Viðskipti innlent

Hringdu Kaup­hallar­bjöllunni fyrir jafn­rétti kynjanna

Atli Ísleifsson skrifar
Margrét Tryggvadóttir, forstjóri Nova, Ásta Sigríður Fledsted, forstjóri Festi, Birna Einarsdóttir, bankastjóri Íslandabanka og Tanya Zharov, aðstoðarforstjóri Alvotech.
Margrét Tryggvadóttir, forstjóri Nova, Ásta Sigríður Fledsted, forstjóri Festi, Birna Einarsdóttir, bankastjóri Íslandabanka og Tanya Zharov, aðstoðarforstjóri Alvotech. Vísir/Sigurjón

Kvenforstjórar félaga í Kauphöllinni hringdu í morgun bjöllu í húsnæði Kauphallarinnar fyrir jafnrétti kynjanna í tilefni af Alþjóðadegi kvenna sem haldinn er í dag.

Nasdaq Iceland (Kauphöllin), UN Women á Íslandi, Félag kvenna í atvinnulífinu (FKA) og Samtök atvinnulífsins tóku í sjötta sinn þátt í sameiginlegum viðburði á heimsvísu á meðal kauphalla í tilefni af deginum.

Í tilkynningu frá Kauphöllinni segir að þær Tanya Zharov, aðstoðarforstjóri Alvotech, hafi flutt erindi og var heiðursgestur ásamt kvenforstjórum í Kauphöllinni, þeim Ástu Sigríði Fjeldsted, forstjóra Festi, Birnu Einarsdóttur, forstjóra Íslandsbanka og Margréti Tryggvadóttur, forstjóra og skemmtanastjóra Nova. Þá segir að Guðný Helga Herbertsdóttir, forstjóri VÍS, hafi því miður verið fjarverandi vegna óviðráðanlegra aðstæðna.

Fram kemur að þema UN Women fyrir daginn í ár hafi verið „DigitALL: Innovation and technology for gender equality“ sem vísi til mikilvægis nýsköpunar, framþróunar í tækni og menntunar til að ná fram kynjajafnrétti og valdeflingu kvenna og stúlkna um allan heim.

Magnús Harðarson, forstjóri Kauphallarinnar, flutti ávarp í morgun. Vísir/Sigurjón

Vísir/Sigurjón

Tanya Zharov, aðstoðarforstjóri Alvotech.Vísir/Sigurjón
Jafnréttismál Kauphöllin


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið