Innlent

Þrjár flug­vélar þurftu að hætta við lendingu í Kefla­vík

Máni Snær Þorláksson skrifar
Airbus A321-þota Play á Keflavíkurflugvelli.
Airbus A321-þota Play á Keflavíkurflugvelli. Vilhelm Gunnarsson

Snúa þurfti við þremur flugvélum sem áttu að lenda á Keflavíkurflugvelli í kringum klukkan 14 í dag. Upplýsingafulltrúi Isavia segir að lélegt skyggni sé á flugvellinum og þess vegna hafi vélunum verið snúið við.

„Það eru tvær Play vélar sem eru að beinast, ég er ekki með upplýsingar um hvert, annað hvort að Akureyri eða Egilsstöðum, sitt hvort eða bæði. Lufthansa vélin skilst mér að hafi snúið við,“ segir Guðjón Helgason, upplýsingafulltrúi Isavia, í samtali við fréttastofu.

Önnur af flugvélum Play var að koma frá París og þurfti sú vél að lenda á Egilsstöðum. Sjá má hvar vélin snéri við á myndinni hér fyrir neðan.

Önnur flugvél Play lenti á Egilsstöðum.FlightRadar

„Það er lélegt skyggni á vellinum akkúrat núna og flugfélögin taka þá ákvarðanir á grundvelli þeirra upplýsinga sem við gefum um það.“

Að honum vitandi hefur þó engum flugum verið frestað vegna þessa.

Flugvél Lufthansa snéri við og fór til baka.FlightRadar


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×