Viðskipti innlent

Fljúga til Feneyja í sumar

Máni Snær Þorláksson skrifar
Play mun fjúga til Feneyja í sumar.
Play mun fjúga til Feneyja í sumar. Vísir/Vilhelm

Flugfélagið Play mun fljúga til Feneyja á Ítalíu í sumar. Fyrsta flugið verður þann 29. júní og mun félagið fljúga til borgarinnar út september.

Þetta kemur fram í fréttatilkynningu frá flugfélaginu. Ákvörðunin um að fljúga til Feneyja kom í kjölfar mikilla vinsælda á annarri ítalskri borg, Bologna, um sumarið í fyrra.

„Þessar miklar vinsældir urðu til þess að Play mun bjóða upp á Bologna í leiðakerfi sínu í sumar og bæta þar að auki við sig einni vinsælustu borg Ítalíu, Fenyjum,“ segir í tilkynningunni frá flugfélaginu.

Birgir Jónsson, forstjóri Play, segir virkilega ánægjulegt að flugfélagið sé að stækka við sig á Ítalíu. 

„Þetta land nýtur svo mikilla vinsælda meðal Íslendinga og þess vegna finnst okkur mikilvægt að auka framboðið til Ítalíu og þar með samkeppnina sem verður alltaf til þess að flugmiða verðið lækkar, neytendum til hagsbóta,“ er haft eftir Birgi í tilkynningunni.

Play Fréttir af flugi Ítalía Ferðalög


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið