Fyrirætlanir ESB setji stöðu Íslands í hættu Vésteinn Örn Pétursson skrifar 22. febrúar 2023 20:51 Bogi segir að ef reglurnar muni óbreyttar ná til Íslands muni tengiflug færast burt héðan. Ekki muni þó draga úr flugi í heiminum. Vísir/Vilhelm Fái Ísland ekki undanþágu frá fyrirhuguðum hertum aðgerðum Evrópusambandsins til að sporna við mengun vegna flugsamgangna gæti landið misst stöðu sína sem tengipunktur milli Evrópu og Ameríku, með slæmum afleiðingum fyrir hagkerfið. Þetta segir forstjóri Icelandair. Um er að ræða reglur sem eiga að taka gildi í upphafi næsta árs og eru liður af aðgerðaáætlun ESB til að draga úr kolefnislosun Evrópu um 55 prósent fyrir árið 2030. Með reglunum yrðu fríar losunarheimildir felldar niður og auknar kröfur gerðar um notkun sjálfbærs eldsneytis, líkt og Túristi fjallaði um í síðasta mánuði. Bogi Nils Bogason, forstjóri Icelandair, segir afar mikilvægt að Ísland fái undanþágu frá reglunum. „Það sem er að gerast í þessu, í stuttu og einföldu máli, er að þessar nýju reglur sem auka kostnað á flug eru að auka kostnað hlutfallslega mikið meira á flugfélög sem eru að fljúga í gegnum Ísland og tengja í gegnum Ísland á milli heimsálfa, heldur en önnur flugfélög sem tengja annars staðar í gegn eða fljúga beint yfir hafið. Íslenskt hagkerfi og ferðaþjónusta eiga mjög mikið undir þessu tengiflugi,“ sagði Bogi í viðtali við Reykjavík síðdegis á Bylgjunni í dag. Stórmál fyrir fleiri en Icelandair Ef reglunum verði beitt óbreyttum á Ísland muni flug í heiminum ekki minnka, en það muni hins vegar færast frá Íslandi. Það muni hafa í för með sér fækkun ferðamanna, sem sé neikvætt fyrir íslenskt hagkerfi. „Þessi tengiflug og þessi tengimiðstöð sem búið er að byggja upp á Íslandi til mjög margra ára er mikill grundvöllur íslenskrar ferðaþjónustu og mikil stoð í íslenska hagkerfinu.“ Þá myndu reglurnar í óbreyttri mynd fækka áfangastöðum Icelandair til muna, þar sem tengiflugið sé grundvöllur fyrir flugi til margra áfangastaða félagsins. „Það myndi fækka áfangastöðum til og frá Íslandi ef þetta yrði að veruleika og tíðni á þá staði sem yrðu eftir myndi minnka líka. Þannig að fyrir okkur Íslendinga yrði úrval flugs væntanlega talsvert minna, ef þetta verður að veruleika.“ Þá segir hann að þó undanþága myndi skipta Icelandair miklu, sé félagið aðeins lítið peð í málinu, sé litið á stóra samhengið. „Þetta er miklu meira mál fyrir íslenskt hagkerfi, íslenska ferðaþjónustu, íslenskt viðskiptalíf og bara lífskjör á Íslandi. Það sem verra er, er að ef þetta verður að veruleika þá hjálpar það umhverfinu ekki neitt, því að flugið fer bara eitthvað annað,“ sagði Bogi. Telur áhrifin ekki endilega góð Þá segir Bogi að reglurnar komi ekki endilega til með að hafa þau jákvæðu áhrif á umhverfið sem stefnt er að, fái Ísland ekki undanþágu. „Það er hagkvæmara fyrir umhverfið í mörgum tilfellum að fljúga í gegnum Ísland, heldur en að fljúga beint á stórum breiðþotum yfir hafið. Ef þetta verður að veruleika óbreytt þá verður það neikvætt fyrir umhverfið, en ekki jákvætt eins og ég held að tilgangurinn sé,“ sagði Bogi. Hann segist vita til þess að Katrín Jakobsdóttir hafi sent ráðamönnum í Evrópu bréf þar sem stöðu Íslands í málinu væri lýst. Stjórnvöld séu á fullu að vinna í málinu. „Ég veit ekki nákvæmlega hvernig tímalínan lítur út í þessu, en þetta er í farvegi þessar vikurnar.“ Viðtalið við Boga í heild sinni má heyra í spilaranum hér að ofan. Icelandair Fréttir af flugi Evrópusambandið Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það tók mig fimm mánuði að læra íslenskuna“ Atvinnulíf Fasteignamarkaðurinn hitnar en framkvæmdum fækkar Viðskipti innlent FÍB vill að Neytendastofa grípi til aðgerða vegna ófremdarástands í bílastæðamálum Neytendur Ritskoðaður bjór fær blessun ÁTVR Viðskipti innlent Guðbjörg orðin pítsudrottning Viðskipti innlent Eyjólfur vill halda formennsku áfram Viðskipti innlent Tekur við stöðu forstjóra Securitas Viðskipti innlent Villta vestrið í gjaldtöku bílastæða Neytendur Finnur þægilegu heimatilfinninguna þegar hann lendir í Keflavík Atvinnulíf Mamman ítrekað læst úti en fær engar skaðabætur Neytendur Fleiri fréttir Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Byggingaframkvæmdir óralangt frá settum markmiðum Taka við stjórnendastöðum hjá Advania Benedikt tekur við af Andrési hjá SVÞ Tveir stjórnarmenn og forstjóri lögðu til milljarð Loftleiðir með þrjár þotur í lúxusflugi fyrir ríka fólkið Viðræður vegna kaupa á Lyfju að hefjast Dómari þarf ekki að víkja vegna fjölskyldutengsla í máli feðga Skorti heildarmynd í Landsbankamálinu Innkalla kjúkling vegna gruns um salmonellu Markaðstorg með raforku spretta upp KEA nú stærsti hluthafinn í Norlandair Fjögurra stjörnu hótel opni við Skógarböðin Hákon nýr öryggisstjóri Arion Fyrrverandi forstjóri Bláfugls stýrir nýju sviði hjá Play Hafa tapað milljörðum vegna endurtekinna lokana Segir yfirlýsingu bankaráðsins „auma“ Bankasýslan hafi ekki gert athugasemdir við tilboð í TM Munu skoða að losna strax við TM Þriggja mínútna símtal uppfylli ekki skýran samning Öllu bankaráði Landsbankans skipt út Stefna Eimskip: Tjón Samskipa gæti hlaupið á milljörðum króna Sjá meira
Um er að ræða reglur sem eiga að taka gildi í upphafi næsta árs og eru liður af aðgerðaáætlun ESB til að draga úr kolefnislosun Evrópu um 55 prósent fyrir árið 2030. Með reglunum yrðu fríar losunarheimildir felldar niður og auknar kröfur gerðar um notkun sjálfbærs eldsneytis, líkt og Túristi fjallaði um í síðasta mánuði. Bogi Nils Bogason, forstjóri Icelandair, segir afar mikilvægt að Ísland fái undanþágu frá reglunum. „Það sem er að gerast í þessu, í stuttu og einföldu máli, er að þessar nýju reglur sem auka kostnað á flug eru að auka kostnað hlutfallslega mikið meira á flugfélög sem eru að fljúga í gegnum Ísland og tengja í gegnum Ísland á milli heimsálfa, heldur en önnur flugfélög sem tengja annars staðar í gegn eða fljúga beint yfir hafið. Íslenskt hagkerfi og ferðaþjónusta eiga mjög mikið undir þessu tengiflugi,“ sagði Bogi í viðtali við Reykjavík síðdegis á Bylgjunni í dag. Stórmál fyrir fleiri en Icelandair Ef reglunum verði beitt óbreyttum á Ísland muni flug í heiminum ekki minnka, en það muni hins vegar færast frá Íslandi. Það muni hafa í för með sér fækkun ferðamanna, sem sé neikvætt fyrir íslenskt hagkerfi. „Þessi tengiflug og þessi tengimiðstöð sem búið er að byggja upp á Íslandi til mjög margra ára er mikill grundvöllur íslenskrar ferðaþjónustu og mikil stoð í íslenska hagkerfinu.“ Þá myndu reglurnar í óbreyttri mynd fækka áfangastöðum Icelandair til muna, þar sem tengiflugið sé grundvöllur fyrir flugi til margra áfangastaða félagsins. „Það myndi fækka áfangastöðum til og frá Íslandi ef þetta yrði að veruleika og tíðni á þá staði sem yrðu eftir myndi minnka líka. Þannig að fyrir okkur Íslendinga yrði úrval flugs væntanlega talsvert minna, ef þetta verður að veruleika.“ Þá segir hann að þó undanþága myndi skipta Icelandair miklu, sé félagið aðeins lítið peð í málinu, sé litið á stóra samhengið. „Þetta er miklu meira mál fyrir íslenskt hagkerfi, íslenska ferðaþjónustu, íslenskt viðskiptalíf og bara lífskjör á Íslandi. Það sem verra er, er að ef þetta verður að veruleika þá hjálpar það umhverfinu ekki neitt, því að flugið fer bara eitthvað annað,“ sagði Bogi. Telur áhrifin ekki endilega góð Þá segir Bogi að reglurnar komi ekki endilega til með að hafa þau jákvæðu áhrif á umhverfið sem stefnt er að, fái Ísland ekki undanþágu. „Það er hagkvæmara fyrir umhverfið í mörgum tilfellum að fljúga í gegnum Ísland, heldur en að fljúga beint á stórum breiðþotum yfir hafið. Ef þetta verður að veruleika óbreytt þá verður það neikvætt fyrir umhverfið, en ekki jákvætt eins og ég held að tilgangurinn sé,“ sagði Bogi. Hann segist vita til þess að Katrín Jakobsdóttir hafi sent ráðamönnum í Evrópu bréf þar sem stöðu Íslands í málinu væri lýst. Stjórnvöld séu á fullu að vinna í málinu. „Ég veit ekki nákvæmlega hvernig tímalínan lítur út í þessu, en þetta er í farvegi þessar vikurnar.“ Viðtalið við Boga í heild sinni má heyra í spilaranum hér að ofan.
Icelandair Fréttir af flugi Evrópusambandið Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið „Það tók mig fimm mánuði að læra íslenskuna“ Atvinnulíf Fasteignamarkaðurinn hitnar en framkvæmdum fækkar Viðskipti innlent FÍB vill að Neytendastofa grípi til aðgerða vegna ófremdarástands í bílastæðamálum Neytendur Ritskoðaður bjór fær blessun ÁTVR Viðskipti innlent Guðbjörg orðin pítsudrottning Viðskipti innlent Eyjólfur vill halda formennsku áfram Viðskipti innlent Tekur við stöðu forstjóra Securitas Viðskipti innlent Villta vestrið í gjaldtöku bílastæða Neytendur Finnur þægilegu heimatilfinninguna þegar hann lendir í Keflavík Atvinnulíf Mamman ítrekað læst úti en fær engar skaðabætur Neytendur Fleiri fréttir Fasteignamarkaðurinn hitnar en framkvæmdum fækkar Eyjólfur vill halda formennsku áfram Tekur við stöðu forstjóra Securitas Bankaráðið sakar bankasýsluna um aðdróttanir Guðbjörg orðin pítsudrottning Ritskoðaður bjór fær blessun ÁTVR Annað markaðsleyfi í höfn í Bandaríkjunum Spánski verður Daisy Lilja leiðir nýja markaðs- og sjálfbærnideild Sýnar Byggingaframkvæmdir óralangt frá settum markmiðum Taka við stjórnendastöðum hjá Advania Benedikt tekur við af Andrési hjá SVÞ Tveir stjórnarmenn og forstjóri lögðu til milljarð Loftleiðir með þrjár þotur í lúxusflugi fyrir ríka fólkið Viðræður vegna kaupa á Lyfju að hefjast Dómari þarf ekki að víkja vegna fjölskyldutengsla í máli feðga Skorti heildarmynd í Landsbankamálinu Innkalla kjúkling vegna gruns um salmonellu Markaðstorg með raforku spretta upp KEA nú stærsti hluthafinn í Norlandair Fjögurra stjörnu hótel opni við Skógarböðin Hákon nýr öryggisstjóri Arion Fyrrverandi forstjóri Bláfugls stýrir nýju sviði hjá Play Hafa tapað milljörðum vegna endurtekinna lokana Segir yfirlýsingu bankaráðsins „auma“ Bankasýslan hafi ekki gert athugasemdir við tilboð í TM Munu skoða að losna strax við TM Þriggja mínútna símtal uppfylli ekki skýran samning Öllu bankaráði Landsbankans skipt út Stefna Eimskip: Tjón Samskipa gæti hlaupið á milljörðum króna Sjá meira