Innlent

Gasmengun mælist nærri upp­tökum Múla­kvíslar í Kötlu­jökli

Atli Ísleifsson skrifar
Múlakvísl er jökulá á Suðurlandi með upptök í Mýrdalsjökli.
Múlakvísl er jökulá á Suðurlandi með upptök í Mýrdalsjökli. Vísir/Jóhann K.

Brennisteinsvetni mælist nú yfir heilsuverndarmörkum nærri upptökum Múlakvíslar í Kötlujökli.

Í athugasemd sérfræðings á vef Veðurstofunnar sem skrifuð er í nótt segir að rafleiðni í ánni sé ekki óvenju há en að búast má því að hún muni hækka. 

Sigríður Kristjánsdóttir, náttúruvársérfræðingur hjá Veðurstofunni, segir í samtali við fréttastofu að ekki hafi orðið miklar breytingar í nótt. Gildin séu áfram há.

„Rafleiðnin hefur hins vegar ekki hækkað en það gæti gerst seinna. Þetta er í raun ekki óvenjulegt og gerist öðru hverju. Þetta gæti verið merki um aukna jarðhitavirkni, en við munum áfram fylgjast með,“ segir Sigríður.

Vegna gasmengunarinnar er fólk á svæðinu beðið um að gæta varúðar nærri ánni og sérstaklega upptökum hennar.

Katla Almannavarnir Eldgos og jarðhræringar Mýrdalshreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið