Samstarf

Dáleiðsla gagnast fólki á fjölbreyttan hátt

Dáleiðsluskólinn Hugarefling
„Sjálfsdáleiðsla getur nýst fólki til að ná betri árangri í því sem það vill, breyta einhverju í sínu lífi og líða almennt betur," segir Jón Víðis. Námskeið eru að hefjast og skráning í gangi.
„Sjálfsdáleiðsla getur nýst fólki til að ná betri árangri í því sem það vill, breyta einhverju í sínu lífi og líða almennt betur," segir Jón Víðis. Námskeið eru að hefjast og skráning í gangi.

Námskeið eru að hefjast hjá Dáleiðsluskólanum Hugareflingu. Einn reyndasti dáleiðslukennari landsins og aðalkennari Hugareflingar, Jón Víðis, segir alla geta tileinkað sér dáleiðslu og hún gagnist fólki á fjölbreyttan hátt.

„Námskeiðin okkar eru tvenns konar, annars vegar erum við með tveggja kvölda námskeið og hins vegar almennt dáleiðslunám. Stuttu námskeiðin okkar, Sjálfsdáleiðsla sem byrjar á morgun og hægt er að skrá sig á hér og Borðum rétt skráning hér, eru tvö kvöld, 3 tímar í senn. Þau byggja bæði á sjálfsdáleiðslu, annars vegar almennt til að ná einhverju settu marki og hins vegar til að ná tökum á mataræðinu,“ útskýrir Jón. Hann segir sjálfsdáleiðslu gagnast fólki á fjölbreyttum sviðum lífsins.

„Sjálfsdáleiðsla getur nýst fólki til að ná betri árangri í því sem það vill, breyta einhverju í sínu lífi og líða almennt betur, hætta að reykja, ná niður verkjum, sofa betur eða vinna á fælni. Þær aðferðir sem fólk lærir í sjálfsdáleiðslu virka til dæmis við kvíða og gagnast fólki sem á erfitt með að standa frammi fyrir hópi af fólki og halda ræðu. Dáleiðsla virkar þar sem huglæg orsök liggur að baki,“ útskýrir Jón.

„Dáleiðsluástandi má líkja við það ástand sem við erum í milli svefns og vöku, við vitum af okkur og heyrum en erum fullkomlega afslöppuð.“

„Dáleiðslunámið nær yfir fjórar helgar og þar kennum við fólki að dáleiða. Í framhaldinu getur fólk einnig lært Meðferðardáleiðslu, þar sem kenndar eru markvissari aðferðir til að nota dáleiðslu. Nemendur útskrifast sem meðferðardáleiðarar að námi loknu. Námskeið sem Dáleiðsluskólinn Hugarefling kennir koma frá NGH, stærstu dáleiðslusamtökum í heimi og því um viðurkennd námskeið að ræða sem fleiri en einn sérfræðingur hafa komið að. Það liggja ítarlegar prófanir á bak við þær aðferðir sem kenndar eru á námskeiðunum,“ segir Jón.

„Það geta allir lært dáleiðslu og fólk þarf ekki að óttast dáleiðsluástand. Það missir enga stjórn og ekki er hægt að dáleiða einhvern sem vill það ekki. Dáleiðsluástandi má líkja við það ástand sem við erum í milli svefns og vöku, við vitum af okkur og heyrum en erum fullkomlega afslöppuð,“ útskýrir Jón.

Hann útskrifaðist sjálfur úr dáleiðslunámi árið 2011 og hefur kennt dáleiðslu frá árinu 2016. Hann nýtti sér sjálfur dáleiðslu til að léttast og hefur hjálpað fjölda fólks við það. Einnig hefur hann hjálpað fólki að auka sjálfstraust, takast á við þunglyndi og kvíða, losna við flughræðslu, takast á við kulnun, ná betri árangri í íþróttum, hætta að reykja og ýmislegt annað.

Umsagnir nemenda:

Elínborg Hilmarsdóttir: Það var skyndiákvörðun að fara í þetta nám en að mínu mati var það góð ákvörðun. Námið reyndist gagnlegt og gott. Ég tel mig vera ríkari og get notað námsefnið í komandi tíma. Takk fyrir mig.

Gréta Lind Sigurðardóttir: Námið er áhugavert, frábært og hagnýtt. Það gaf mér svo mikið og ég mun örugglega nýta mér þekkinguna sem ég öðlaðist til góðs fyrir mig og mína. Að læra dáleiðslu er mannbætandi þroskaskeið. Ég hefði svo mikið viljað kynnast dáleiðsluaðferðum miklu fyrr. Það er aldrei of seint að læra dáleiðslu. Bestu þakkir, takk fyrir mig!

Kristjana: Námskeiðið reyndist áhugavert og gagnlegt fyrir mig sem kom til að kynnast dáleiðslu án frekari fyrirætlana. Kennslan var hnitmiðuð og kennsluefnið ítarlegt og mjög yfirgripsmikið. Í stuttu máli – hefði ég ekki viljað vera án þessa námskeiðs og þakka kennurunum góða leiðsögn.

Rúna Magnúsdóttir: Sem leiðtogamarkþjálfi og meðstofnandi vitundarvakningar No More Boxes 2007 langaði mig til að geta gefið viðskiptavinum mínum tækifæri til að fara dýpra og geta orðið enn betri, brattari og bjartari sem leiðandi ljós á sínu sviði. Lærðu að dáleiða námið hefur gefið mér ótalmörg góð og gefandi tól sem ég kem til með að nýta mér í framtíðinni. Takk fyrir mig.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.