Innlent

Umfangsmikil leit að Modestas stendur enn yfir

Ólafur Björn Sverrisson skrifar
Lögregla leitar nú Modestas á nokkuð stóru svæði í Borgarfirði.
Lögregla leitar nú Modestas á nokkuð stóru svæði í Borgarfirði. samsett/vísir/Egill

Hátt í 150 björgunarsveitarmenn, ásamt lögreglu og landhelgisgæslu, taka þátt í umfangsmikilli leit að Modestas Antanavicius. Síðast sást til Modestas á laugardag síðastliðinn 7. janúar.

„Við byrjuðum leitina á þriðjudag en höfum engar upplýsingar frá því á laugardag. Þannig við erum bara að leita og fengum liðsstyrk frá björgunarsveitum í dag,“ segir Ásmundur Kristinn Ásmundsson, aðstoðaryfirlögregluþjónn á Vesturlandi, í samtali við fréttastofu. Hann segir lögreglu ekki hafa neinar nýjar vísbendingar um ferðir Modestas. 

Lögregla leitar ásamt björgunarsveitum í Borgarfirði. vísir/egill

Leit hófst á ný klukkan 7 í morgun. Notast hefur verið við þyrlu, fjölmarga dróna og fjórtán leitarhunda. Ásmundur biðlar til fólks í Borgarfirði að kanna bílskúra og sumarbústaði. 

„Hann fór ekki á bílnum sínum og ekki með síma þannig við erum bara að leita að manni sem er á fæti.“

Svæðið sem leitað er á spannar einhverja tugi kílómetra, segir Ásmundur, og leitað er bæði á landi og sjó.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×