IKEA inn­kallar spegla

Í tilkynningu frá IKEA segir að viðskiptavinir  sem eiga LETTAN spegla sem falli undir innköllunina, séu hvattir til að taka þá niður og fá sendar nýjar festingar þeim að kostnaðarlausu.

„Öryggi er alltaf efst á forgangslista IKEA og því hefur verið ákveðið að innkalla LETTAN spegla, með framleiðsludagsetningar til og með 2105 (ÁÁVV), til viðgerðar vegna hættu á að veggfestingarnar brotni.

Við vöruþróun notast IKEA við strangt áhættumat og prófanir til að tryggja að vörur okkar standist öll gildandi lög og staðla á þeim mörkuðum þar sem þær eru seldar.

Þrátt fyrir þessar öryggisprófanir höfum við fengið upplýsingar um að veggfestingarnar fyrir LETTAN speglana eigi það til að brotna og speglarnir geta því dottið niður öllum að óvörum. Því hvetjum við alla sem eiga LETTAN spegla sem falla undir þessa innköllun að hætta notkun þeirra og fá sendar nýjar festingar án endurgjalds.

Vinsamlega hafðu samband við þjónustuverið okkar í síma 520 2500 eða netfangið IKEA@IKEA.isog fáðu nýjar festingar með vörunúmerinu 139298/1 sendar til þín, þér að kostnaðarlausu.

IKEA biðst velvirðingar á óþægindum sem þetta kann að valda,“ segir í tilkynningunni.