Viðskipti innlent

Árni ráðinn fram­kvæmda­stjóri Olíu­dreifingar

Máni Snær Þorláksson skrifar
Árni Gunnarsson er nýr framkvæmdastjóri Olíudreifingar.
Árni Gunnarsson er nýr framkvæmdastjóri Olíudreifingar. Vísir/Aðsend

Árni Gunnarsson hefur verið ráðinn framkvæmdastjóri Olíudreifingar. Hann tekur við starfinu af Herði Gunnarssyni sem hefur gegnt því undanfarin tuttugu og tvö ár.

Síðustu þrjú ár hefur Árni verið framkvæmdastjóri Iceland Travel en þar áður var hann framkvæmdastjóri Flugfélags Íslands í fimmtán ár. Hann hefur auk þess setið í ýmsum stjórnum og ráðum, var meðal annars formaður Samtaka ferðaþjónustunnar og sat í stjórn ERA European Regional Airline Association. Hann er með meistaragráðu í rekstrarhagfræði frá Universität Augsburg, Þýskalandi.

„Það er mjög spennandi að koma inn í þetta vel rekna og mikilvæga innviðafyrirtæki sem náð hefur góðum árangri í að veita framúrskarandi þjónustu um allt land. Á sama tíma er gríðarlega áhugavert að fá að leiða fyrirtækið og skilgreina hlutverk þess í nýju umhverfi orkuskipta sem mun breyta landslaginu í atvinnugreininni á komandi árum, “ er haft efttir Árna í tilkynningu.

Már Sigurðsson, stjórnarformaður Olíudreifingar þakkar Herði fyrir störf sín í þágu félagsins og býður Árna velkominn til starfa. Hann segir Árna taka við starfinu á áhugaverðum tímum, nýir orkugjafar skapi félaginu ýmis tækifæri til vaxtar. 

„Verður það hlutverk nýs framkvæmdastjóra að leiða það umbreytingarferli sem er framundan,“ er haft eftir Má.

Bensín og olía Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið