Sigríður tekur við stjórnarformennsku hjá KLAK

Atli Ísleifsson skrifar 11. maí 2023 09:37

Sigríður Mogensen, sviðsstjóri iðnaðar- og hugverkasviðs Samtaka iðnaðarins, hefur tekið við stjórnarformennsku hjá KLAK - Icelandic Startups, en ný stjórn tók við störfum á aðalfundi félagsins í síðasta mánuði.

Í tilkynningu segir að Sigríður taki við af Soffíu Kristínu Þórðardóttur fyrrverandi product portfolio manager hjá Origo, sem nú stýri sprotafyrirtækinu PaxFlow.

„Soffía hefur verið stoð og stytta KLAK í gegnum öll verkefni sem lágu fyrir á síðastliðnu starfsári og inn á nýtt starfsár en nýr framkvæmdastjóri, Ásta Sóllilja Guðmundsdóttir, tók við störfum 1. mars á þessu ári.

Hrönn Greipsdóttir, frá Nýsköpunarsjóði atvinnulífsins var kjörin varaformaður og Dröfn Guðmundsdóttir, tilnefnd af Origo, var kjörin ný inn í stjórn.

Stjórnendur sem tilnefndir voru á aðalfundi KLAK- Icelandic Startups af eigendum:

Stjórnarformaður

Sigríður Mogensen, tilnefnd af Samtökum iðnaðarins.

Varaformaður

Hrönn Greipsdóttir, tilnefnd af Nýsköpunarsjóði atvinnulífsins.

Meðstjórnendur

Eyjólfur Ingi Ásgeirsson, tilnefndur af Háskóla Reykjavíkur.
Dröfn Guðmundsdóttir, tilnefnd af Origo.
Ólöf Vigdís Ragnarsdóttir, tilnefnd af Háskóla Íslands.

Vistaskipti Nýsköpun

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.