Neytendur

Nú er hægt að nálgast vega­bréfs­upp­lýsingar raf­rænt

Auður Ösp Guðmundsdóttir skrifar
Núna þarf ekki ekkui lengur að muna vegabréfsnúmer og gildistíma.
Núna þarf ekki ekkui lengur að muna vegabréfsnúmer og gildistíma. Vísir/Stefán

Íslendingum gefst nú kostur á að nálgast vegabréfsupplýsingar sínar og barna sinna inni á Ísland.is. Um er að ræða samstarfsverkefni Stafræns Íslands, Þjóðskrár og Sýslumanna.

Undir skírteini á Mínum síðum á Ísland.is geta einstaklingar fundið upplýsingar um vegabréf sitt og einnig upplýsingar um vegabréf barna sem eru í forsjá viðkomandi.

Þar birtast almennar upplýsingar eins og nafn, kyn, númer vegabréfs og gildistími þess. 

Þetta mun auðvelda fólki að nálgast upplýsingar úr sínu vegabréfi eða barna í sinni forsjá, til dæmis þegar á að bóka á flug.

Áfram þarf að vera með vegabréf sitt þegar ferðast er og ekki hægt að nota sem upplýsingasíðu sem skilríki.

Síðar á árinu verður hægt að forskrá umsóknir um vegabréf og inna af greiðslu á Ísland.is áður en farið er í myndatöku hjá sýslumanni. Einnig verður hægt að staðfesta forsjá með rafrænum hætti milli forsjáraðila.

Í því felast aukin þægindi fyrir forsjáraðila sem búa til dæmis sitthvorum landshluta eða af öðrum ástæðum geta ekki báðir komið á umsóknarstað með barni sínu.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.