„Þetta er vítahringur sem maður óttast að sé hafinn“ Máni Snær Þorláksson skrifar 8. febrúar 2023 16:10 Kristján Þórður Snæbjarnarson, forseti ASÍ. vísir/egill Forseti ASÍ óttast að vítahringur vaxtahækkana sé hafinn. Miðstjórn sambandsins hafnar því að skýringuna á hárri verðbólgu sé að finna í kjarasamningum á almenna vinnumarkaðnum. „Við þurfum svolítið að horfa og meta stöðuna heildstætt núna. Með þessum hækkunum á stýrivöxtunum er auðvitað álag á heimilin að aukast verulega,“ segir Kristján Þórður Snæbjarnarson, forseti Alþýðusambands Íslands, í samtali við fréttastofu. Hann segir að mikil útgjaldaaukning verði hjá heimilum landsins við þessa hækkun. „Einstök heimili geta verið að auka útgjöld sín alveg í tugum þúsunda á mánuði.“ Ríkisstjórnin gangrýnd Í ályktun miðstjórnar ASÍ er ríkisstjórnin gagnrýnd fyrir aðgerðir, eða öllu heldur skort á þeim, þegar kemur að því að minnka verðbólguna. „Aðgerðarleysi ríkisstjórnar Katrínar Jakobsdóttur gengur þvert á viðtekin viðbrögð í nágrannalöndum þar sem ráðamenn beita tækjum ríkisvaldsins til að lina áhrif afkomukreppunnar og vinna skipulega að því að hemja verðbólgu. Í þeirri staðreynd birtist forgangsröðun ríkisstjórnarinnar og sinnuleysi gagnvart afkomu fólksins í landinu,“ segir í ályktuninni. Miðstjórn ASÍ hefur boðað til formannafundar til að ræða viðbrögð og aðgerðir við hækkuninni. Aðspurður út í viðbrögðin segir Kristján: „Það sem við munum auðvitað vilja horfa á er hvernig stuðningurinn er til fólksins, hvað eru stjórnvöld að gera til að létta undir með heimilunum? Hver er stuðningurinn í formi vaxtabóta, húsnæðisbóta eða stuðning vegna leigumarkaðar og þar fram eftir götunum? Þetta há verðbólga er að hafa svo neikvæð áhrif á stöðu heimilanna að það er nauðsynlegt að taka umræðu um þetta og meta hvað sé hægt að gera í kjölfarið.“ Áhyggjur af föstum vöxtum sem eru að losna Áhyggjur hafa verið um þau fjölmörgu lán sem eiga eftir að missa fasta vexti á komandi mánuðum. Kristján bendir á að gjöld þeirra lána eiga eftir að stóraukast. „Þeir sem festu vextina, það er einhver stór hópur að losna með vexti á þessu ári. Eins og staðan er núna má sá hópur búast við því að vaxtakjörin tvöfaldist, að greiðslur muni tvöfaldast á einu bretti við það,“ segir hann. „Þetta er það sem við óttuðumst allverulega. Að þegar þetta raungerist að þá verða vandamálin annars vegar miklu stærri eða þá mun fólk neyðast til að fara út í verðtryggð lán, sem eru náttúrulega með lægri greiðslubyrði en verðbólgan leggst á höfuðstólinn og það er rosalega dýrt fyrir fólk. Á sama tíma og það gerist þá hætta auðvitað stýrivextir að virka á markaðinn.“ Óttast að vítahringur sé hafinn Kristján segir að um vítahring sé að ræða. „Vítahringurinn er sá að það er verið að hækka stýrivexti vegna hárrar verðbólgu. Síðan er verðbólgan ennþá há, við sjáum engin áhrif af hækkun stýrivaxta, að það sé að draga úr verðbólgu,“ segir hann. „Síðan er haldið áfram að hækka stýrivextina. Það mun ýta undir annars vegar að verðbólga haldi áfram að aukast eða haldist stöðug svona há. Síðan er hinn vinkillinn að þegar vextir eru fastir eða verðtryggðir að þá hafa stýrivextir mjög takmörkuð áhrif á markaðinn eins og Seðlabankinn vill að gerist. Hann vill að með hækkun stýrivaxta að heimili og fyrirtæki landsins dragi saman seglin, hætti að eyða. Það er það sem verið er að tala um en með því að vera í öðru fyrirkomulagi, ef að stýrivextir hafa ekki áhrif á heimilin þá þurfa þeir bara að hækka ennþá meira til að reyna að hafa einhver sambærileg áhrif og eins og ef fólk væri með breytilega óverðtryggða vexti. Þetta er vítahringur sem maður óttast að sé hafinn, að við séum komin þangað.“ Blæs á að verðbólgan sé kjarasamningunum að kenna Miðstjórnin er ekki hrifin af því að kjarasamningum er kennt um verðbólguna. „Við auðvitað erum verulega ósátt við það sé verið að skella skömminni og skuldinni á kjarasamninga og launafólk á markaði. Það er auðvitað verulega fjarri lagi að svo sé,“ segir Kristján. Seðlabankinn þurfi að líta sér nær, að stórum hluta megi rekja verðbólguna til „heimatilbúinnar fasteignabólu“ og verðhækkana í heiminum. „Þannig við blásum á það, að það séu kjarasamningarnir sem hafa valdið þessari stöðu.“ Hér fyrir neðan má sjá ályktun miðstjórnar ASÍ í heild sinni: Stýrivaxtahækkun í boði ríkisstjórnarinnar Miðstjórn Alþýðusambands Íslands gagnrýnir harðlega stýrivaxtahækkun Seðlabankans sem tilkynnt var í morgun. Meginvextir bankans eru nú 6,5% og hafa ekki verið hærri í þrettán ár. Hækkunin kemur í kjölfar vaxandi verðbólgu en hækkun vísitölunnar í janúar mátti fyrst og fremst rekja til ákvarðana ríkisstjórnarinnar. Miðstjórn ASÍ mun boða til formannafundar til að ræða viðbrögð og aðgerðir. Verðbólga mælist 9,9%. Miðstjórn hafnar því að skýringuna sé að finna í kjarasamningum á almenna vinnumarkaðinum. Aðilar vinnumarkaðarins voru sammála um að samningarnir myndu ekki ýta undir verðbólgu. Seðlabankinn verður að líta sér nær, að stórum hluta má rekja verðbólguna til heimatilbúinnar fasteignabólu og alþjóðlegra verðhækkana. Miðstjórn Alþýðusambandsins hefur áður vakið á því athygli að hér eru ekki að verki óumbreytanleg lögmál. Ríkisstjórn Íslands ákvað með samþykki þeirra þriggja stjórnmálaflokka sem að henni standa að blása í glæður verðbólgu með hækkunum á ýmsum sköttum og gjöldum. Nú blasa afleiðingar þeirra fráleitu ákvörðunar við almenningi. Vextir hækka, húsnæðislánin og húsaleiga verða enn þyngri í vöfum og kjörin verri en áður. Allt eru þetta mannanna verk og líkt og jafnan koma slíkar aðgerðir verst niður á þeim sem búa við erfiðustu afkomuna. Aðgerðarleysi ríkisstjórnar Katrínar Jakobsdóttur gengur þvert á viðtekin viðbrögð í nágrannalöndum þar sem ráðamenn beita tækjum ríkisvaldsins til að lina áhrif afkomukreppunnar og vinna skipulega að því að hemja verðbólgu. Í þeirri staðreynd birtist forgangsröðun ríkisstjórnarinnar og sinnuleysi gagnvart afkomu fólksins í landinu. Seðlabankinn Kjaraviðræður 2022-23 Verðlag ASÍ Fjármál heimilisins Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Skipstjórinn gistir fangageymslur ásamt stýrimanni Innlent Kviknaði í bensínbíl í akstri á Dalbraut Innlent „Við erum ekki hlutlaus þjóð“ Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Sjá meira
„Við þurfum svolítið að horfa og meta stöðuna heildstætt núna. Með þessum hækkunum á stýrivöxtunum er auðvitað álag á heimilin að aukast verulega,“ segir Kristján Þórður Snæbjarnarson, forseti Alþýðusambands Íslands, í samtali við fréttastofu. Hann segir að mikil útgjaldaaukning verði hjá heimilum landsins við þessa hækkun. „Einstök heimili geta verið að auka útgjöld sín alveg í tugum þúsunda á mánuði.“ Ríkisstjórnin gangrýnd Í ályktun miðstjórnar ASÍ er ríkisstjórnin gagnrýnd fyrir aðgerðir, eða öllu heldur skort á þeim, þegar kemur að því að minnka verðbólguna. „Aðgerðarleysi ríkisstjórnar Katrínar Jakobsdóttur gengur þvert á viðtekin viðbrögð í nágrannalöndum þar sem ráðamenn beita tækjum ríkisvaldsins til að lina áhrif afkomukreppunnar og vinna skipulega að því að hemja verðbólgu. Í þeirri staðreynd birtist forgangsröðun ríkisstjórnarinnar og sinnuleysi gagnvart afkomu fólksins í landinu,“ segir í ályktuninni. Miðstjórn ASÍ hefur boðað til formannafundar til að ræða viðbrögð og aðgerðir við hækkuninni. Aðspurður út í viðbrögðin segir Kristján: „Það sem við munum auðvitað vilja horfa á er hvernig stuðningurinn er til fólksins, hvað eru stjórnvöld að gera til að létta undir með heimilunum? Hver er stuðningurinn í formi vaxtabóta, húsnæðisbóta eða stuðning vegna leigumarkaðar og þar fram eftir götunum? Þetta há verðbólga er að hafa svo neikvæð áhrif á stöðu heimilanna að það er nauðsynlegt að taka umræðu um þetta og meta hvað sé hægt að gera í kjölfarið.“ Áhyggjur af föstum vöxtum sem eru að losna Áhyggjur hafa verið um þau fjölmörgu lán sem eiga eftir að missa fasta vexti á komandi mánuðum. Kristján bendir á að gjöld þeirra lána eiga eftir að stóraukast. „Þeir sem festu vextina, það er einhver stór hópur að losna með vexti á þessu ári. Eins og staðan er núna má sá hópur búast við því að vaxtakjörin tvöfaldist, að greiðslur muni tvöfaldast á einu bretti við það,“ segir hann. „Þetta er það sem við óttuðumst allverulega. Að þegar þetta raungerist að þá verða vandamálin annars vegar miklu stærri eða þá mun fólk neyðast til að fara út í verðtryggð lán, sem eru náttúrulega með lægri greiðslubyrði en verðbólgan leggst á höfuðstólinn og það er rosalega dýrt fyrir fólk. Á sama tíma og það gerist þá hætta auðvitað stýrivextir að virka á markaðinn.“ Óttast að vítahringur sé hafinn Kristján segir að um vítahring sé að ræða. „Vítahringurinn er sá að það er verið að hækka stýrivexti vegna hárrar verðbólgu. Síðan er verðbólgan ennþá há, við sjáum engin áhrif af hækkun stýrivaxta, að það sé að draga úr verðbólgu,“ segir hann. „Síðan er haldið áfram að hækka stýrivextina. Það mun ýta undir annars vegar að verðbólga haldi áfram að aukast eða haldist stöðug svona há. Síðan er hinn vinkillinn að þegar vextir eru fastir eða verðtryggðir að þá hafa stýrivextir mjög takmörkuð áhrif á markaðinn eins og Seðlabankinn vill að gerist. Hann vill að með hækkun stýrivaxta að heimili og fyrirtæki landsins dragi saman seglin, hætti að eyða. Það er það sem verið er að tala um en með því að vera í öðru fyrirkomulagi, ef að stýrivextir hafa ekki áhrif á heimilin þá þurfa þeir bara að hækka ennþá meira til að reyna að hafa einhver sambærileg áhrif og eins og ef fólk væri með breytilega óverðtryggða vexti. Þetta er vítahringur sem maður óttast að sé hafinn, að við séum komin þangað.“ Blæs á að verðbólgan sé kjarasamningunum að kenna Miðstjórnin er ekki hrifin af því að kjarasamningum er kennt um verðbólguna. „Við auðvitað erum verulega ósátt við það sé verið að skella skömminni og skuldinni á kjarasamninga og launafólk á markaði. Það er auðvitað verulega fjarri lagi að svo sé,“ segir Kristján. Seðlabankinn þurfi að líta sér nær, að stórum hluta megi rekja verðbólguna til „heimatilbúinnar fasteignabólu“ og verðhækkana í heiminum. „Þannig við blásum á það, að það séu kjarasamningarnir sem hafa valdið þessari stöðu.“ Hér fyrir neðan má sjá ályktun miðstjórnar ASÍ í heild sinni: Stýrivaxtahækkun í boði ríkisstjórnarinnar Miðstjórn Alþýðusambands Íslands gagnrýnir harðlega stýrivaxtahækkun Seðlabankans sem tilkynnt var í morgun. Meginvextir bankans eru nú 6,5% og hafa ekki verið hærri í þrettán ár. Hækkunin kemur í kjölfar vaxandi verðbólgu en hækkun vísitölunnar í janúar mátti fyrst og fremst rekja til ákvarðana ríkisstjórnarinnar. Miðstjórn ASÍ mun boða til formannafundar til að ræða viðbrögð og aðgerðir. Verðbólga mælist 9,9%. Miðstjórn hafnar því að skýringuna sé að finna í kjarasamningum á almenna vinnumarkaðinum. Aðilar vinnumarkaðarins voru sammála um að samningarnir myndu ekki ýta undir verðbólgu. Seðlabankinn verður að líta sér nær, að stórum hluta má rekja verðbólguna til heimatilbúinnar fasteignabólu og alþjóðlegra verðhækkana. Miðstjórn Alþýðusambandsins hefur áður vakið á því athygli að hér eru ekki að verki óumbreytanleg lögmál. Ríkisstjórn Íslands ákvað með samþykki þeirra þriggja stjórnmálaflokka sem að henni standa að blása í glæður verðbólgu með hækkunum á ýmsum sköttum og gjöldum. Nú blasa afleiðingar þeirra fráleitu ákvörðunar við almenningi. Vextir hækka, húsnæðislánin og húsaleiga verða enn þyngri í vöfum og kjörin verri en áður. Allt eru þetta mannanna verk og líkt og jafnan koma slíkar aðgerðir verst niður á þeim sem búa við erfiðustu afkomuna. Aðgerðarleysi ríkisstjórnar Katrínar Jakobsdóttur gengur þvert á viðtekin viðbrögð í nágrannalöndum þar sem ráðamenn beita tækjum ríkisvaldsins til að lina áhrif afkomukreppunnar og vinna skipulega að því að hemja verðbólgu. Í þeirri staðreynd birtist forgangsröðun ríkisstjórnarinnar og sinnuleysi gagnvart afkomu fólksins í landinu.
Stýrivaxtahækkun í boði ríkisstjórnarinnar Miðstjórn Alþýðusambands Íslands gagnrýnir harðlega stýrivaxtahækkun Seðlabankans sem tilkynnt var í morgun. Meginvextir bankans eru nú 6,5% og hafa ekki verið hærri í þrettán ár. Hækkunin kemur í kjölfar vaxandi verðbólgu en hækkun vísitölunnar í janúar mátti fyrst og fremst rekja til ákvarðana ríkisstjórnarinnar. Miðstjórn ASÍ mun boða til formannafundar til að ræða viðbrögð og aðgerðir. Verðbólga mælist 9,9%. Miðstjórn hafnar því að skýringuna sé að finna í kjarasamningum á almenna vinnumarkaðinum. Aðilar vinnumarkaðarins voru sammála um að samningarnir myndu ekki ýta undir verðbólgu. Seðlabankinn verður að líta sér nær, að stórum hluta má rekja verðbólguna til heimatilbúinnar fasteignabólu og alþjóðlegra verðhækkana. Miðstjórn Alþýðusambandsins hefur áður vakið á því athygli að hér eru ekki að verki óumbreytanleg lögmál. Ríkisstjórn Íslands ákvað með samþykki þeirra þriggja stjórnmálaflokka sem að henni standa að blása í glæður verðbólgu með hækkunum á ýmsum sköttum og gjöldum. Nú blasa afleiðingar þeirra fráleitu ákvörðunar við almenningi. Vextir hækka, húsnæðislánin og húsaleiga verða enn þyngri í vöfum og kjörin verri en áður. Allt eru þetta mannanna verk og líkt og jafnan koma slíkar aðgerðir verst niður á þeim sem búa við erfiðustu afkomuna. Aðgerðarleysi ríkisstjórnar Katrínar Jakobsdóttur gengur þvert á viðtekin viðbrögð í nágrannalöndum þar sem ráðamenn beita tækjum ríkisvaldsins til að lina áhrif afkomukreppunnar og vinna skipulega að því að hemja verðbólgu. Í þeirri staðreynd birtist forgangsröðun ríkisstjórnarinnar og sinnuleysi gagnvart afkomu fólksins í landinu.
Seðlabankinn Kjaraviðræður 2022-23 Verðlag ASÍ Fjármál heimilisins Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Staldraði við þegar talað var um fóstur sem frumuklasa Innlent Einhver í herberginu segi ekki satt Innlent Svona voru kappræður sex efstu í baráttunni um Bessastaði Innlent Katrín tekur forystuna á ný og Halla T í sókn Innlent Skipstjórinn gistir fangageymslur ásamt stýrimanni Innlent Kviknaði í bensínbíl í akstri á Dalbraut Innlent „Við erum ekki hlutlaus þjóð“ Innlent Óvinnufær eftir harkalegt fall þegar strappur slitnaði Innlent Skipstjórinn og tveir stýrimenn handteknir vegna sjóslyssins Innlent Fólk muni ekki borga 200 þúsund fyrir „heimili sem það notar sem sumarbústað“ Innlent Fleiri fréttir Staldraði við þegar talað var um fóstur sem frumuklasa Skipstjórinn gistir fangageymslur ásamt stýrimanni Kviknaði í bensínbíl í akstri á Dalbraut Einhver í herberginu segi ekki satt „Við erum ekki hlutlaus þjóð“ Katrín tekur forystuna á ný og Halla T í sókn Vendingar í nýrri könnun og mannbjörg á ögurstundu Svona voru kappræður sex efstu í baráttunni um Bessastaði Spyr hvort eðlilegt sé að ráðherrar taki þátt í erlendum mótmælum Viktor hvetur forsetaframbjóðendur til að sniðganga Stöð 2 Skipstjórinn og tveir stýrimenn handteknir vegna sjóslyssins Óvinnufær eftir harkalegt fall þegar strappur slitnaði Skipuð aðstoðarlögreglustjóri á höfuðborgarsvæðinu Valdimar Hermannsson nýr sveitarstjóri Vopnafjarðarhrepps Bjarni ætlar að geta Katrínar í formálanum Þórey í Konukoti hlaut mannréttindaverðlaun Reykjavíkur Nafnið Hroði of hroðalegt Fékk sting í hjartað þegar hann sá nafnið á bátnum Um 920 mál óafgreidd hjá kærunefnd útlendingamála Færa almannavarnastig niður á óvissustig vegna vatnslagnarinnar Fólk muni ekki borga 200 þúsund fyrir „heimili sem það notar sem sumarbústað“ Vísbending um að flutningaskip hafi hvolft bátnum Skikkar lögreglu til að rannsaka stjórn aðventista Sjóslys, Þórkatla og framtíð Play Kvikusöfnunin áfram stöðug Tóku niður íslenska svikasíðu með FBI Hafna tilboðum í áætlunarflug milli Reykjavíkur og Hornafjarðar Segir rangt að gjaldskylda á nagladekk sé í skoðun „Blaut tuska í andlit Félags eldri borgara í Reykjavík“ Vilja sinna Íslendingum á Spáni betur Sjá meira