Viðskipti innlent

Ás­gerður tekur sæti Gylfa í peninga­stefnu­nefnd Seðla­bankans

Atli Ísleifsson skrifar
Ásgerður Pétursdóttir.
Ásgerður Pétursdóttir. Stjr

Katrín Jakobsdóttir forsætisráðherra hefur skipað Ásgerði Pétursdóttur, lektor í hagfræði við Háskólann í Bath á Englandi, í peningastefnunefnd Seðlabanka Íslands frá 21. febrúar næstomandi. Ásgerður er skipuð til næstu fimm ára. Hún tekur við sæti Gylfa Zoëga sem setið hefur í peningastefnunefnd frá árinu 2009 en hann hefur setið hámarksskipunartíma í nefndinni.

Í tilkynningu á vef stjórnarráðsins segir að Ásgerður sé með doktorspróf í hagfræði frá University of New South Wales í Sydney, Ástralíu og hafi lokið meistaraprófi í hagfræði frá sama háskóla. 

„Hún hefur unnið á hagfræðisviði Seðlabanka Íslands og stundað rannsóknir við rannsóknardeild Seðlabankans í Svíþjóð. Rannsóknir og kennsla Ásgerðar eru á sviði peningahagfræði. Hún hefur þróað og unnið með líkön til að greina hagfræðileg úrlausnarefni er varða m.a. fjármálamarkaði, rafræna seðlabankamynt og framkvæmd peningastefnu. Ásgerður hefur haldið fjölda fyrirlestra um rannsóknir sínar við seðlabanka og aðra stofnanir víða um heim.

Um peningastefnunefnd

Peningastefnunefnd tekur ákvarðanir um beitingu stjórntækja Seðlabankans í peningamálum. Stjórntæki bankans í þessu sambandi eru vextir bankans, viðskipti við lánastofnanir og önnur þrautavaralán, ákvarðanir um bindiskyldu og viðskipti á gjaldeyrismarkaði sem hafa það markmið að hafa áhrif á gengi krónunnar,“ segir í tilkynningunni. 

Seðlabankinn Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið