Birna Rún Eiríksdóttir leikkona hlaut Edduna árið 2016 fyrir leik sinn í aukahlutverki í sjónvarpsþáttaröðinni Rétti 3.
Birna Rún Eiríksdóttir leikkona hefur gengið til liðs við Kvartz markaðs- og viðburðastofu sem hugmyndasmiður og verkefnastjóri TikTok teymis. Birna mun leiða þessa vinnu innan Kvartzen Birna er leikkona, leikstjóri og handritshöfundur og heldur hún úti vinsælum TikTok reikningi.
Birna Rún útskrifaðist frá Listaháskóla Íslands árið 2016 og hefur síðan þá leikið á sviði, í sjónvarpsþáttum og kvikmyndum.
„Það er mikill fengur að hafa fengið Birnu Rún til okkar í ört vaxandi teymi Kvartz og það eru ótrúlega spennandi tímar framundan,“ segir Lovísa, annar eigandi markaðsstofunnar.
Birna Rún mun leiða þjónustu er snýr að samfélagsmiðlinum TikTok hjá fyrirtækinu. Þjónustan felur meðal annars í sér hugmyndavinnu, framleiðslu á efni, birtingar og umsjón svo eitthvað sé nefnt.
„TikTok er sá samfélagsmiðill sem er að sækja á hvað mest og í ljósi þess hversu hratt miðillinn er að stækka er áberandi að sjá hversu mörg fyrirtæki eru að skoða þennan möguleika fyrir sínar vörur eða þjónustu, sem er frábært því mörg fyrirtæki hafa náð mjög góðum árangri á TikTok. Í dag er staðan þannig að mörgum langar en færri þora og það finnum við hjá okkar viðskiptavinum og þeim sem hafa leitað til okkar. Í dag getum við boðið fyrirtækjum upp á þessa sérhæfðu þjónustu og mun Birna Rún leiða það verkefni ásamt frábæru teymi,“ segir Lovísa.
Birna Rún, Lovísa Anna Pálmadóttir og Unnur Pálmadóttir mættu í Bítið í morgun og ræddu TikTok.
Leikkonan Birna Rún Eiríksdóttir og Ebenezer Þórarinn Einarsson, sérfræðingur í markaðssetningu hjá Digido gengu í það heilaga á föstudaginn. Birna greinir frá þessu í færslu á Facebook-síðu sinni og um leið ástæðunni fyrir því að hún valdi að giftast Ebba sínum.
Eins og Vísir greindi frá í gærkvöld þurfti að hætta sýningu á farsanum Sýningin sem klikkar í Borgarleikhúsinu í gærkvöldi.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
