri grasflöt vorið eftir.“Guðmundur segir fljótandi áburð vera einstaklega hentugan fyrir íslenskar aðstæður. „Veðurfar er breytilegt hér á landi og því getur skipt sköpum að plantan fái næringu eins fljótt og auðið er.“

Hann segir fljótandi áburð byrja strax að virka um leið og hann hefur verið borinn á. „Áburðurinn bindur sig við jarðveginn með þeim afleiðingum að hann skolast ekki í burtu í mikilli rigningatíð. Hægt er að bera áburðinn á frosna jörð sem gerir það að verkum að plantan hefur næringu um leið og hún vaknar til lífsins á vorin.“

Fljótandi áburður frá Eco Garden kemur í þremur útfærslum:

• Grasamín- fyrir fljótvirkan árangur á grasflötina. Inniheldur hátt hlutfall köfnunarefnis sem gerir það að verkum að grasið grænkar á einstaklega skömmum tíma.
• Blár fljótandi- fyrir garðinn, tré, runna og matjurtagarðinn. Blár fljótandi er stút fullur af snefilefnum en þau eru ákaflega mikilvæg fyrir allar plöntur. Blár fljótandi er notaður af helstu garðyrkjubændum í útirækt.
• Grænn fljótandi- langvinnur áburður á grasið, gerir grasið slitsterkt og kröftugt. Notaður af túnþökusölum og á fótboltavöllum. Árangurinn er hreint ótrúlegur og ekki síst er hann sjáanlegur árið eftir. Einstök næring fyrir grasflötina.

Samkvæmt Guðmundi er um farsæla vöru að ræða sem notuð hefur verið meðal annars á tún, garða, golfvelli og af grænmetisbændum með undraverðum árangri. „Megin áhersla Eco-Garden er að fá sem heilbrigðastan jarðveg fyrir heilbrigðar plöntur og er áburðurinn samsettur eftir ára langar prufur og þróun. Við mælum með því að bera yfir á um sex vikna fresti til að sem bestur árangur náist en einn brúsi dugir á 160 - 200 fermetra.

Eco-Garden hefur einnig unnið að því að bjóða upp á hágæða grasfræ frá DLF auk þess sem mosaeyðarnir Mossoff og Substral hafa notið mikilla vinsælda.

Hægt er að nálgast vörurnar í verslunum Blómavals og Húsasmiðjunnar.