Fá um 190 þúsund vegna altjóns á ferðatösku af dýrari gerðinni Atli Ísleifsson skrifar 22. febrúar 2023 09:30 Kvartandi sagði að áður en taskan, sem var af gerðinni RIMOWA, hafi verið innritun hafi ekkert séð á henni. Hún hafi verið eins og ný fyrir utan nokkra límmiða. Vísir/Vilhelm/RIMOWA Icelandair hefur verið gert að greiða viðskiptavinum tæpar 190 þúsund krónur vegna tjóns sem varð á innritaðri ferðatösku af dýrari gerðinni á meðan hún var í vörslu flugfélagsins. Þetta kemur fram í ákvörðun Samgöngustofu sem hækkaði þar þá skaðabótaupphæð sem félagið hafði áður boðið viðskiptavinunum vegna tjónsins. Atvikið átti sér stað þegar viðskiptavinirnir flugu með vél Icelandair frá Chicago í Bandaríkjunum til Keflavíkur í lok maí síðastliðinn. Í ákvörðuninni kemur fram að viðskiptavinirnir hafi fyllt út sérstaka tjónaskýrslu við komuna til landsins og síðar skilað inn greiðslukvittun fyrir ferðatöskunni til Samgöngustofu og upplýsingar um hvað taska af sömu gerð kostar í dag. Taskan átti að endast mjög lengi Icelandair gekkst við því að ferðataskan hafi eyðilagst í þeirra vörslu og bauð viðskiptavinunum tæpar 143 þúsund krónur. Við ákvörðun upphæðar hafði verið gert ráð fyrir verðrýrnun upp á 10 prósent frá kaupárinu, það er 2019. Þetta sættu viðskiptavinirnir sig ekki við enda væri um að ræða tösku sem væri mjög dýr og sem ætti að endast til margra ára. Hafi hún verið keypt með það í huga að „þurfa aldrei að kaupa aðra tösku“. Þau leituðu þá til Samgöngustofu þar sem ágreiningurinn varðaði þá fjárhæð skaðabóta sem Icelandair taldi sér skylt að greiða þeim vegna altjóns á umræddri ferðatösku. „Svo sterk er þessi taska og ætti ekki að sjá á henni við eðlilega meðferð. Ekkert sá á þessari tösku og var hún eins og ný. Fyrir utan límmiða sem að maðurinn minn hefur sett á hana sem að eru þau lönd sem að hann hefur komið til og RIMOWA selur til að setja á þessar töskur fyrir þá sem að kjósa það. Það þarf virkilega illa meðferð og kæruleysi starfsmanna til að geta skemmt tösku úr járni eins og gerðist hjá starfsmönnum á vegum Icelandair,“ sagði í umsögn kvartenda. Taskan hafði verið keypt í október 2019, þá á 1.360 Bandaríkjadali, sem þá var 186 þúsund íslenskra króna. Frá alþjóðaflugvellinum í Chicago, þaðan sem fólkið var að fljúga þegar taskan eyðilagðist.Getty Fæst ekki hérlendis Ennfremur var tekið fram að umrædd gerð af tösku fengist ekki hérlendis og myndi hún kosta 260 til 270 þúsund krónur til Íslands komin, með sköttum. Að miða við 10 prósenta afföll myndi þýða 20 þúsund krónur eða svo á ári í umræddu tilviki og það slíkt ekki sanngjarnt. Sömuleiðis væri nauðsynlegt að taka tillit til hækkun gengis íslensku krónunnar. Icelandair svaraði því til að 10 prósenta reglan væri almenn, óháð gengisbreytingum, og vísaði félagið í eldri ákvörðun Samgöngustofu. Kvartandi sagði þá að sér þætti ósættanlegt að þurfa að leggja sjálf út á bilinu 100 til 150 þúsund krónur til að kaupa nýja tösku. „Í dag kostar þessi taska 1.750 [Bandaríkjadali] sem samsvarar 252.000 [íslenskra króna] fyrir utan skatt og fyrir utan flutning hingað heim.“ 10 prósenta reglan stendur Í ákvörðun Samgöngustofu kemur fram að ekki sé gerð athugasemd við þær forsendur sem Icelandair leggi til grundvallar við útreikning á afföllum á ferðatöskunni. Þær séu í fullu samræmi við framkvæmd íslenskra vátryggingafélaga við útreikning á við útreikning á afföllum. Samgöngustofa geri þó athugasemd við þá ákvörðun Icelandair að leggja til grundvallar ákvörðun á fjárhæð bóta vegna tjónsins, kaupverð ferðatöskunnar þann 10. október 2019. Fram kemur að kvartendur hafi lagt fram upplýsingar sem sýndu fram á að söluverð ferðatösku af sömu gerð í dag, á heimasíðu framleiðandans, væri 1.750 Bandaríkjadalir að viðbættum söluskatti, það er samtals 1.903,13 dalir. Icelandair hafi þar tekið mið af skráðu gengi Bandaríkjadals gagnvart íslensku krónunni á þeim degi sem kvartendur festu kaup á ferðatöskunni. Ljóst megi vera að þær skaðabætur sem Icelandair hafi boðið bæti ekki að fullu tjón kvartenda og að leggja skuli til grundvallar gengið á tjónsdeginum. Samkvæmt útreikningum Samgöngustofu, þar sem miðað er við tíu present afföll á ári og gengi á tjónsdegi, var tjónsupphæðin metin 188.329 krónur sem Icelandair var gert að greiða viðskiptavinunum. Fréttir af flugi Icelandair Ferðalög Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hæstiréttur sker úr um hvort taka hafi mátt bjór úr hillum Viðskipti innlent Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Farsímatekjur undir væntingum Viðskipti innlent Verðbólgan minnkar en vextirnir hækka Viðskipti innlent Sækjast eftir fangelsisdómi yfir rafmyntakóngi Viðskipti erlent Nú er hægt að elta góða veðrið um landið með kortavef Já.is Samstarf „Enda hefði hún hreinlega ekki nennt að þræta við mig endalaust“ Atvinnulíf Mikill samdráttur á hagnaði Tesla Viðskipti erlent Samþykkja helming umsókna um sölu eigna fyrir lok vikunnar Viðskipti innlent Fleiri fréttir Helmingur Íslendinga sáttur við falsanir og eftirlíkanir Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Kakóverð aldrei hærra og verðhækkanir á súkkulaði rétt að byrja Hvað er opið um páskana? Páskaeggin frá Nóa Síríus vinsælust Stjörnugrís sektaður fyrir íslenskan fána Súkkulaði frá Nóa hækkar mest á meðan Freyja lækkar Bónus, Extra og Heimkaup oftast með lægsta verðið á páskaeggjum Fyrirtæki sem skili milljarða hagnaði leiki nú lausum hala Fólk sæki bætur sjálft til að sleppa við „blóðuga“ þóknun Gapandi yfir gjörbreyttu frumvarpi og varar við því Breytingarnar séu stórhættulegar og á kostnað launafólks Dældu skemmdri díselolíu á bíla sína Vara eindregið við frumvarpi sem leiði til verðbólgu Undrast að það séu hreinlega ekki óeirðir á Íslandi Mál tengd Base Parking á borði Neytendasamtakanna í hverjum mánuði Landsbankinn lækkar vexti Heyrðu fyrst frá blaðamanni um dómsmálið og að þau hefðu tapað því Gerði ekki gott mót og dæmdur til að veita afslátt Hefja uppbyggingu náttúrubaða við upphaf Gullna hringsins Sjá meira
Þetta kemur fram í ákvörðun Samgöngustofu sem hækkaði þar þá skaðabótaupphæð sem félagið hafði áður boðið viðskiptavinunum vegna tjónsins. Atvikið átti sér stað þegar viðskiptavinirnir flugu með vél Icelandair frá Chicago í Bandaríkjunum til Keflavíkur í lok maí síðastliðinn. Í ákvörðuninni kemur fram að viðskiptavinirnir hafi fyllt út sérstaka tjónaskýrslu við komuna til landsins og síðar skilað inn greiðslukvittun fyrir ferðatöskunni til Samgöngustofu og upplýsingar um hvað taska af sömu gerð kostar í dag. Taskan átti að endast mjög lengi Icelandair gekkst við því að ferðataskan hafi eyðilagst í þeirra vörslu og bauð viðskiptavinunum tæpar 143 þúsund krónur. Við ákvörðun upphæðar hafði verið gert ráð fyrir verðrýrnun upp á 10 prósent frá kaupárinu, það er 2019. Þetta sættu viðskiptavinirnir sig ekki við enda væri um að ræða tösku sem væri mjög dýr og sem ætti að endast til margra ára. Hafi hún verið keypt með það í huga að „þurfa aldrei að kaupa aðra tösku“. Þau leituðu þá til Samgöngustofu þar sem ágreiningurinn varðaði þá fjárhæð skaðabóta sem Icelandair taldi sér skylt að greiða þeim vegna altjóns á umræddri ferðatösku. „Svo sterk er þessi taska og ætti ekki að sjá á henni við eðlilega meðferð. Ekkert sá á þessari tösku og var hún eins og ný. Fyrir utan límmiða sem að maðurinn minn hefur sett á hana sem að eru þau lönd sem að hann hefur komið til og RIMOWA selur til að setja á þessar töskur fyrir þá sem að kjósa það. Það þarf virkilega illa meðferð og kæruleysi starfsmanna til að geta skemmt tösku úr járni eins og gerðist hjá starfsmönnum á vegum Icelandair,“ sagði í umsögn kvartenda. Taskan hafði verið keypt í október 2019, þá á 1.360 Bandaríkjadali, sem þá var 186 þúsund íslenskra króna. Frá alþjóðaflugvellinum í Chicago, þaðan sem fólkið var að fljúga þegar taskan eyðilagðist.Getty Fæst ekki hérlendis Ennfremur var tekið fram að umrædd gerð af tösku fengist ekki hérlendis og myndi hún kosta 260 til 270 þúsund krónur til Íslands komin, með sköttum. Að miða við 10 prósenta afföll myndi þýða 20 þúsund krónur eða svo á ári í umræddu tilviki og það slíkt ekki sanngjarnt. Sömuleiðis væri nauðsynlegt að taka tillit til hækkun gengis íslensku krónunnar. Icelandair svaraði því til að 10 prósenta reglan væri almenn, óháð gengisbreytingum, og vísaði félagið í eldri ákvörðun Samgöngustofu. Kvartandi sagði þá að sér þætti ósættanlegt að þurfa að leggja sjálf út á bilinu 100 til 150 þúsund krónur til að kaupa nýja tösku. „Í dag kostar þessi taska 1.750 [Bandaríkjadali] sem samsvarar 252.000 [íslenskra króna] fyrir utan skatt og fyrir utan flutning hingað heim.“ 10 prósenta reglan stendur Í ákvörðun Samgöngustofu kemur fram að ekki sé gerð athugasemd við þær forsendur sem Icelandair leggi til grundvallar við útreikning á afföllum á ferðatöskunni. Þær séu í fullu samræmi við framkvæmd íslenskra vátryggingafélaga við útreikning á við útreikning á afföllum. Samgöngustofa geri þó athugasemd við þá ákvörðun Icelandair að leggja til grundvallar ákvörðun á fjárhæð bóta vegna tjónsins, kaupverð ferðatöskunnar þann 10. október 2019. Fram kemur að kvartendur hafi lagt fram upplýsingar sem sýndu fram á að söluverð ferðatösku af sömu gerð í dag, á heimasíðu framleiðandans, væri 1.750 Bandaríkjadalir að viðbættum söluskatti, það er samtals 1.903,13 dalir. Icelandair hafi þar tekið mið af skráðu gengi Bandaríkjadals gagnvart íslensku krónunni á þeim degi sem kvartendur festu kaup á ferðatöskunni. Ljóst megi vera að þær skaðabætur sem Icelandair hafi boðið bæti ekki að fullu tjón kvartenda og að leggja skuli til grundvallar gengið á tjónsdeginum. Samkvæmt útreikningum Samgöngustofu, þar sem miðað er við tíu present afföll á ári og gengi á tjónsdegi, var tjónsupphæðin metin 188.329 krónur sem Icelandair var gert að greiða viðskiptavinunum.
Fréttir af flugi Icelandair Ferðalög Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Hæstiréttur sker úr um hvort taka hafi mátt bjór úr hillum Viðskipti innlent Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Farsímatekjur undir væntingum Viðskipti innlent Verðbólgan minnkar en vextirnir hækka Viðskipti innlent Sækjast eftir fangelsisdómi yfir rafmyntakóngi Viðskipti erlent Nú er hægt að elta góða veðrið um landið með kortavef Já.is Samstarf „Enda hefði hún hreinlega ekki nennt að þræta við mig endalaust“ Atvinnulíf Mikill samdráttur á hagnaði Tesla Viðskipti erlent Samþykkja helming umsókna um sölu eigna fyrir lok vikunnar Viðskipti innlent Fleiri fréttir Helmingur Íslendinga sáttur við falsanir og eftirlíkanir Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Kakóverð aldrei hærra og verðhækkanir á súkkulaði rétt að byrja Hvað er opið um páskana? Páskaeggin frá Nóa Síríus vinsælust Stjörnugrís sektaður fyrir íslenskan fána Súkkulaði frá Nóa hækkar mest á meðan Freyja lækkar Bónus, Extra og Heimkaup oftast með lægsta verðið á páskaeggjum Fyrirtæki sem skili milljarða hagnaði leiki nú lausum hala Fólk sæki bætur sjálft til að sleppa við „blóðuga“ þóknun Gapandi yfir gjörbreyttu frumvarpi og varar við því Breytingarnar séu stórhættulegar og á kostnað launafólks Dældu skemmdri díselolíu á bíla sína Vara eindregið við frumvarpi sem leiði til verðbólgu Undrast að það séu hreinlega ekki óeirðir á Íslandi Mál tengd Base Parking á borði Neytendasamtakanna í hverjum mánuði Landsbankinn lækkar vexti Heyrðu fyrst frá blaðamanni um dómsmálið og að þau hefðu tapað því Gerði ekki gott mót og dæmdur til að veita afslátt Hefja uppbyggingu náttúrubaða við upphaf Gullna hringsins Sjá meira