Innlent

Engin skipulögð leit að Modestas

Auður Ösp Guðmundsdóttir skrifar
Umfangsmikil leit fór fram á stóru svæði í Borgarfirði síðastliðinn laugardag.
Umfangsmikil leit fór fram á stóru svæði í Borgarfirði síðastliðinn laugardag. Lögreglan á Vesturlandi, Vísir/Egill Aðalsteinsson

Engin skipulögð leit er í gangi að Modestas Antanavicius en síðast sást til Modestas á laugardag síðastliðinn 7. janúar.

„Við höfum verið að fá smotterísábendingar, fólk sem segist hafa séð eitthvað. Þá höfum við farið og tékkað á því. En það hefur ekkert komið út úr því. Við erum svolítið „stopp,“ segir Ásmundur Kristinn Ásmundsson, aðstoðaryfirlögregluþjónn á Vesturlandi í samtali við Vísi.

Síðastliðin laugardag tóku hátt í 150 björgunarsveitarmenn, ásamt lögreglu og landhelgisgæslu þátt í umfangsmikilli leit að Modestas. Notast var við þyrlu, fjölmarga dróna og fjórtán leitarhunda.

„Þetta var stór og viðamikil leit á laugardaginn. Það var allt tekið og snúið við. Þetta voru staðir sem hundarnir höfðu sýnt áhuga. Við sendum meira að segja menn út á ísinn í kafaragöllum til að skoða íshelluna, því sumt þarna er botnfrosið,“ segir Ásmundur jafnframt.

„Við erum búnir að fara yfir mikið af myndefni, ljósmyndum og videoupptökum úr drónum. Fólk hefur hringt og þá hafa lögreglumenn farið á staðinn og kíkt. En það er engin skipulögð leit á vegum björgunarsveita.“

Lögreglumál Borgarbyggð

Tengdar fréttir

Umfangsmikil leit að Modestas stendur enn yfir

Hátt í 150 björgunarsveitarmenn, ásamt lögreglu og landhelgisgæslu, taka þátt í umfangsmikilli leit að Modestas Antanavicius. Síðast sást til Modestas á laugardag síðastliðinn 7. janúar.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið