Sigrún segir upp hjá Fjölni: „Við Kristjana náðum ekki takti saman“ Sindri Sverrisson skrifar 25. janúar 2023 08:30 Sigrún Sjöfn Ámundadóttir hefur átt afar farsælan feril en stendur nú á krossgötum. VÍSIR/BÁRA Körfuboltakonan reynslumikla Sigrún Sjöfn Ámundadóttir er hætt hjá Fjölni eftir að hafa verið spilandi aðstoðarþjálfari deildarmeistaranna. Hún segir ástæðuna „ólíka sýn“ hennar og þjálfarans Kristjönu Eirar Jónsdóttur á leik liðsins. „Þetta átti svo sem ekki að enda svona og ég er ekki hætt í körfu, en ég hef ákveðið að draga mig í hlé frá meistaraflokki Fjölnis,“ segir Sigrún í samtali við Vísi. Sigrún, sem er 34 ára Borgnesingur, tók þátt í að landa fyrsta stóra titli í sögu Fjölnis þegar liðið varð deildarmeistari í fyrra. Eftir tímabilið tók Kristjana við af Halldóri Karli Þórssyni sem aðalþjálfari Fjölnis, eftir að hafa stýrt ÍR upp úr 1. deild, og hefur samstarf þeirra Sigrúnar ekki gengið sem skyldi: „Ég hef spilað körfubolta í mörg ár með sínum hæðum og lægðum. Þetta hefur ekki komið fyrir áður hjá mér en því miður er þetta staðan,“ segir Sigrún spurð út í ástæður þess að hún hætti. Hún tilkynnti Kristjönu um ákvörðunina eftir tap gegn botnliði ÍR í síðustu viku. „Ég hef bara ekki sömu sýn og hún“ „Ég vil ekkert endilega ræða þetta mikið. Við erum með gott lið og frábæra einstaklinga. Ég er titluð sem aðstoðarþjálfari liðsins og við Kristjana vorum einhvern veginn ekki að ná takti saman, og ekki á sömu blaðsíðu með liðið. Mér finnst líka vanta upp á metnaðinn. Við fórum til dæmis í bikarleik [gegn 1. deildarliði Snæfells, sem tapaðist] bara með stúlknaflokkinn okkar. Einhverjar voru vissulega veikar en það vantaði meiri stemningu og metnað. En meginástæðan fyrir ákvörðun minni er ekki stelpurnar í liðinu eða neitt slíkt. Þetta eru flottar stelpur og þarna eru frábærir einstaklingar. Við Kristjana náðum ekki takti saman. Það er helsta ástæðan. Þetta er búið að vera erfitt hjá okkur og ég ákvað að stíga núna frá borði,“ segir Sigrún sem útilokar ekki að semja við nýtt félag áður en félagaskiptaglugginn lokast um mánaðamótin. Aðspurð hvort upp úr hafi soðið í samskiptum þeirra Kristjönu segir Sigrún svo ekki vera: „Ég hef ekki talað við Kristjönu síðan eftir leikinn síðasta miðvikudag. Þetta er bara flott stelpa og efnilegur þjálfari. Ég hef bara ekki sömu sýn og hún.“ Kristjana Eir Jónsdóttir tók við Fjölni síðasta sumar eftir að hafa komið ÍR upp í efstu deild.VÍSIR/BÁRA Fjölnisliðið missti fyrr í vetur út besta leikmann síðustu leiktíðar, Dagnýju Lísu Davíðsdóttur, og hefur tapað fimm leikjum í röð, nú síðast gegn ÍR sem vann þar með sinn fyrsta sigur á tímabilinu. Fjölnir var þar án bandarísks leikmanns, eins og reyndar ÍR í allan vetur, því samningi við Taylor Jones var sagt upp og beðið er eftir leikheimild fyrir Brittany Dinkins. Ef einhver vill ekki æfa undir mér þá er það bara þannig Kristjana segir veturinn hafa verið afar krefjandi og að ekki bæti úr skák að missa nú mikilvægan leikmann í Sigrúnu. „Þetta kom alveg á óvart en ég er þannig týpa að ég horfi bara áfram veginn. Ef einhver hættir þá bara hættir hún, þó að vissulega sé högg að missa Sigrúnu, reynslumesta leikmanninn okkar. Ef einhver vill ekki vera í liðinu eða æfa undir mér, þá er það bara þannig og ég held bara áfram,“ segir Kristjana í samtali við Vísi. Hún segir að þrátt fyrir mikinn viðsnúning frá því í fyrra, og aðeins fjóra sigra í sextán deildarleikjum í vetur, sé hljóðið ekki þungt í leikmannahópi Fjölnis. „Nei, ég myndi ekki segja það. Ég held að við séum allar á sömu blaðsíðu með það að halda bara áfram og sjá hvað það skilar okkur langt. Við höfum farið í gegnum miklar breytingar og mikil meiðsli. Í 2-3 leikjum voru allir atvinnumennirnir okkar veikir, og ofan í það handleggsbrotnaði landsliðsmiðherjinn okkar, Dagný Lísa. Við höfum því verið að missa út leikmenn í mörgum leikjum og það er lítið við því að gera,“ segir Kristjana sem stýrir Fjölni næst í kvöld þegar liðið tekur á móti Íslandsmeisturum Njarðvíkur. Subway-deild kvenna Fjölnir Mest lesið Vildi ekki að börnin sín myndu alast upp í Englandi Enski boltinn Prufa ný VAR-spjöld fyrir þjálfara Fótbolti „Skora á yfirvöld að afturkalla þessa huglausu ákvörðun“ Enski boltinn Rúnar Ingi: Glaður að ég þurfti ekki að vera í opnunarleiknum á nýja húsinu Körfubolti Flytur langt í burtu frá Ítalíu ef liðið hans kemst ekki á HM Fótbolti Uppgjörið: Álftanes - Grindavík 70-79 | Grindvíkingar með fullt hús Körfubolti FIFA segir að Trump geti tekið HM-leiki af bandarískum borgum Fótbolti Boltinn var inni og Glódís Perla fagnaði dramatískum sigri Fótbolti „Mér er alveg sama hvað ég skora mikið, ég vil bara fá sigur“ Sport „Það langbesta sem við höfum sýnt í vetur“ Sport Fleiri fréttir Rúnar Ingi: Glaður að ég þurfti ekki að vera í opnunarleiknum á nýja húsinu Uppgjörið: Álftanes - Grindavík 70-79 | Grindvíkingar með fullt hús Uppgjörið: Valur-Ármann 94-83 | Valsmenn í vandræðum með nýliðana Uppgjörið: ÍA - Njarðvík 119-130 | Svakaleg spenna á Skaganum Uppgjörið: KR - Þór Þ. 95-75 | Fullkomin byrjun KR heldur áfram Mætti ryðgaður til leiks eftir aðgerðina Frákastadrottningin fyrirsæta hjá Victoria's Secret Uppgjörið: Njarðvík-Tindastóll 92-70 | Njarðvíkurkonur bruna áfram Westbrook verður einn af kóngunum í NBA í vetur Grátlegt tap hjá Elvari og félögum eftir framlengingu Martin fann liðsfélagana mun betur en körfuna Byrjar af fítonskrafti: Með þrjátíu stig að meðaltali í leik Segir að Wembanyama sé enn hærri en talið er Vekur athygli fyrir opinskáa umræðu um veikindi sín Spenna í Hveragerði og Ármann stríddi Keflavík Fullkomin byrjun Stólanna í Evrópu Uppgjörið:Haukar - Grindavík 68-85 | Grindavík skellti meisturunum og eru áfram ósigraðar Annar sigur KR kom í Garðabæ Kostuleg langstökkskeppni Nablans og Tomma Steindórs: „Á ég að spretta?“ Kemi tilþrifin: Af nægu að taka í annarri umferð Hilmar skoraði 11 stig í sigri Skildu ekki ákvarðanir Rúnars í lok leiks Vonsviknir Valsmenn biðla til KKÍ að taka á liðaflakki Thunder og Jokic koma best út í árlegri könnun stjóra NBA Galdramenn í Garðabænum: „Ég hélt að hann væri í fimm leikja banni“ Ægir: Sigrar mikilvægir á þessum tímapunkti Kristófer: Það er nú bara október Uppgjörið: Stjarnan - Valur 94-91 | Íslandsmeistararnir sigu fram úr í lokin Uppgjörið: Njarðvík - ÍR 100-102 | ÍR vann eftir sveiflukennda framlengingu Náði því sem bara Bill Russell hefur gert í sögu NBA og WNBA Sjá meira
„Þetta átti svo sem ekki að enda svona og ég er ekki hætt í körfu, en ég hef ákveðið að draga mig í hlé frá meistaraflokki Fjölnis,“ segir Sigrún í samtali við Vísi. Sigrún, sem er 34 ára Borgnesingur, tók þátt í að landa fyrsta stóra titli í sögu Fjölnis þegar liðið varð deildarmeistari í fyrra. Eftir tímabilið tók Kristjana við af Halldóri Karli Þórssyni sem aðalþjálfari Fjölnis, eftir að hafa stýrt ÍR upp úr 1. deild, og hefur samstarf þeirra Sigrúnar ekki gengið sem skyldi: „Ég hef spilað körfubolta í mörg ár með sínum hæðum og lægðum. Þetta hefur ekki komið fyrir áður hjá mér en því miður er þetta staðan,“ segir Sigrún spurð út í ástæður þess að hún hætti. Hún tilkynnti Kristjönu um ákvörðunina eftir tap gegn botnliði ÍR í síðustu viku. „Ég hef bara ekki sömu sýn og hún“ „Ég vil ekkert endilega ræða þetta mikið. Við erum með gott lið og frábæra einstaklinga. Ég er titluð sem aðstoðarþjálfari liðsins og við Kristjana vorum einhvern veginn ekki að ná takti saman, og ekki á sömu blaðsíðu með liðið. Mér finnst líka vanta upp á metnaðinn. Við fórum til dæmis í bikarleik [gegn 1. deildarliði Snæfells, sem tapaðist] bara með stúlknaflokkinn okkar. Einhverjar voru vissulega veikar en það vantaði meiri stemningu og metnað. En meginástæðan fyrir ákvörðun minni er ekki stelpurnar í liðinu eða neitt slíkt. Þetta eru flottar stelpur og þarna eru frábærir einstaklingar. Við Kristjana náðum ekki takti saman. Það er helsta ástæðan. Þetta er búið að vera erfitt hjá okkur og ég ákvað að stíga núna frá borði,“ segir Sigrún sem útilokar ekki að semja við nýtt félag áður en félagaskiptaglugginn lokast um mánaðamótin. Aðspurð hvort upp úr hafi soðið í samskiptum þeirra Kristjönu segir Sigrún svo ekki vera: „Ég hef ekki talað við Kristjönu síðan eftir leikinn síðasta miðvikudag. Þetta er bara flott stelpa og efnilegur þjálfari. Ég hef bara ekki sömu sýn og hún.“ Kristjana Eir Jónsdóttir tók við Fjölni síðasta sumar eftir að hafa komið ÍR upp í efstu deild.VÍSIR/BÁRA Fjölnisliðið missti fyrr í vetur út besta leikmann síðustu leiktíðar, Dagnýju Lísu Davíðsdóttur, og hefur tapað fimm leikjum í röð, nú síðast gegn ÍR sem vann þar með sinn fyrsta sigur á tímabilinu. Fjölnir var þar án bandarísks leikmanns, eins og reyndar ÍR í allan vetur, því samningi við Taylor Jones var sagt upp og beðið er eftir leikheimild fyrir Brittany Dinkins. Ef einhver vill ekki æfa undir mér þá er það bara þannig Kristjana segir veturinn hafa verið afar krefjandi og að ekki bæti úr skák að missa nú mikilvægan leikmann í Sigrúnu. „Þetta kom alveg á óvart en ég er þannig týpa að ég horfi bara áfram veginn. Ef einhver hættir þá bara hættir hún, þó að vissulega sé högg að missa Sigrúnu, reynslumesta leikmanninn okkar. Ef einhver vill ekki vera í liðinu eða æfa undir mér, þá er það bara þannig og ég held bara áfram,“ segir Kristjana í samtali við Vísi. Hún segir að þrátt fyrir mikinn viðsnúning frá því í fyrra, og aðeins fjóra sigra í sextán deildarleikjum í vetur, sé hljóðið ekki þungt í leikmannahópi Fjölnis. „Nei, ég myndi ekki segja það. Ég held að við séum allar á sömu blaðsíðu með það að halda bara áfram og sjá hvað það skilar okkur langt. Við höfum farið í gegnum miklar breytingar og mikil meiðsli. Í 2-3 leikjum voru allir atvinnumennirnir okkar veikir, og ofan í það handleggsbrotnaði landsliðsmiðherjinn okkar, Dagný Lísa. Við höfum því verið að missa út leikmenn í mörgum leikjum og það er lítið við því að gera,“ segir Kristjana sem stýrir Fjölni næst í kvöld þegar liðið tekur á móti Íslandsmeisturum Njarðvíkur.
Subway-deild kvenna Fjölnir Mest lesið Vildi ekki að börnin sín myndu alast upp í Englandi Enski boltinn Prufa ný VAR-spjöld fyrir þjálfara Fótbolti „Skora á yfirvöld að afturkalla þessa huglausu ákvörðun“ Enski boltinn Rúnar Ingi: Glaður að ég þurfti ekki að vera í opnunarleiknum á nýja húsinu Körfubolti Flytur langt í burtu frá Ítalíu ef liðið hans kemst ekki á HM Fótbolti Uppgjörið: Álftanes - Grindavík 70-79 | Grindvíkingar með fullt hús Körfubolti FIFA segir að Trump geti tekið HM-leiki af bandarískum borgum Fótbolti Boltinn var inni og Glódís Perla fagnaði dramatískum sigri Fótbolti „Mér er alveg sama hvað ég skora mikið, ég vil bara fá sigur“ Sport „Það langbesta sem við höfum sýnt í vetur“ Sport Fleiri fréttir Rúnar Ingi: Glaður að ég þurfti ekki að vera í opnunarleiknum á nýja húsinu Uppgjörið: Álftanes - Grindavík 70-79 | Grindvíkingar með fullt hús Uppgjörið: Valur-Ármann 94-83 | Valsmenn í vandræðum með nýliðana Uppgjörið: ÍA - Njarðvík 119-130 | Svakaleg spenna á Skaganum Uppgjörið: KR - Þór Þ. 95-75 | Fullkomin byrjun KR heldur áfram Mætti ryðgaður til leiks eftir aðgerðina Frákastadrottningin fyrirsæta hjá Victoria's Secret Uppgjörið: Njarðvík-Tindastóll 92-70 | Njarðvíkurkonur bruna áfram Westbrook verður einn af kóngunum í NBA í vetur Grátlegt tap hjá Elvari og félögum eftir framlengingu Martin fann liðsfélagana mun betur en körfuna Byrjar af fítonskrafti: Með þrjátíu stig að meðaltali í leik Segir að Wembanyama sé enn hærri en talið er Vekur athygli fyrir opinskáa umræðu um veikindi sín Spenna í Hveragerði og Ármann stríddi Keflavík Fullkomin byrjun Stólanna í Evrópu Uppgjörið:Haukar - Grindavík 68-85 | Grindavík skellti meisturunum og eru áfram ósigraðar Annar sigur KR kom í Garðabæ Kostuleg langstökkskeppni Nablans og Tomma Steindórs: „Á ég að spretta?“ Kemi tilþrifin: Af nægu að taka í annarri umferð Hilmar skoraði 11 stig í sigri Skildu ekki ákvarðanir Rúnars í lok leiks Vonsviknir Valsmenn biðla til KKÍ að taka á liðaflakki Thunder og Jokic koma best út í árlegri könnun stjóra NBA Galdramenn í Garðabænum: „Ég hélt að hann væri í fimm leikja banni“ Ægir: Sigrar mikilvægir á þessum tímapunkti Kristófer: Það er nú bara október Uppgjörið: Stjarnan - Valur 94-91 | Íslandsmeistararnir sigu fram úr í lokin Uppgjörið: Njarðvík - ÍR 100-102 | ÍR vann eftir sveiflukennda framlengingu Náði því sem bara Bill Russell hefur gert í sögu NBA og WNBA Sjá meira