Viðskipti innlent

Davíð tekur við af Árna sem fram­kvæmda­stjóri Gildis

Bjarki Sigurðsson skrifar
Frá vinstri: Davíð Rúdólfsson, Árni Guðmundsson og Stefán Ólafsson.
Frá vinstri: Davíð Rúdólfsson, Árni Guðmundsson og Stefán Ólafsson. Gildi

Stjórn Gildis-lífeyrissjóðs hefur gengið frá ráðningu á nýjum framkvæmdastjóra sjóðsins. Mun það vera Davíð Rúdólfsson en hann hefur starfað hjá sjóðnum síðan árið 2008. 

Davíð tekur við um næstu áramót og mun þá Árni Guðmundsson láta af störfum eftir að hafa verið hjá sjóðnum síðastliðið 41 ár. Hann hefur verið framkvæmdastjóri síðan árið 2005.

„Ég óskaði eftir því við stjórn sjóðsins á dögunum að fá að láta af störfum eftir að hafa starfað í rúmlega 41 ár hjá sjóðnum. Mér finnst þetta réttur tímapunktur fyrir þessa breytingu, staða Gildis er sterk, starfsemin traust og ég get því gengið sáttur frá borði,“ er haft eftir Árna í tilkynningu. 

Davíð hefur gegnt stöðu forstöðumanns eignastýringar hjá Gildi síðan árið 2010 og hlutverki staðgengils framkvæmdastjóra síðan árið 2016. Fyrir það starfaði hann meðal annars hjá Íslandsbanka, Kaupþingi og Gnúpi fjárfestingafélagi. hann er með B.Sc.-gráðu í viðskiptafræði og hefur lokið prófi í verðbréfaviðskiptum. 

„Ég þakka traustið sem mér er sýnt af hálfu stjórnar. Ég þekki vel til sjóðsins og þess öfluga starfsfólks sem hjá honum starfar og hlakka til að taka að mér þetta nýja hlutverk,“ segir Davíð.

Vistaskipti Lífeyrissjóðir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið