Samstarf

Lægri kostnaður með nýrri greiðslulausn

Vodafone
„Margmenn stofa getur hæglega verið að greiða hátt í hundrað þúsund í kostnað við posana á mánuði en gjaldið af deiliposanum er einn tíundi af því," segir Atli Már Sigurðsson.
„Margmenn stofa getur hæglega verið að greiða hátt í hundrað þúsund í kostnað við posana á mánuði en gjaldið af deiliposanum er einn tíundi af því," segir Atli Már Sigurðsson. Vilhelm

„Þetta er miklu hagstæðara fyrir okkur. Við vorum áður með fjóra posa í gangi hér á stofunni og kostnaðurinn við þennan nýja er margfalt minni,“ segir Atli Már Sigurðsson, annar rekstraraðila hárgreiðslustofunnar Hárbær en stofan tók nýlega í gagnið deiliposa frá Vodafone.

Deiliposinn er ný greiðslulausn þar sem allt að níu seljendur geta verið saman með einn posa og deilt kostnaði og það getur munað ansi miklu að sögn Atla.

„Margmenn stofa getur hæglega verið að greiða hátt í hundrað þúsund í kostnað við posana á mánuði en gjaldið af deiliposanum er einn tíundi af því. Posinn gerir sig svo upp sjálfkrafa á nóttunni, við þurfum ekkert að spá í það. Hann er fljótvirkur og miklu betri græja en það sem við vorum með áður. Svo er afgreiðsluborðið okkar miklu snyrtilegra svona,“ bætir Atli við.

„Við vorum áður með fjóra posa í gangi hér á stofunni og kostnaðurinn við þennan nýja er margfalt minni. Svo er afgreiðsluborðið okkar miklu snyrtilegra svona."

Íris Sveinsdóttir hárgreiðslumeistari og eigandi Hárbæjar tekur í sama streng. Starfsemi stofunnar sé fjölbreytt en þar vinna bæði hárgreiðslumeistarar og förðunarfræðingar. Framundan eru spennandi verkefni, meðal annars hár og förðun fyrir Eurovision.

„Ég kenni líka í Make up stúdíói Hörpu Kára og hún bað mig um að verða „Head of Hair“ í Eurovision teyminu. Ég sagði að sjálfsögðu „já“,“ segir Íris og mun Hárbær sjá um hár keppenda. Íris er öllu vön þegar kemur að hárgreiðslu á stórum viðburðum.

Íris Sveins, eigandi Hárbæjar hefur annarst hárgreiðslu á stórum viðburðum víða um heim.

„Þegar ég bjó í Þýskalandi vann ég mikið af svona verkefnum um allan heim, hársýningar fyrir Paul Mitchell, Amika, Oolaboo og Davines og tískusýningar NYFW svo eitthvað sé nefnt svo að þetta er kannski ekkert nýtt fyrir mig en afskaplega skemmtilegt að vinna svona verkefni hérna heima,“ segir Íris.

Hárbær hefur verið starfandi frá árinu 1977, fyrst á Laugavegi 168 og nú í Stórholti 1. Segja má að Íris hafi alist upp á hárgreiðslustofu en pabbi hennar og afi voru báðir hárskerar, Sveinn Árnason og Ari Guðjónsson.

„Þeir unnu saman á Njálsgötu 58 þegar ég var barn og ég gat setið stundunum saman og fylgst með þeim vinna. Ég klippti mitt fyrsta módel þegar ég var 12 ára og þar á undan var ég dugleg að klippa dúkkurnar mínar, sem flestar voru orðnar hárlausar. Þeir stofnuðu Hárbæ á sínum tíma og fastakúnnarnir þeirra koma margir enn á stofuna til okkar. Það er yndislegt að tengjast þannig pabba og afa,“ segir Íris, það hafi ekki verið flókið að velja sér framtíðarstarf. 19 ára var hún komin með sveinsprófið og var í íslenska landsliðinu í hárskurði.

„Það er mikill metnaður hér inni á stofunni,“ segir Atli. „Sara sem vinnur hér í Hárbæ er snillingur þegar kemur að barnaklippingum og Nas sérhæfir sig í herraklippingum og tekur viðskiptavini í klippingu beint af götunni. Hann hefur starfað í Hárbæ í 7 ár. Íris sér einnig um hárið hjá Sinfó og sjálfur er ég menntaður förðunarfræðingur. Verkefnin hjá okkur í Hárbæ eru því ansi fjölbreytt og spennandi,“ segir Atli að lokum.

Nánar um deiliposann:

Deiliposinn er hentug lausn þar sem margir deila aðstöðu, búnaði og afgreiðslurými, til dæmis hárgreiðslustofur og fyrirtæki í heilbrigðisþjónustu. Deiliposinn hentar einnig þegar einn aðili er með fjölbreyttan rekstur eða deildarskiptan en það getur meðal annars átt við um íþróttafélög. Hann er einfaldur í notkun, við afgreiðslu er viðkomandi seljandi valinn og viðskiptavinur greiðir með korti. Uppgjör eru aðskilin fyrir hvern og einn seljanda eða deild.

Hægt er að kynna sér greiðslulausnina hér og fá samband við ráðgjafa sem finnur hentugustu lausnina.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.