Icelandair lýkur fjármögnun tveggja Boeing 737 MAX flugvéla

Bjarki Sigurðsson skrifar 27. janúar 2023 17:05

Boeing 737 MAX flugvélarnar eru í fullri eigu Icelandair. Vísir/Kristján Már

Icelandair hefur lokið fjármögnun á tveimur Boeing 737 MAX 8. Heildarfjárhæð fjármögnunarinnar er um 67 milljónir Bandaríkjadala, rúmlega 9,5 milljarðar króna.

Fjármögnunin fór fram í samstarfi við Itasca Re og þýska bankann NORD/LB. Um er að ræða tryggingavarða fjármögnun en vélarnar sem um ræðir eru nú í fullri eigu Icelandair sem keypti þær fyrir handbært fé síðastliðið haust.

„Það er okkur mikið ánægjuefni að tilkynna um þessa mikilvægu fjármögnun í samstarfi við NORD/LB og Itasca Re. Mikil samkeppni var um aðkomu að þessu verkefni. Það skilaði sér í mjög samkeppnishæfum kjörum og staðfestir jafnframt trú fjárfesta á virði og styrkleikum MAX vélanna og ekki síður trú þeirra á Icelandair og viðskiptalíkan félagsins,“ er haft eftir Boga Nils Bogasyni, forstjóra Icelandair, í tilkynningu.

Fréttir af flugi Icelandair Boeing

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.