Viðskipti innlent

Hjör­var nýr fram­kvæmda­stjóri hjá Taktikal

Máni Snær Þorláksson skrifar
Hjörvar Jóhannesson er nýr framkvæmdastjóri sölu- og viðskiptaþróunar hjá Taktikal.
Hjörvar Jóhannesson er nýr framkvæmdastjóri sölu- og viðskiptaþróunar hjá Taktikal. Aðsend

Hjörvar Jóhannesson hefur verið ráðinn sem framkvæmdastjóri sölu- og viðskiptaþróunar hjá Taktikal. Hann mun bera ábyrgð á viðskiptaþróun, sölu og ráðgjöf til lykilviðskiptavina Taktikal.

Áður starfaði Hjörvar hjá Motus en þar hafði hann verið frá árinu 2001. Þar gegndi hann ýmsum störfum, var sölustjóri, viðskiptastjóri stórra fyrirtækja og síðast forstöðumaður viðskiptastýringar. Þá stýrði hann viðskiptaþróun fyrir fjártæknifélögin Greiðslumiðlun og Pei.

Hjörvar er viðskiptafræðingur að mennt og útskrifaðist úr Háskólanum í Reykjavík. „Ég er mjög spenntur fyrir að fá tækifæri til þess að leiða viðskiptaþróun Taktikal og hlakka til að halda áfram á þeirri frábæru vegferð sem Taktikal hefur verið frá stofnun þess 2017,“ er haft eftir Hjörvari í tilkynningu.

Valur Þór Gunnarsson, framkvæmdastjóri Taktikal, segist einnig vera spenntur að fá Hjörvar til liðs við fyrirtækið. 

„Við höfum verið að útvíkka þjónustuframboð okkar og erum að hefja sókn inn á nýja erlenda markaði. Reynsla Hjörvars mun spila lykilhlutverk á okkar vegferð,“ segir Valur Þór Gunnarsson, framkvæmdastjóri Taktikal.“





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×