Birgir Hrafn mun leiða stafræna þróun hjá Digido

Atli Ísleifsson skrifar 8. maí 2023 07:18

Birgir Hrafn Birgisson hefur síðustu ár starfað sem framkvæmdastjóri Kaktus. Digido

Birgir Hrafn Birgisson hefur verið ráðinn sem sérfræðingur í gagnadrifinni markaðssetningu hjá Digido.

Í tilkynningu frá fyrirtækinu segir að hlutverk Birgis Hrafns verði að hjálpa fyrirtækjum að ná sem mestum árangri í gegnum veflausnir. Fyrirtækið stefni á sókn í stafrænum lausnum og mun Birgir Hrafn leiða þá vinnu. Hann muni meðal annars leiða vefþróun með það að markmiði að hjálpa íslenskum fyrirtækjum í stafrænni umbreytingu.

„Síðastliðinn áratug hefur Birgir leitt vef- og vöruþróunarverkefni með mörgum af stærstu fyrirtækjum og stofnunum landsins, sem hafa hlotið fjölda verðlauna og viðurkenninga. Birgir er einn stofnanda vefstofunnar Kaktus sem hefur undanfarin ár verið leiðandi fyrirtæki í gerð veflausna á Íslandi og starfaði þar sem framkvæmdastjóri. Þá hefur hann einnig setið í stjórn Samtaka Vefiðnaðarins (SVEF). Birgir er með B.Sc. gráðu í viðskiptafræði frá Háskóla Íslands og meistaragráðu í verkefnastjórnun frá Háskólanum í Reykjavík, MPM,“ segir í tilkynningunni.

Hjá Digido starfa fjórtán sérfræðingar á sviði markaðs- og auglýsingaráðgjafar með áherslu á gagnadrifna markaðssetningu.

Vistaskipti

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.