Þau dulbúa hatur sitt sem áhyggjur af velferð barna Guðni Freyr Öfjörð skrifar 30. maí 2023 12:01 Í hinsegin samfélaginu deilum við sameiginlegri sögu baráttu og sigurs, sem er vitnisburður um seiglu okkar gegn misskilningi og hatri. Það er mikilvægt að muna að fræ fordóma spíra oft innan innstu hringa áður en þau dreifa sér út á við. Það er ágætt að minna á að áður en Hitler hóf að ofsækja homma og lesbíur beindi hann ofsóknum sínum að trans fólki, sérstaklega þá einstaklinga sem var úthlutað karlkyni við fæðingu og skilgreindar sem konur. Nasistastjórnin leit á trans fólk sem ógn við „hreinleika“ aríska kynstofnsins og beitti lögum sínum gegn samkynhneigð til að ofsækja það. Sagan er að endurtaka sig í Bandaríkjunum. Því miður, í dag, stöndum við frammi fyrir ógnvænlegri þróun og bakslagi í heiminum - ógrynni af röngum upplýsingum og fordómum gagnvart trans fólki sem koma meðal annars innan úr samfélagi okkar. Þessi þróun er ekki aðeins niðurdrepandi heldur hættuleg. Skaðlegum staðalímyndum er viðhaldið, sundrungu er sáð og grafið undan þeirri samstöðu sem samfélag okkar hefur lagt svo hart að sér að byggja upp. Að horfa upp á suma einstaklinga innan hinsegin samfélagsins sá hatursfræjum um trans fólk sýnir ekkert nema foréttindahroka og yfirgang. Ég spyr mig oft, af hverju? Hver er tilgangurinn hjá þeim? Er þetta minnimáttarkennd? Fortíðarþráhyggja? Mótþróaröskun? Rembingur? Samsærisnötterar? Ég held að þetta er bara í nösunum á þeim. Þessir aðilar eru bókstaflega með þráhyggju fyrir trans fólki, þeir tala um að trans fólk sé að dreifa trans áróði, en raunveruleikinn er sá að þessir einstaklingar eru þeir sem sjálfir dreifa hvað mestum áróðri um trans fólk, það þarf ekki nema bara líta á uppfærslurnar frá þeim á samfélagsmiðlum. Þeir einstaklingar innan hinsegin samfélagsins sem styðja hægri öfga fólk sem talar gegn réttindum trans fólks og öðru hinsegin fólki, hafið þetta á bakvið eyrun; Þessu fólki er alveg sama um ykkur, og ykkar réttindi, þið eruð ekkert nema skíturinn undir skónum þeirra. Þið eruð næst. Rangar upplýsingar Dæmi um rangar upplýsingar um trans fólk er frásögnin um hormónameðferð fyrir trans börn sem hefur verið í dreifingu. Vísindaleg samstaða styður að kynbundin umönnun, þar með talið hormónameðferð, þegar læknir telur viðeigandi, geti verið lífsbjargandi meðferð fyrir trans börn. Meðferðin getur dregið verulega úr hættu á þunglyndi, kvíða og sjálfsvígum og er mæla helstu heilbrigðisstofnanir um allan heim með henni . Með því að dreifa röngum upplýsingum um þetta stofnum við lífi ungs fólks í hættu og ýtum undir andrúmsloft ótta og óvissu. Þessi klassíska mantra um ,,hvað með börnin?” er oft notuð af fólki sem er í raun alveg sama um börnin, þau nota hana til að réttlæta sitt eigið hatur. Við verðum líka að vera meðvituð um hvata þeirra utan samfélags okkar sem viðhalda þessum skaðlegu frásögnum. Hægri öfga íhaldsmenn sem vinna markvisst gegn réttindum trans fólks eru ekki bandamenn okkar! Endanlegt markmið þeirra er ekki velferð barnanna okkar, heldur sundrung, árás á jaðarsetta hópa, árás á allt sem þeir telja vera “öðruvísi” og árás á lýðræði. Þeim er slétt sama um börnin, ef þeim væri raunverulega annt um börnin væru þau ekki að þessum árásum á trans börn. Við skulum hafa það á hreinu að ef þeim tekst að svipta trans fólk mannréttindum sínum munu þau ekki hætta þar. Ráðagerðir þeirra ógna öllum meðlimum hinsegin samfélagsins, réttindum kvenna og reyndar öllum jaðarsettum og viðkvæmum hópum samfélagsins. Árás á eitt okkar er árás á okkur öll, ég fæ aldrei leið á þessari setningu. Bakslagið eykst með kjöri Trumps Bandaríkjaforseta árið 2016 Undir stjórn Trumps var gripið til aðgerða sem höfðu gífurlega slæm áhrif á hinsegin samfélagið. Aðgerðirnar fólu í sér afturköllun á titli IX vernd fyrir trans nemendur, breytingar á heilbrigðisreglum sem afléttu banni viðmismunun gagnvart hinseigin einstaklingum og bann við því að trans einstaklingar gangi í herinn. Trump tilnefndi einnig þrjá íhaldssama dómara í Hæstarétt Bandaríkjanna, sem hefur nú þegar haft alvarlegar afleiðingar, sem dæmi má nefna aðför að rétti kvenna til yfirráða yfir eigin líkama. Komum saman sem eitt Að vera hluti af hinseigin samfélaginu snýst um viðurkenningu, skilning og ást, ekki bara fyrir sum heldur öll. Þetta snýst um að viðurkenna og virða sjálfsmynd hvers annars, jafnvel þó að þær sjálfsmyndir séu ólíkar okkar eigin. Við verðum að viðurkenna að útbreiðsla rangra upplýsinga eða fordóma í garð trans bræðra okkar, systra og systkna er aðeins til þess fallið að veikja samfélag okkar í heild. Í mótlætinu höfum við alltaf staðið sterkari saman. Við skulum muna sögu okkar, lexíuna sem hún kenndi okkur og þær framfarir sem við höfum náð að berjast fyrir. Transfælni, hvort sem hún kemur utan frá eða innan okkar eigin raða, er áskorun sem við verðum að takast á við í sameiningu. Við þurfum að muna að hver stafur í LGBTQIA+ skiptir máli. Hver og einn þeirra táknar hóp fólks sem á skilið virðingu, skilning og viðurkenningu. Við skulum standa saman, styðja trans fjölskyldu okkar, og muna að barátta þeirra er barátta okkar líka. LGBTQIA+ samfélagið hefur vald til að sýnagott fordæmi í því að skapa heim sem viðurkennir fólk og sýnir meiri skilning. Notum það vald skynsamlega, hlúum að einingu, ekki sundrungu. Stöndum saman gegn transfælni, í dag og alla daga, þar til hvert og eitt okkar getur verið til opinskátt og ósvikið án ótta. Höfundur er í stjórn Ungra Pírata. Viltu birta grein á Vísi? Sendu okkur póst. Senda grein Málefni trans fólks Hinsegin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Útrýming mannsins á RÚV Vala Hafstað Skoðun Stórhættulegir ágallar á örorkufrumvarpi ríkisstjórnarinnar Jóhann Páll Jóhannsson Skoðun Ástþór Magnússon í spádómum? Gunnar Karl Halldórsson Skoðun Söngvakeppni og stríðsglæpir Ragnhildur Hólmgeirsdóttir Skoðun Siðferðileg heilindi Háskóla Íslands á tímum þjóðarmorðs Háskólafólk fyrir Palestínu Skoðun Af hverju kýs ég ekki Katrínu Jakobs Birgir Dýrfjörð Skoðun Svik forsetaframbjóðanda við börnin á Gaza Salvör Gullbrá Þórarinsdóttir Skoðun Menningarlegur og sáttfús forseti Aldís Aðalbjarnardóttir Skoðun Leikskólakennara á eftirlaunum er ofboðið Ásdís Ólafsdóttir Skoðun Var upplýsingagjöf í covidfaraldrinum upplýsingaóreiða? Steingrímur Atlason Skoðun Skoðun Skoðun Ástþór Magnússon í spádómum? Gunnar Karl Halldórsson skrifar Skoðun Athugasemdir við grein um samgöngumál Þórarinn Hjaltason skrifar Skoðun Riðulaust Ísland! Bjarkey Olsen Gunnarsdóttir skrifar Skoðun „Fyrstur kemur fyrstur fær“: Börnum mismunað í aðgengi að sumarnámskeiðum á vegum Reykjavíkurborgar Foreldrar barna á starfsstöð í Vesturbæ Reykjavíkur skrifar Skoðun Siðferðileg heilindi Háskóla Íslands á tímum þjóðarmorðs Háskólafólk fyrir Palestínu skrifar Skoðun Stórhættulegir ágallar á örorkufrumvarpi ríkisstjórnarinnar Jóhann Páll Jóhannsson skrifar Skoðun Þrír dæmigerðir dagar skemmtiferðaskipafarþega í júlí Ingvar Örn Ingvarsson skrifar Skoðun Minnisleysi eða þekkingarskortur? Hjörtur J. Guðmundsson skrifar Skoðun Dáin og deyjandi dýr en engin neyð? Linda Karen Gunnarsdóttir skrifar Skoðun Dagur til umhugsunar Jón Steindór Valdimarsson skrifar Skoðun Að leysa vandann með quick fix Guðbrandur Einarsson skrifar Skoðun Var upplýsingagjöf í covidfaraldrinum upplýsingaóreiða? Steingrímur Atlason skrifar Skoðun Mikilvægi íþróttafélaga Lárus Sigurðsson skrifar Skoðun Sumargjafir Gunnar Ingi Björnsson skrifar Skoðun Þar sem er reykur þar er… Árni Guðmundsson skrifar Skoðun Betur má ef duga skal Kristinn Árni L. Hróbjartsson skrifar Skoðun Menningarlegur og sáttfús forseti Aldís Aðalbjarnardóttir skrifar Skoðun Leið að hraðari innviðauppbyggingu Sölvi Sturluson skrifar Skoðun Viltu bjarga heiminum? Samfélagsdrifnar loftslagslausnir Inga Rós Antoníusdóttir skrifar Skoðun Hugleiðingar í aðdraganda kosninga Þuríður Helga Kristjánsdóttir skrifar Skoðun Lýðskrum eða minnisleysi? Þorvaldur Þorvaldsson skrifar Skoðun Stuðningur við langtímakjarasamninga Sigurður Ingi Jóhannsson skrifar Skoðun Baldur er minn forseti Hjalti Vignisson skrifar Skoðun Vits er þörf þeim er víða ratar- um gagnsemi og glapræði gervigreindar Álfhildur Leifsdóttir,Hólmfríður Jennýjar Árnadóttir skrifar Skoðun Að læra nýtt tungumál og sýna þolinmæði Valerio Gargiulo skrifar Skoðun Það er mikill munur á þeim sem vanda sig og hinum sem vanda sig ekki Sigurður G. Guðjónsson skrifar Skoðun Það sem spurt var um - en svörin þunn og kom kannski ekki á óvart Sigurður Páll Jónsson skrifar Skoðun Að rækta garðinn sinn Eva Dögg Davíðsdóttir skrifar Skoðun Dánaraðstoð og siðareglur lækna Ingrid Kuhlman skrifar Skoðun Vörður á veginum framundan Davíð Þorláksson skrifar Sjá meira
Í hinsegin samfélaginu deilum við sameiginlegri sögu baráttu og sigurs, sem er vitnisburður um seiglu okkar gegn misskilningi og hatri. Það er mikilvægt að muna að fræ fordóma spíra oft innan innstu hringa áður en þau dreifa sér út á við. Það er ágætt að minna á að áður en Hitler hóf að ofsækja homma og lesbíur beindi hann ofsóknum sínum að trans fólki, sérstaklega þá einstaklinga sem var úthlutað karlkyni við fæðingu og skilgreindar sem konur. Nasistastjórnin leit á trans fólk sem ógn við „hreinleika“ aríska kynstofnsins og beitti lögum sínum gegn samkynhneigð til að ofsækja það. Sagan er að endurtaka sig í Bandaríkjunum. Því miður, í dag, stöndum við frammi fyrir ógnvænlegri þróun og bakslagi í heiminum - ógrynni af röngum upplýsingum og fordómum gagnvart trans fólki sem koma meðal annars innan úr samfélagi okkar. Þessi þróun er ekki aðeins niðurdrepandi heldur hættuleg. Skaðlegum staðalímyndum er viðhaldið, sundrungu er sáð og grafið undan þeirri samstöðu sem samfélag okkar hefur lagt svo hart að sér að byggja upp. Að horfa upp á suma einstaklinga innan hinsegin samfélagsins sá hatursfræjum um trans fólk sýnir ekkert nema foréttindahroka og yfirgang. Ég spyr mig oft, af hverju? Hver er tilgangurinn hjá þeim? Er þetta minnimáttarkennd? Fortíðarþráhyggja? Mótþróaröskun? Rembingur? Samsærisnötterar? Ég held að þetta er bara í nösunum á þeim. Þessir aðilar eru bókstaflega með þráhyggju fyrir trans fólki, þeir tala um að trans fólk sé að dreifa trans áróði, en raunveruleikinn er sá að þessir einstaklingar eru þeir sem sjálfir dreifa hvað mestum áróðri um trans fólk, það þarf ekki nema bara líta á uppfærslurnar frá þeim á samfélagsmiðlum. Þeir einstaklingar innan hinsegin samfélagsins sem styðja hægri öfga fólk sem talar gegn réttindum trans fólks og öðru hinsegin fólki, hafið þetta á bakvið eyrun; Þessu fólki er alveg sama um ykkur, og ykkar réttindi, þið eruð ekkert nema skíturinn undir skónum þeirra. Þið eruð næst. Rangar upplýsingar Dæmi um rangar upplýsingar um trans fólk er frásögnin um hormónameðferð fyrir trans börn sem hefur verið í dreifingu. Vísindaleg samstaða styður að kynbundin umönnun, þar með talið hormónameðferð, þegar læknir telur viðeigandi, geti verið lífsbjargandi meðferð fyrir trans börn. Meðferðin getur dregið verulega úr hættu á þunglyndi, kvíða og sjálfsvígum og er mæla helstu heilbrigðisstofnanir um allan heim með henni . Með því að dreifa röngum upplýsingum um þetta stofnum við lífi ungs fólks í hættu og ýtum undir andrúmsloft ótta og óvissu. Þessi klassíska mantra um ,,hvað með börnin?” er oft notuð af fólki sem er í raun alveg sama um börnin, þau nota hana til að réttlæta sitt eigið hatur. Við verðum líka að vera meðvituð um hvata þeirra utan samfélags okkar sem viðhalda þessum skaðlegu frásögnum. Hægri öfga íhaldsmenn sem vinna markvisst gegn réttindum trans fólks eru ekki bandamenn okkar! Endanlegt markmið þeirra er ekki velferð barnanna okkar, heldur sundrung, árás á jaðarsetta hópa, árás á allt sem þeir telja vera “öðruvísi” og árás á lýðræði. Þeim er slétt sama um börnin, ef þeim væri raunverulega annt um börnin væru þau ekki að þessum árásum á trans börn. Við skulum hafa það á hreinu að ef þeim tekst að svipta trans fólk mannréttindum sínum munu þau ekki hætta þar. Ráðagerðir þeirra ógna öllum meðlimum hinsegin samfélagsins, réttindum kvenna og reyndar öllum jaðarsettum og viðkvæmum hópum samfélagsins. Árás á eitt okkar er árás á okkur öll, ég fæ aldrei leið á þessari setningu. Bakslagið eykst með kjöri Trumps Bandaríkjaforseta árið 2016 Undir stjórn Trumps var gripið til aðgerða sem höfðu gífurlega slæm áhrif á hinsegin samfélagið. Aðgerðirnar fólu í sér afturköllun á titli IX vernd fyrir trans nemendur, breytingar á heilbrigðisreglum sem afléttu banni viðmismunun gagnvart hinseigin einstaklingum og bann við því að trans einstaklingar gangi í herinn. Trump tilnefndi einnig þrjá íhaldssama dómara í Hæstarétt Bandaríkjanna, sem hefur nú þegar haft alvarlegar afleiðingar, sem dæmi má nefna aðför að rétti kvenna til yfirráða yfir eigin líkama. Komum saman sem eitt Að vera hluti af hinseigin samfélaginu snýst um viðurkenningu, skilning og ást, ekki bara fyrir sum heldur öll. Þetta snýst um að viðurkenna og virða sjálfsmynd hvers annars, jafnvel þó að þær sjálfsmyndir séu ólíkar okkar eigin. Við verðum að viðurkenna að útbreiðsla rangra upplýsinga eða fordóma í garð trans bræðra okkar, systra og systkna er aðeins til þess fallið að veikja samfélag okkar í heild. Í mótlætinu höfum við alltaf staðið sterkari saman. Við skulum muna sögu okkar, lexíuna sem hún kenndi okkur og þær framfarir sem við höfum náð að berjast fyrir. Transfælni, hvort sem hún kemur utan frá eða innan okkar eigin raða, er áskorun sem við verðum að takast á við í sameiningu. Við þurfum að muna að hver stafur í LGBTQIA+ skiptir máli. Hver og einn þeirra táknar hóp fólks sem á skilið virðingu, skilning og viðurkenningu. Við skulum standa saman, styðja trans fjölskyldu okkar, og muna að barátta þeirra er barátta okkar líka. LGBTQIA+ samfélagið hefur vald til að sýnagott fordæmi í því að skapa heim sem viðurkennir fólk og sýnir meiri skilning. Notum það vald skynsamlega, hlúum að einingu, ekki sundrungu. Stöndum saman gegn transfælni, í dag og alla daga, þar til hvert og eitt okkar getur verið til opinskátt og ósvikið án ótta. Höfundur er í stjórn Ungra Pírata.
Skoðun „Fyrstur kemur fyrstur fær“: Börnum mismunað í aðgengi að sumarnámskeiðum á vegum Reykjavíkurborgar Foreldrar barna á starfsstöð í Vesturbæ Reykjavíkur skrifar
Skoðun Siðferðileg heilindi Háskóla Íslands á tímum þjóðarmorðs Háskólafólk fyrir Palestínu skrifar
Skoðun Stórhættulegir ágallar á örorkufrumvarpi ríkisstjórnarinnar Jóhann Páll Jóhannsson skrifar
Skoðun Vits er þörf þeim er víða ratar- um gagnsemi og glapræði gervigreindar Álfhildur Leifsdóttir,Hólmfríður Jennýjar Árnadóttir skrifar
Skoðun Það er mikill munur á þeim sem vanda sig og hinum sem vanda sig ekki Sigurður G. Guðjónsson skrifar
Skoðun Það sem spurt var um - en svörin þunn og kom kannski ekki á óvart Sigurður Páll Jónsson skrifar