Missti þrjá útlimi í lestarslysi en hyggst ganga á hæsta fjall Japans Margrét Björk Jónsdóttir skrifar 14. apríl 2023 07:11 Chihiro Yamada missti þrjá útlimi í kjölfar lestarslyss í Japan árið 2012. Hann var tvítugur að aldri og lífið breyttist á svipstundu. Vísir/Egill Ungur japanskur maður sem missti þrjá útlimi þegar hann varð fyrir lest í Japan er nú staddur hér á landi þar sem hann æfir fyrir göngu á hæsta fjall Japans. Hann lifir eftir þeirri hugmyndafræði að ekkert sé ómögulegt. Fyrir ellefu árum lenti Chihiro Yamada, þá tvítugur, í alvarlegu slysi sem átti eftir að breyta lífi hans á svipstundu. Hann varð fyrir lest þegar hann var á leið heim af vinnustaðaskemmtun. Chichiro slasaðist mjög alvarlega og var haldið sofandi í tíu daga eftir slysið. Þegar hann vaknaði varð hann fyrir gríðarlegu áfalli og líf hans breytt til frambúðar. „Ég tók eftir því að það vantaði á mig báða fæturnar og hægri hendina. Fyrstu vikuna var ég mjög neikvæður en fékk svo nýja sýn á lífið og varð að sætta mig við nýjan líkama," segir Chichiro. „Ég vildi vera jákvæður. Ég hafði heyrt að það væri hægt að læra að ganga með hjálp gerviútlima svo ég setti mér það markmið að ganga á ný." Segir engar takmarkanir í lífinu Chichiro náði því markmiði fljótt og lætur nú ekkert stoppa sig. Í dag starfar hann á skrifstofu flugfélagsins Japan Airlines. Þá heldur hann úti vinsælli Youtube rás þar sem hann sýnir frá daglega lífi sínu og þeim áskorunum sem hann tekst á við. Fylgjendur hans eru um 150.000. Chihiro er staddur á Íslandi við undirbúning leiðangursins enda notast hann við stoðtæki frá heilbrigðistæknifyrirtækinu Össuri. Vísir/Egill „Ég fæ oft skilaboð frá fólki sem hefur lent í slysi og misst útlim. Það fer að leita sér að upplýsingum á Youtube og rekst þar á rásina mína. Ég vill geta sýnt að það eru engar takmarkanir í lífinu,“ segir Chichiro og bendir á að það sem stendur á bolnum hans, „Life without limitations“, sé viðhorf sem hann lifi eftir. Ætlar að ganga á hæsta fjall Japans Í sumar hyggst Chichiro ganga á Mont Fuji, sem er hæsta fjall Japans. Hann gengur að lágmarki 10 kílómetra á dag til að undirbúa sig auk annarar líkamsræktar. Þá hefur hann þegar farið í nokkrar fjallgöngur. „Það er mikið af krökkum sem fæðast án útlima. Ég lenti í þessum aðstæðum og vill sýna að þó svo að þú sért ekki með fætur eða hendur þá geturðu gert allt sem þú vilt. Ég vill vera fyrirmynd.” Ég vildi fara beint á toppinn og hvetja aðra til að láta ekkert stoppa sig. Chichiro notast við stoðtæki frá heilbrigðistæknifyrirtækinu Össuri og er nú staddur hér á landi á vegum þeirra til að undirbúa sig fyrir gönguna á Mont Fuji. „Ég er búinn að vera hér í tvo daga,” segir Chichiro og lofsamar Ísland. „Loftið er svo hreint og vatnið geðveikt. Allir eru svo almenninlegir. Svo sá ég norðurljós. Við eigum þrjá til fjóra daga eftir hér.” Chihiro hefur það viðhorf til lífsins að ekkert sé ómögulegt Vísir/Egill Á morgun ætlar Chichiro að skella sér í fjallgöngu á Úlfarsfellið. „Ég þarf að lifa lífi þar sem ég treysti á gervifætur og er þakklátur fyrir að fólk gefi sér tíma til að hitta mig. Mér fannst magnað að hitta Svein Sölvason, forstjóra Össurar. Hann ætlar með okkur í fjallgönguna á morgun. Það eru ekki margir forstjórar stórra fyrirtækja sem myndu gefa sér tíma til þess." Segir það hrein forréttindi að fylgjast með einstaklingum eins og Chichiro elta sín markmið Össur hefur unnið með Chichiro í nokkur ár. Sveinn Sölvason, forstjóri fyrirtækisins segir hann gott dæmi um notenda og einstakling sem hefur jákvæð áhrif á aðra sem eiga við einhverskonar hreyfihömlun að stríða. „Að sjá hvað hugarfar og vilji til að elta sína drauma gerir, það er allt hægt. Þetta er mjög í línu við okkar markmið sem fyrirtæki, að lifa án takmarkana. Það eru hrein forréttindi að fylgjast með einstaklingum eins og Chichiro elta sín markmið. Það er gaman að sjá hann labba og gera þá hluti sem hann er að gera og eru alveg magnaðir.“ Chichiro notar núna svokallað „Power knee“ sem er ný vara hjá Össurri. „Við settum hana á markað á síðasta ári, nýja útgáfu sem er talsvert betri en sú fyrri og breytir miklu fyrir þá einstaklinga sem hafa lent í því að missa fót,“ segir Sveinn og útskýrir í nýju útgáfunni sé kominn vöðvakraftur í hnéið. „Ef við setjum okkur í þau spor að vera að ganga upp fjall aðeins með einn fót þá skiptir þetta ótrúlegu máli, að fá vöðvakraft. Við sjáum gríðarleg tækifæri í að fleiri notendur fái tækifæri til að nýta sér þetta.“ Sveinn Sölvason, forstjóri Össur ætlar að ganga á Úlfarsfellið á morgun með ChichiroVísir/Egill Sveinn segir eitt af stóru verkefnum fyrirtækisins vera að berjast fyrir því að fólk fái betri lausnir og betri tæki. Aðgengi að tækjunum fer eftir því hvernig endurgreiðslukerfin og heilbrigðiskerfin eru byggð upp í hverju landi fyrir sig. „Við erum að setja mikla orku og fjármuni í að berjast fyrir því að fólk fái betri lausnir. Þá er fólk hreyfanlegra og getur tekið betur þátt í lífinu. Það sést til dæmis á Chichiro hvað það breytir hans lífi að hafa aðgengi að góðum vörum,“ segir Sveinn Sölvason. Japan Össur Málefni fatlaðs fólks Fjallamennska Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Stillir viðtækið á alheimsdögunina Innlent „Massíf slysaslepping á vondu frumvarpi“ Innlent Beinagrindur og ástarsorg á Bessastöðum Innlent „Tjónið af þessum slóðaskap hleypur á fleiri milljörðum“ Innlent Verðhækkanir á döner-kebab eitt helsta áhyggjuefni Þjóðverja Erlent Faðir mannsins sem lést á Litla-Hrauni krefst umbóta Innlent Ísraelsmenn í aðgerðum í Rafah og taka yfir landamærastöðina Erlent Segja nýjar reglur um merkingar blekkingarleik laxeldisfyrirtækja Erlent Forsetavaktin 2024: Hver verður sjöundi forseti lýðveldisins? Innlent Ferðamannastaðir Færeyja lokaðir vegna viðhalds Erlent Fleiri fréttir Valtýr ráðinn yfirlæknir Ný stefna Samfylkingar í orkumálum konfekt í eyrum Jóns Vilja tryggja öryggi starfsfólks í vegavinnu „Massíf slysaslepping á vondu frumvarpi“ Stillir viðtækið á alheimsdögunina Þrír handteknir vegna vopnalagabrota og tveir vegna líkamsárásar Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sjá meira
Fyrir ellefu árum lenti Chihiro Yamada, þá tvítugur, í alvarlegu slysi sem átti eftir að breyta lífi hans á svipstundu. Hann varð fyrir lest þegar hann var á leið heim af vinnustaðaskemmtun. Chichiro slasaðist mjög alvarlega og var haldið sofandi í tíu daga eftir slysið. Þegar hann vaknaði varð hann fyrir gríðarlegu áfalli og líf hans breytt til frambúðar. „Ég tók eftir því að það vantaði á mig báða fæturnar og hægri hendina. Fyrstu vikuna var ég mjög neikvæður en fékk svo nýja sýn á lífið og varð að sætta mig við nýjan líkama," segir Chichiro. „Ég vildi vera jákvæður. Ég hafði heyrt að það væri hægt að læra að ganga með hjálp gerviútlima svo ég setti mér það markmið að ganga á ný." Segir engar takmarkanir í lífinu Chichiro náði því markmiði fljótt og lætur nú ekkert stoppa sig. Í dag starfar hann á skrifstofu flugfélagsins Japan Airlines. Þá heldur hann úti vinsælli Youtube rás þar sem hann sýnir frá daglega lífi sínu og þeim áskorunum sem hann tekst á við. Fylgjendur hans eru um 150.000. Chihiro er staddur á Íslandi við undirbúning leiðangursins enda notast hann við stoðtæki frá heilbrigðistæknifyrirtækinu Össuri. Vísir/Egill „Ég fæ oft skilaboð frá fólki sem hefur lent í slysi og misst útlim. Það fer að leita sér að upplýsingum á Youtube og rekst þar á rásina mína. Ég vill geta sýnt að það eru engar takmarkanir í lífinu,“ segir Chichiro og bendir á að það sem stendur á bolnum hans, „Life without limitations“, sé viðhorf sem hann lifi eftir. Ætlar að ganga á hæsta fjall Japans Í sumar hyggst Chichiro ganga á Mont Fuji, sem er hæsta fjall Japans. Hann gengur að lágmarki 10 kílómetra á dag til að undirbúa sig auk annarar líkamsræktar. Þá hefur hann þegar farið í nokkrar fjallgöngur. „Það er mikið af krökkum sem fæðast án útlima. Ég lenti í þessum aðstæðum og vill sýna að þó svo að þú sért ekki með fætur eða hendur þá geturðu gert allt sem þú vilt. Ég vill vera fyrirmynd.” Ég vildi fara beint á toppinn og hvetja aðra til að láta ekkert stoppa sig. Chichiro notast við stoðtæki frá heilbrigðistæknifyrirtækinu Össuri og er nú staddur hér á landi á vegum þeirra til að undirbúa sig fyrir gönguna á Mont Fuji. „Ég er búinn að vera hér í tvo daga,” segir Chichiro og lofsamar Ísland. „Loftið er svo hreint og vatnið geðveikt. Allir eru svo almenninlegir. Svo sá ég norðurljós. Við eigum þrjá til fjóra daga eftir hér.” Chihiro hefur það viðhorf til lífsins að ekkert sé ómögulegt Vísir/Egill Á morgun ætlar Chichiro að skella sér í fjallgöngu á Úlfarsfellið. „Ég þarf að lifa lífi þar sem ég treysti á gervifætur og er þakklátur fyrir að fólk gefi sér tíma til að hitta mig. Mér fannst magnað að hitta Svein Sölvason, forstjóra Össurar. Hann ætlar með okkur í fjallgönguna á morgun. Það eru ekki margir forstjórar stórra fyrirtækja sem myndu gefa sér tíma til þess." Segir það hrein forréttindi að fylgjast með einstaklingum eins og Chichiro elta sín markmið Össur hefur unnið með Chichiro í nokkur ár. Sveinn Sölvason, forstjóri fyrirtækisins segir hann gott dæmi um notenda og einstakling sem hefur jákvæð áhrif á aðra sem eiga við einhverskonar hreyfihömlun að stríða. „Að sjá hvað hugarfar og vilji til að elta sína drauma gerir, það er allt hægt. Þetta er mjög í línu við okkar markmið sem fyrirtæki, að lifa án takmarkana. Það eru hrein forréttindi að fylgjast með einstaklingum eins og Chichiro elta sín markmið. Það er gaman að sjá hann labba og gera þá hluti sem hann er að gera og eru alveg magnaðir.“ Chichiro notar núna svokallað „Power knee“ sem er ný vara hjá Össurri. „Við settum hana á markað á síðasta ári, nýja útgáfu sem er talsvert betri en sú fyrri og breytir miklu fyrir þá einstaklinga sem hafa lent í því að missa fót,“ segir Sveinn og útskýrir í nýju útgáfunni sé kominn vöðvakraftur í hnéið. „Ef við setjum okkur í þau spor að vera að ganga upp fjall aðeins með einn fót þá skiptir þetta ótrúlegu máli, að fá vöðvakraft. Við sjáum gríðarleg tækifæri í að fleiri notendur fái tækifæri til að nýta sér þetta.“ Sveinn Sölvason, forstjóri Össur ætlar að ganga á Úlfarsfellið á morgun með ChichiroVísir/Egill Sveinn segir eitt af stóru verkefnum fyrirtækisins vera að berjast fyrir því að fólk fái betri lausnir og betri tæki. Aðgengi að tækjunum fer eftir því hvernig endurgreiðslukerfin og heilbrigðiskerfin eru byggð upp í hverju landi fyrir sig. „Við erum að setja mikla orku og fjármuni í að berjast fyrir því að fólk fái betri lausnir. Þá er fólk hreyfanlegra og getur tekið betur þátt í lífinu. Það sést til dæmis á Chichiro hvað það breytir hans lífi að hafa aðgengi að góðum vörum,“ segir Sveinn Sölvason.
Japan Össur Málefni fatlaðs fólks Fjallamennska Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Stillir viðtækið á alheimsdögunina Innlent „Massíf slysaslepping á vondu frumvarpi“ Innlent Beinagrindur og ástarsorg á Bessastöðum Innlent „Tjónið af þessum slóðaskap hleypur á fleiri milljörðum“ Innlent Verðhækkanir á döner-kebab eitt helsta áhyggjuefni Þjóðverja Erlent Faðir mannsins sem lést á Litla-Hrauni krefst umbóta Innlent Ísraelsmenn í aðgerðum í Rafah og taka yfir landamærastöðina Erlent Segja nýjar reglur um merkingar blekkingarleik laxeldisfyrirtækja Erlent Forsetavaktin 2024: Hver verður sjöundi forseti lýðveldisins? Innlent Ferðamannastaðir Færeyja lokaðir vegna viðhalds Erlent Fleiri fréttir Valtýr ráðinn yfirlæknir Ný stefna Samfylkingar í orkumálum konfekt í eyrum Jóns Vilja tryggja öryggi starfsfólks í vegavinnu „Massíf slysaslepping á vondu frumvarpi“ Stillir viðtækið á alheimsdögunina Þrír handteknir vegna vopnalagabrota og tveir vegna líkamsárásar Beinagrindur og ástarsorg á Bessastöðum Alþjóðanemar neyðist til að vinna svart á Íslandi „Tjónið af þessum slóðaskap hleypur á fleiri milljörðum“ Stóra stundin að renna upp: Bjartsýn en með báða fætur á jörðinni Sanngirnisbótafrumvarpið sé blekking Faðir mannsins sem lést á Litla-Hrauni krefst umbóta Kveikt í papparusli í Glæsibæ Flugfélögin grípa til ráðstafana vegna verkfallsaðgerða Skjálfti fannst vel á höfuðborgarsvæðinu Ákall frá föður látins fanga og beinagrindur á Bessastöðum Kveðst ekki svindla á neinum með happdrætti sínu Örlætisgjörningur ríkislögreglustjóra til tals á þinginu Brynjar hefur ekki orðið var við neina skrímsladeild í Valhöll Framkvæmdir muni ekki hafa marktæk áhrif á daglega starfsemi Segja varkárni ávallt hafa verið Haraldi efst í huga Bjóða farþegum að breyta ferðum vegna mögulegs verkfalls Grunaður um að valda konunni áverkum sem leiddu hana til dauða Byrja að sekta vegna nagladekkja þrettánda maí Ósáttur með tal eftirlitsmannsins í kaupfélaginu en sektin stendur Nefndin aldrei heyrt aðrar eins frásagnir en lítið að gerast Á vesturleiðinni en ekki á hundrað og tíu Hægagangur í viðræðum við flugvallarstarfsmenn og styttist í aðgerðir Sanngirnisbætur, kjaraviðræður og andlát á Litla-Hrauni Hafi mögulega reynt að lenda á ísilögðu vatninu Sjá meira