Viðskipti innlent

At­vinnu­leysi dróst saman um 1,3 prósentu­stig

Bjarki Sigurðsson skrifar
Hagstofa Íslands segir atvinnuþátttöku vera í 78,1 prósenti.
Hagstofa Íslands segir atvinnuþátttöku vera í 78,1 prósenti. Vísir/Vilhelm

Atvinnuleysi dróst saman um 1,3 prósentustig frá desember 2021 til desember 2022. Árstíðaleiðrétt atvinnuleysi er nú í 3,3 prósentum og hefur dregist saman um 5,7 prósentustig frá því að það var sem hæst í apríl árið 2021.

Ársíðaleiðrétt atvinnuþátttaka í desember 2022 var 79,8 prósent og hlutfall starfandi 77,2 prósent. Leitni árstíðaleiðrétts atvinnuleysis hefur verið stöðug í 3,8 prósentum síðustu sex mánuði.

Rúmlega 216 þúsund einstaklingar á aldrinum 16 til 74 ára voru á vinnumarkaði í desember 2022 en af þeim voru 6.600 einstaklingar atvinnulausir og í atvinnuleit. 

„Áætlað er að 17.400 einstaklingar hafi haft óuppfyllta þörf fyrir atvinnu (slaki) í desember 2022 sem jafngildir 7,8% af samanlögðu vinnuafli og mögulegu vinnuafli. Af þeim voru 38,1% atvinnulausir, 26,4% tilbúnir að vinna en ekki að leita, 4,5% í atvinnuleit en ekki tilbúnir að vinna og 31,0% vinnulitlir (starfandi í hlutastarfi og vilja vinna meira),“ segir í tilkynningu á vef Hagstofunnar. 

Slaki á vinnumarkaði hefur dregist saman um 4,6 prósentustig á milli ára samanborið við desember 2021. Leitni árstíðaleiðrétts slaka hefur dregist lítillega saman síðustu sex mánuði eða um 1,1 prósentustig. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.